عطل في تلفزيون توشيبا تورنادو 21 بوصة شاشة مضغوطة

[masmas8]

تلفزيون 21 بوصه تورنادو شاشة مضغوطة موديل 21sf7xel لا يعمل نهائيا بالرغم من وجود 300 فولت علي مكثف الألكوا ولمبة البيان الاماميه بترعش بإستمرار أنا شاكك في أيسي الفرتكال لأنه دايما بيقابلني في هذا العطل بس حبيت لأستفسر من حضراتكم أنتم أهل الخبرة فياريت سرعة الرد من الأعضاء المحترمين حتي أبدأ في حل هذا العطل ولكم جزيل الشكر والإمتنان وأرقام أيسهات الجهاز كلاتي
أيسي البروسوسر 8891crbng7ha4
أيسي البورالرئيسي str w6553a
أيسي الفرتكال d78041
أيسي الصوت tda7266sa

[حافظ السويد]

انزع ايسي الفريتكال وجرب بدونه
ان اشتغل بخط افقي ركب ايسي جديد وجرب واخبرنا

[masmas8]

مشكور جدا أنك أول واحد ترد عليا أستاذي الكبير / أستاذ حافظ
نزعته وشغلت من غيره برضوا مش شغال بس الليد الأمامي ظل ثابت بدون رعشه ولما ضغت علي البرستات الأمامي رجع يرعش تاني , ركب أيسي فرتكال جديد برضوا مشتغلش ورجع يرعش تاني ؟؟؟؟؟ أرجوا الرد السريع وشكرا جدا للمتابعة

[حافظ السويد]

تاكد من المقاومتين على دريفر النبضة
R410
R411
والترانسستورQ402وتاكد من وصول الجهد اليه

[masmas8]

معلش يا أستاذ حافظ ممكن توضح ليا مكان المقاومات التي حضرتك أشرت عليها

[حافظ السويد]

بجانب اللاين تجد ملف شبيه بالترنس الصغير
ام ممكن يكون شكله عامودي
رقمه على الشاسيهT401
والترانسستور والمقاومات مرتبطين معه

[masmas8]

ماشي يا بشمهندس حافظ جاري التجربة وسأوفيك بالرد

[masmas8]

الجهود موجود في المكان التي أشرت إليه وجت دايود تالف واخد من أرجل الشوبر غيرته والجهاز إشتغل بس خط أزرق أسفل الشاشة والجهاز مش بيكمل 5 ثواني وبيضرب الداديود الذي تم تغييره أكثر من مرة ؟؟؟؟؟؟

[masmas8]

الجهاز إشتغل بشمهندس حافظ وجاب خط أزرق في النصف بس البوردة متاكله مكان أيسي الفرتكال وكمان بيضرب وبيشيط بعد أقل من 5 ثواني , ما الحل أستاذنا الكبير , في إنتظار ردك عليا ؟؟؟؟؟

[احمد سمير]

لابد من متابعة مكان أي سي الفرتكال
من شاسيه أخر نفس شاسيه الجهاز
أو لو بتعرف تشتغل على مخطط الجهاز
لتوصيل التراكات بأرجل اي سي الفرتكال
( الخطوط الموصله لأي سي الفرتكال )
-------
كل الشكر لأخ أبو أحمد
م / حافظ السويد

[احمد سمير]

أو إرفع صوره للشاسيه اللي عندك
وأنا هأرفعلك كل خط من الخطوط المتهالكه
ومكان طرفه في الاي سي لكي يتم اللحام فيه
بس أذهب لورشتي لكي أشوف شاسيه مثله
أو مخطط وهتابعك إن شاء الله
................

[masmas8]

شكرا جدا لكل من أهتم وساهم في الرد لكن صاحب الجهاز طلبه ولا يرغب في تصليحه وسوف يشتري شاشة عرض وكان نفسي أكمل معاكوا في صيانة هذا الجهاز عموما خير وللمرة التانيه مشكور جدااااااااااااااا لكل من أهتم وساهم بالمشاركة من أعضاء مصراوي سات الكرام

[حافظ السويد]

اخر مشاركة لك منذ 5 ايام وتأخرت في الرد علينا
وشي اكيد صاحب الجهاز لاينتظر اكثر من ذلك
وايضا لم تذكر رقم الديود الذي يضرب كل ماقمت بابداله
على كل حال خيرها بغيرها
ولايهمك
تقبل تحياتي