مشكله غريبه في الطبق

[tabaza]

اخواني الكرام معلش انا بتقل عليكم ولكن انا عارف انكم بتحبوا تساعدوا . انا عندي الطبق مظبوط جيدا حاليا وانا باكتب المشاركه بس في النهار اول مافتح الرسيفر الساعه 2 او 3 العصر بلاقي تقريبا اشاره الاوروبي ضعيفه ماعدا قناه او اتنين شغالين باشاره لا تزيد عن %50 وبيبدا يعلي بالتدريج بمرور الوقت بعد مرور ساعتين او تلاته والنيل سات بيكون شغال ايضا ياشارات منخفضه نسبيا ولكن في العموم شغال .فالموضوع ده محيرني فالعيب من القطعه ام الدايزك ام الطبق نفسه . مع العلم ان الاشاره بالليل جيده .انا جربت رسيفر اخر ونفس المشكله .اسف علي الاطاله وجزاكم الله خيرا

[اسامه حامد]

اخى الكريم

لكي نحصر العيب فين

لما تكون الاشاره منخفضه اطلع على السطح واشبك السلك مباشره دون دايسك ونشوف النتيجه

[tabaza]

حاليا خواني الاعزاء النايل سات شغال ولكن اشاراته انخفضت شويه ولكن الاوروبي قطع تماما لمده نصف ساعه وبعد كده اشارته بدات تعلي بالتدريج .يبقي العيب منين من القطع ولا الطبق .ارجوا المساعده

[tabaza]

ارجو المساعده بالله عليكم .وجزاكم الله خيرا

[ahmed hassn2012]

ممكن تكون المشكلة فى الدايزك او القطعة او السلك
ولذلك عليك تجربة الطبق على السطح وقت انخفاض الاشارة بواسطة وصلة سلك بدون الدايزك وانت بنفسك ممكن تحدد العيب فين
وعادة المشكلة بتكون فى الدايزك

[عمده]

غير القطعه اخى وان شاء الله المشكله تنحل

[المهندس كرم ستالايت]

اخى الكريم

لكي نحصر العيب فين

لما تكون الاشاره منخفضه اطلع على السطح واشبك السلك مباشره دون دايسك ونشوف النتيجه

تسلم ياغالى متابعة ممتازة

[tabaza]

انا لاحظت حاجه تانيه اخواني الكرام النايل سات توقف ايضا لمده تلت ساعه بعد العصر وبعدين الاشاره زادت بالتدريج نفس ما حدث في الاوروبي بالظبط

[خالد الغمراوى]

المشكلة مشكلة ديزك لامحالة

[اسامه حامد]

ارجو المساعده بالله عليكم .وجزاكم الله خيرا

انت يا غالى اعمل الى قلتك عليه سوف تحصر 70 % من المشكله لوحدك

[اسامه حامد]

تسلم ياغالى متابعة ممتازة

حياك الله صديقى الغالى

[tabaza]

انا وصلت السلك مباشره بالعدسه بدون دايزك اثناء حدوث المشكله ولكن وجدت ان الاوروبي فاصل ايضا وبعدها بساعتين سيحدث نفس الامر للنايل سات الغىيب ان المشكله تحدث في وقت محدد اثناء النهار

[عاصفة الصحراء]

انا وصلت السلك مباشره بالعدسه بدون دايزك اثناء حدوث المشكله ولكن وجدت ان الاوروبي فاصل ايضا وبعدها بساعتين سيحدث نفس الامر للنايل سات الغىيب ان المشكله تحدث في وقت محدد اثناء النهار


انتا وصلت السلك مباشرة بعدسة النايل سات فمن الطبيعى ان الهوتبيرد يفصل نهائى عشان مفيش دايزك لكن هل قنوات النايل سات اشتغلت تمام ولا القنوات اللى فاصله استمرت فيها المشكلة ؟ يا ريت توضح عشان نقدر نحددلك المشكلة

[tabaza]

انتا وصلت السلك مباشرة بعدسة النايل سات فمن الطبيعى ان الهوتبيرد يفصل نهائى عشان مفيش دايزك لكن هل قنوات النايل سات اشتغلت تمام ولا القنوات اللى فاصله استمرت فيها المشكلة ؟ يا ريت توضح عشان نقدر نحددلك المشكلة
اخي العزيز ، اثناء ماكان الاوروبي فاصل طلعت وصلت السلك بعدسه الاوروبي مباشره وبرضه ماحلتش المشكله وبكدا استبعدت الدايزك ، الغريب ان النايل سات بيفصل ايضا بعده بساعتين وبرضه وصلت السلك مباشره بقطعه النايل سات ونفس الحكايه

[tabaza]

هل من الممكن ان يتسبب الطبق نفسه في هذه المشكله مع العلم انه باقي اليوم شغال طبيعي

[ahmed hassn2012]

هل من الممكن ان يتسبب الطبق نفسه في هذه المشكله مع العلم انه باقي اليوم شغال طبيعي

المشكلة فى القطع اللى عندك غير الاول القطعة اللى على الاوروبى
وشوف النتيجة

[amrlion]

انت معذب نفسك ليه

المشكله دلوقت فى 4 حاجات لا خامس لهم


قطعه
دايزك
سلك
رسيفر


نركز مع النايل سات علشان اشارته اقوى ومستقر لا جدال

الغى الدايزك ووصل النايل سات مباشر على الرسيفر وانت فى مكانك عادى

اول ما اشارة النايل تروح خد سلك 2 متر تكون مجهزه واطلع وصل مباشر من القطعه للرسيفر وتكون طبعا لاغى اى دايزك من اعدادت القمر على الرسيفر ويكون القمر شغال معاك عادى

الاشاره ظبطت وانت موصل الوصله ال 2متر يبقى عيب سلك قولا واحد
فضلت زى ما هى يبقى السلك تمام

فاضل يا القطعه يا الرسيفر

لو عندك رسيفر تانى وصله فى نفس الوقت

لقيت الاشاره تمام عليه يبقى الرسيفر بتاعك بايظ انتهى
لقيت الرسيفر التانى نفس المشكله يبقى انتهى الموضوع ده عيب قطعه

غير كده هتفضل تلف وتدور وتتعب نفسك على الفاضى

تحياتى

[tabaza]

انت معذب نفسك ليه

المشكله دلوقت فى 4 حاجات لا خامس لهم


قطعه
دايزك
سلك
رسيفر


نركز مع النايل سات علشان اشارته اقوى ومستقر لا جدال

الغى الدايزك ووصل النايل سات مباشر على الرسيفر وانت فى مكانك عادى

اول ما اشارة النايل تروح خد سلك 2 متر تكون مجهزه واطلع وصل مباشر من القطعه للرسيفر وتكون طبعا لاغى اى دايزك من اعدادت القمر على الرسيفر ويكون القمر شغال معاك عادى

الاشاره ظبطت وانت موصل الوصله ال 2متر يبقى عيب سلك قولا واحد
فضلت زى ما هى يبقى السلك تمام

فاضل يا القطعه يا الرسيفر

لو عندك رسيفر تانى وصله فى نفس الوقت

لقيت الاشاره تمام عليه يبقى الرسيفر بتاعك بايظ انتهى
لقيت الرسيفر التانى نفس المشكله يبقى انتهى الموضوع ده عيب قطعه

غير كده هتفضل تلف وتدور وتتعب نفسك على الفاضى

تحياتى
ربنا يبارك فيك اخي انا ان شاء الله ناوي اعمل كده لكن افهم من كده ان الطبق نفسه مستبعد

[amrlion]

ربنا يبارك فيك اخي انا ان شاء الله ناوي اعمل كده لكن افهم من كده ان الطبق نفسه مستبعد

مفيش شىء مستبعد طبعا

بس انت قولت فى اول كلامك ان الطبق مظبوط جدااااا

ولو مش واثق ان الطبق مظبوط يبقى تبص عليه برضه وتشوف فيه بوش ولا حاجه ولا بيتهز مع الرياح

لو مش واثق فى الطبق يبقى تخليه تحت الاختبار برضه

[tabaza]

انا غيرت القطع وغيرت السلك وجربت علي رسيفر اخر ووصلت بدون دايزك وبرضه المشكله قائمه الاوروبي يفصل من الساعه 1.30 ولمده نص ساعه ويرجع بالتدريج وكذلك النايل سات يفصل بعد العصر لنفس المده ويرجع بالتدريج . انا احترت وتعبت جدا من المشكله دي