عطل باور في رسيفر كاون ارجو المساعدة السريعة

[هاني ايزو]

جهاز كاون simple & speedy فاصل باور نهائي فكيتة وراجعت الفولتات كلها سليمة ما عدا فولت 3.3 بيدي 0.5 فولت غيرت المكثفات والفوتوكبلر وماذال العطل موجود .
فما الحل ؟؟؟

[ayman shokr]

غير السيلكون اللى على خط 3.3 فولت ومكثفات 1000 ميكرو يا غالى

[هاني ايزو]

ممكن صورة لو سمحت

[م \ رامى الاسناوى]

ارفع صورة لباور اعلملك عليهم

[هاني ايزو]

http://www.up-00.com/VF2coZbj

[هاني ايزو]

بس بالله عليك ياريت سرعة الرد وجزاك الله خيرا مقدما

[ميدوالاسناوى]

يجب تغير مكثفات ١٠٠٠ كلها

[هاني ايزو]

انا كاتب اني غيرت المكثفات وبرضة المشكلة موجودة

[هاني ايزو]

هو ايه اللي جري لمصراوي سات محدش بيرد علي حد ومحدش بيساعد حد عموما انا رجعت الجهاز للزبون وشكرا لحضراتكم

[ABo 3AHD]

يا حبيبي الناس قالت لك غير سليكون خط 3.3
قولت مش عارف مكانه قول ليك ارفع صوره حضرتك معرفتش
نعمل ليك ايه تاني
مش مشكلتنا ان حضرتك انكمش عارف مكانه
مصروي سات زي الفل

[هاني ايزو]

يعني الغلط عندي انا علشان معرفتش مكان السيلكون صح بس لو حضرتك راجعت الموضوع هتلاقيني رافع صورة والموضوع معمول من يوم السبت بس علي فكرة انا لما عملت الموضوع دة هو علشان انا احتجت المساعدة منكم بس بعد كدة لو معرفتش العطل هرجعة لصاحبة علي طول

[ABo 3AHD]

يعني الغلط عندي انا علشان معرفتش مكان السيلكون صح بس لو حضرتك راجعت الموضوع هتلاقيني رافع صورة والموضوع معمول من يوم السبت بس علي فكرة انا لما عملت الموضوع دة هو علشان انا احتجت المساعدة منكم بس بعد كدة لو معرفتش العطل هرجعة لصاحبة علي طول
اولا انا راجعت الموضوع اكثر من مره ومافيش صوره ظهرت
ثانيا هو انتي بتعطني راتب اخرالشهر يا اخي نحن كلنا نعمل لوجه الله دون مقابل
ثالثا نحن نساعد الفني المتوسط فنيا
وليس القليل نهائيا زي حضرتك
لاننا لا نمتلك عصا سحريا
هو حضرتك عاوز توصل من الالف الي الياء بالسرعه
دي
اخيرا اسلوب حضرتك ياريت يكون احسن من كده
حتي تحظي بدعم من القسم
اصبر وتعلم
حتي يكون لك اسم في مكانك

[هاني ايزو]

انا الحمد لله مغلطش في حد وان كنت بطلب المساعدة دة لاني بحب منتديات مصراوي وعارف انه احسن منتدي واحسن اعضاء ومشرفين وكنت متعشم مش اكتر ومكنتش اعرف انه مش للمبتدأين اللي زي حالاتي عموما شكرا لكل من ساعدني بمعلومة لوجه الله وشكرا لحضرتك برضة

[hithamjojo]

انا شايف انى المنتدى دة عظيم بيرد بكفاءة وبيساعد اى حد وكمان بيصبر على اى حد حتى يساعد لتحديد العطل وانا مكنت اعرف حاجة خالص ومكانى عندى فكرة بصيانة لكن بفضل المنتدى العظيم تعلمت حاجات كتير جدا وبستفاد من هذا المنتدى وربنا يجزيكم خير
وياريت اللى لسة بيتعلم يصبر شوية الصبر مفتاح الفرج والصبر بيتعلم منة الواحد حاجات كتير يا ريت الصبر

[هاني ايزو]

وانا برضة ما انكرتش فضل المنتدي عليا انا اتعلمت ولسه بتعلم منه كتير بس انا اقصد سرعة الرد علشان انت عارف الزباين كل شوية ينطلك

[hithamjojo]

انا عارف لكن انا قصدى انى احنا بنتعلم وانا عارف وامجرب لكن يا اخى انا لم اقصد التهجم على حضرتك وانا اعرف انة ممكن يكون ضغط الشغل عليك او ضغط الزباين لكن انا بتبع اسلوب الصبر بمعنى لو انا عارف العطل واصلاحة بعطى لنفسى فرصة حتى لعلشان اتاكد انة شغال كويس وانا اسف لم اقصد التهجم عليك وارجو ان تقبل اعتذارى

[هاني ايزو]

لالا انا مش زعلان من حضرتك ابدا وانا اسف لو كنت غلط في حد بدون قصد

[hithamjojo]

اسفك مقبول كلنا اخوة وبنحاول نتعلم من بعضنا وانا بكرر كلامى تانى انة ضغط الزبون انا مجربة حاسس بيك يا اخى وربنا معاك

[هاني ايزو]

الله يخليك بس هو اللي زعلني هو كلام الاستاذ ابو عهد لما بيقولي انا مش راتب منك اخر الشهر علي غير المعهود من مشرفين مصراوي سات

[م/السيد منطاوى]

الله يخليك بس هو اللي زعلني هو كلام الاستاذ ابو عهد لما بيقولي انا مش راتب منك اخر الشهر علي غير المعهود من مشرفين مصراوي سات

حصل خير اخى مبدئيا حضرتك تابع بقدر الامكان فى القسم وان شاء الله خير كلنا نتعلم اخى ولم يخلق بعد من وصل من العلم منتهاه بالتوفيق