مشكلة كبيرة للبريمير بلص 1 البوت بعد تنزيل الانجيما وليس يوجد حل نهائى

[ايمن راضى]

عندى نسخة الانجيما والنسخة مجربها لاكثر من جهاز وشغالة تمام على كل الاجهزة الا الجهاز العقيم ومشكلة اول مرة تقابلنى نزلت على الجهاز واشتغلت تمام وعندما ارجع للسبارك بكل السبل يقف على بوت فقط لاغير ولو انتظرت ساعات حاولت معاه بكل من سوفتات الانقاذ وغيره ببرنامج الهايبر ونزلت البوت له ويقبل كل حاجة ويفتح ويجيب رسالة البداية بتاعة اللغة والايبهات النت اى المنيو الى هو بعد تنزيل السوفت او ملف الانقاذ مباشرة وده كله عادى وبعدين يكتب بوت ويجيب منيو الجهاز او القنوات وده الطبيعى للاسف يكتب بوت ويقف على كده قلت استنى ربع او نص او ساعة لا يفتح ويقف على بوت ولفيت الانترنت على حل المشكلة وجربت معاه كل حاجة يقبل وبالاخر يقف على الكلمة اللعينة كلمة بوت ولا يوجد خلفية طبعا ممكن المساعدة لحل المشكلة دى والف شكر

[Dr. Hazem Tamim]

جرب تمسح نسخة الانيجما دى او تنزل نسخة غيرها دا اولا
الحاجة التانية انت كاتب كلام كتير انا مش فاهم انت بتشوف ايه بعد سوفت الانقاذ

[tony69]

افصل الكهربا من زر الباور الخلفي
انتظر 3 ثواني
اضغط على زر باور في واجهة الجهاز ضغطة مستمرة و شغل الباور الخلفي اثناء الضغط على الباور الامامي (ضغطة مستمرة)
اول ما تنير شاشة الرسيفر الزرقاء اضغط على زر channels باتجاه اليمين (مع مراعاة الاستمرار في الضغط على زر باور الامامي)
سيتحول البوت معك الى كلمة sprk و تعني سبارك
انتظر عليه قليلا سيبدا في التحميل بعد انتهاء عداد الارقام الذي سيعمل ضبط لعملية البوت
عملية مملة نوعا ما و ستغلبك قليلا حتى تعمل كررها عدة مرات حتى تنجح عملية البوت الطبيعية للسبارك

[م/محمدزيان]

افصل الكهربا من زر الباور الخلفي
انتظر 3 ثواني
اضغط على زر باور في واجهة الجهاز ضغطة مستمرة و شغل الباور الخلفي اثناء الضغط على الباور الامامي (ضغطة مستمرة)
اول ما تنير شاشة الرسيفر الزرقاء اضغط على زر channels باتجاه اليمين (مع مراعاة الاستمرار في الضغط على زر باور الامامي)
سيتحول البوت معك الى كلمة sprk و تعني سبارك
انتظر عليه قليلا سيبدا في التحميل بعد انتهاء عداد الارقام الذي سيعمل ضبط لعملية البوت
عملية مملة نوعا ما و ستغلبك قليلا حتى تعمل كررها عدة مرات حتى تنجح عملية البوت الطبيعية للسبارك

كل الشكر لك اخى الكريم على المتابعة
للدخول الى نسخة الانيجما والتحويل من الاسبارك الى الانيجما والعكس
حنقوم بغلق الريسيفر من الباور الخلفى
ثم الضغط على زر ok من واجهة الجهاز والباور الخلف مغلق
ثم قم بفتح الباور الخلفى وانت ضاغط على زر ok ستظهر فى واجهة الجهاز كلمة (Forc)
شيل ايديك من على زر ok ثم إضغط على الزر (ch+) حتلاقية كتب spark ودا للرجوع الى الاسبارك من واجهة الجهاز اضغط على زر (ch-) حتلاقية كتب Enigma ودا للدخول الى الانيجما من واجهة الجهازحتضغط على كلمة ok حيقوم بعمل عملية اعادة ترتيب لملفات النظام وحتلاقية بيعد ويجيب ارقام على الجهاز والعملية دى بتغيب حوالى 10 دقائق او اكتر وبعدها حيكتب (SUCC) هى عملية مملة بعض الشئ لكن ناجحة
وانا جربتها شخصيا اخى امبارح
ياريت تسيب الجهاز لحد ما يخلص تحميل ويديك الرسالة
ولو كتب كلمة load اعد تشغيل الانيجما مرة اخرى بنفس الطريقة
وبعدها ارجع الى الاسبارك بالطريقة ال فاتت
وان شاء الله تحل مشكلتك

[ايمن راضى]

كل الشكر ليكم وربنا يبارك بحياتكم يارب بس المشكلة وواقع فيها لجهاز بيجيب boot ومهما ان عملت ونزلتله سوفت الإنقاذ مش بيبدأ بعد ما يدي success ويقف على البوت فقط ومش عارف ادخل على الاسبارك علشان احذف الانجيما ممكن المساعدة

[Dr. Hazem Tamim]

كل الشكر ليكم وربنا يبارك بحياتكم يارب بس المشكلة وواقع فيها لجهاز بيجيب boot ومهما ان عملت ونزلتله سوفت الإنقاذ مش بيبدأ بعد ما يدي success ويقف على البوت فقط ومش عارف ادخل على الاسبارك علشان احذف الانجيما ممكن المساعدة

استاذ ايمن مشكلتك دى حلها تنزيل اليوبوت باللودر الهايبر تيرمينال
لانها كانت عندى على البريمير لانه تقريبا عدت عليا كل المشاكل بتاعة سبارك اعتقد انك عارف تنزل البووت ازاى ولا لا
انا هارفعلك احدث يوبوت استخدمه ولو مش عارف الخطوات ارجعلى وانا هاكتبهالك

[ايمن راضى]

استاذ حازم الف شكر على تعبك ولكن الجهاز اخذ ملف البوت باللودر الهايبر تيرمينال وما زالت المشكله مستمره

[Dr. Hazem Tamim]

ممكن حضرتك تقولى ايه الخطوات اللى بتعملها والاختيارات اللى بتختارها

[ايمن راضى]

اتفضل اخى دى اعداد الهيبر واسف جدا لتعب حضرتك ومهما اقول من كلمات لا تكفى ليك الا ربنا يبارك بحياتك انت وكل من بالمنتدى

[ايمن راضى]

وجربت سوفتات الانقاذ من الكمبيوتروبالفلاشة والغريب اخى ان كل ده الجهاز بيقبله والمشكلة كما هى

[Dr. Hazem Tamim]

والله يا استاذ ايمن المشكلة دى قابلتنى فى 3 اجهزة من نوعيات مختلفة
وصلحتهم بنفس الطريقة وتلاقى الجهاز بيحول سبارك وانيجما ويقبل السوفت وما يفتحش ودى كانت مشكلة البريمير اللى عندى
لما بتوصل الجهاز باللودر عن طريق كابل rs232 مظبوط
وقبل ما بتعمل الخطوات دى طبعا بتقفل الجهاز من الخلف وتدوس على ok
وتفتحه تانى لحد ما يجيب forc بتدوس على v- اللى هو بيوطى الصوت وهتلاقى على شاشة الرسيفر rs232
ده بيحصل معاك ولا لا وبعدها بنبدا التنزيل

[ايمن راضى]

والله يا استاذ ايمن المشكلة دى قابلتنى فى 3 اجهزة من نوعيات مختلفة
وصلحتهم بنفس الطريقة وتلاقى الجهاز بيحول سبارك وانيجما ويقبل السوفت وما يفتحش ودى كانت مشكلة البريمير اللى عندى
لما بتوصل الجهاز باللودر عن طريق كابل rs232 مظبوط
وقبل ما بتعمل الخطوات دى طبعا بتقفل الجهاز من الخلف وتدوس على ok
وتفتحه تانى لحد ما يجيب forc بتدوس على v- اللى هو بيوطى الصوت وهتلاقى على شاشة الرسيفر rs232
ده بيحصل معاك ولا لا وبعدها بنبدا التنزيل
تمام نفس كلام بالضبط حضرتك بيقبله وواقف على نفس الكلمة وعلى فكرة عندى 2جهاز بالبيت بس هعمل ايه جهاز زبون وجابو لى المحل ويارتنى ما نزلت له نسخة الانجيما وشغالة عندى بالبيت وكله تمام الا الجهاز ده بعد تنزيل الانجيما عمل المشكلة دى

[ايمن راضى]

اخى شوف تقرير برنامج الهايبر ده وايه رايك بالسطر الاخير

[Dr. Hazem Tamim]

عادى بيحصل كده فعلا بس فيه حاجة غلط انا مش عارفها فين
البريمير عندى جوه والاولاد نايمين انا كنت جبته وجربتهولك عموما هتصبر معايا لحد بكرة لانى عندى التوب بوكس بره وهو مش ذى البريمير فى الموضوع ده

[ايمن راضى]

تمام اخى والله مش عارف اقول لحضرتك ايه من كلام الا ربنا يبارك فيك واولادك يارب والله دعوة مخلصة وربنا يعلم وانا اسف اسف جدا لتعب حضرتك معاى لانك عارف اكل العيش وانت فاهم الكلام ده كويس اخى الكريم جزاك الله خير لما تقدمه لاخوانك دمتم برعاية الله

[مرسليو]

دكتور حازم
استاذ محمد تسلمو علي سرعة الرد علي الاعضاء
كلمة الشكر تعجز عن مدي حبي وتقديري لكم

[Dr. Hazem Tamim]

تسلم يا استاذ مارسيلو وربنا يقدرنا وما نقصرش مع حد واعذرونا ان قصرنا فنحن بشر

[Dr. Hazem Tamim]

تمام اخى والله مش عارف اقول لحضرتك ايه من كلام الا ربنا يبارك فيك واولادك يارب والله دعوة مخلصة وربنا يعلم وانا اسف اسف جدا لتعب حضرتك معاى لانك عارف اكل العيش وانت فاهم الكلام ده كويس اخى الكريم جزاك الله خير لما تقدمه لاخوانك دمتم برعاية الله
استاذ أيمن ان شاء الله تتحل المشكلة بكرة باْذن الله انا برجع الساعه 1:30 بتوقيت السعودية يعني 12:30 بتوقيت مصر اول حاجة هاعملها ان اجربلك البوت وهصورلك الهايبر كمان علشان نفهم الغلطة فين لان انا حليت المشكلة دي في 3 اجهزة منهم جهازي انتظر بكره الرد ان شاء الله

[ايمن راضى]

أخى الفاضل شكرا لك على هذا المجهود الرائع جعله الله فى ميزان حسناتك والحمد لله رب العالمين الجهاز اشتغل وكانت المشكلة لاتخطر على بال احد انى رفعت التيونر وركبته تانى والجهاز اشتغل فعلا حاجة غريبة واسف لتعب كل المشرفين لحل المشكلة وخاصة استاذ حازم انت انسان خدوم وخلوق بتحب اخوانك فى الله ولم تياس لحل المشاكل ربنا يبارك بحياتك

[Dr. Hazem Tamim]

الحمد لله رب العالمين
قلنا انت عملت ايه علشان دى حاجة ممكن فعلا نتعلمها