سؤال محيرنى لماذا جودة الصورة فى قنوات ال SD سيئة على الشاشات الكبيرة ؟؟

[ledo2005]

اشتريت شاشة LG ألترا سمارت 55 بوصة ...والمفاجأة بأه:
صورة خيالية وأكثر من رائعة على قنوات ال HD
وصورة رديئة جدا على قنوات ال SD
ياترى ايه السبب هل لأن الشاشات دى مخصصة لقنوات ال HD علما بأنه مزودة بخاصية 4K UPSCALER وهى رفع جودة القنوات الرديئة الصورة لأقرب درجة من جودة ال 4K
وهل السبب نوع الريسفير فأنا أستعمل كيوماكس اتش دى وجودة الصورة فى قنوات ال HD فوق الممتازة فهى تعرض ادق تفاصيل الصورة
بينما الصورة رديئة جدا عل قنوات الSD
الموضوع مفتوح للنقاش وتبادل الأراء

[mohmeddel]

ايوه يا باشا 100%الريسفر انا كان عندى starsat hyper الصورة كانت زباله دلوقتى اشتريت من المانيا vu+ solo2 كان بحولى مصرى 2300 جم فى مصر غالى جدا الصورة روعة روعة فوق الوصف انا عنى شاشه lg 4k 3d smart

Sent from my G7-L01 using Tapatalk

[DmgRoxx]

الفكره ان الصوره دى عباره عن نقاط ولما بتكون جنب بعضها بتطلعلك الصوره البتشوفها
فالقنوات ال SD نقاطها قليله جدا بالمقارنه ب ال HD فالنقاط بتعد عن بعضها عشان تغطى حجم الشاشه عشان كده بتكلع الصوره وحشه اما ال HD فنقاطه كتير جدا والشاشات مصممه عشان تكون مناسبه للعدد ده فعشان كده ال HD بتبقى صورته رائعه
وجرب كده اعمل الشاشه على وضع 4:3 الهو بيخلى الصوره ضغيره مثل المربع فى وسط الشاشه هتلاقى الصوره الى حد ما ضبطت لانك قربت النقاط من بعضها

[اليوفنتوس الكبير]

على فكرة صورة قنوات sd بتقبى طبيعى اقل فى الجودة وانت بتحس بى الفرق ده على الشاشة

[ledo2005]

ايوه يا باشا 100%الريسفر انا كان عندى starsat hyper الصورة كانت زباله دلوقتى اشتريت من المانيا vu+ solo2 كان بحولى مصرى 2300 جم فى مصر غالى جدا الصورة روعة روعة فوق الوصف انا عنى شاشه lg 4k 3d smart

Sent from my G7-L01 using Tapatalk

طيب هل vu+ موجود بالسوق المصرية ؟ وهل يوجد انواع اخرى بنفس الجودة فى السوق المصرية ؟ تحياتى

[mahmouds111]

انا اشتريت شاشة ال جي 4k سمارت ثري دي 49 بوصة و دفعت فيها مبلغ محترم و الرسيفر اللي عندي كيوماكس h4 العادي و الله العظيم صورة الرسيفر مخلياني مش طايق اشغل الشاشة اللي دفعت فيها دم قلبي عشان استمتع بإمكانياتها بسبب سوء و ضعف صورة قنوات ال hd و sd على الرسيفر اكتشفت ان الواحد هيتطر يدفع مبلغ تاني في رسيفر full hd محترم ذي الدريم بوكس الأصلي وذي الفيو بلاس و الاتنين للأسف أسعارهم بقت عالية جدا دلوقتي داخل مصر فقط بسبب سعر الدولار والدرهم

[mohmeddel]

Vu+ الاصلى
شوف فى فيس بوك dreambox egypt

Sent from my G7-L01 using Tapatalk

[kalmat_2000]

http://www.enjaztech.com/vb/uploadcenter/uploads/05-2013/PIC-385-1369346001.jpg

الحل بلج اوتوروزليشن

[kalmat_2000]

هى دى الاسعار اللى رخيصة اللى بيقول عليها
###### منتجات فيو بلص ##### VU + ############
VU+ ZERO white PRICE 2075 EP 1 month ****
VU+ ZERO black PRICE 2075 EP 1 month ****
VU+ solo PRICE 1975 EP 1 month ****
VU+ solo SE V2 PRICE 2675 EP 1 month ****
VU+ solo 4k PRICE 7100 EP 1 month ****
vu+ rcu ( ريموت كنترول ) PRICE 225 EP تدفع مقدما
######## منتجات دريم بوكس ###### dreambox ######
dreambox 800se v2 PRICE 4575 EP 6 months ****
dreambox 7020 v2 PRICE 5075 EP 1 months ****
dreambox 820 PRICE 5875 EP 1 months ****
dreambox 7080 PRICE 7575 EP 1 months ****
dreambox rcu PRICE 0400 EP تدفع مقدما
######## انفرتوا ######## inverto ##################
INVERTO black ultra 1 slot PRICE 150 EP
INVERTO black BRO 1 slot PRICE 200 EP تدفع مقدما
INVERTO black BRO 2 slot PRICE 300 EP تدفع مقدما
FEED HORN Pro PRICE 100 EP
######### ATEC ###############
DiSEqC 1- 4- PRICE 100 EP
DiSEqC 1- 9- PRICE 300 EP تدفع مقدما
DiSEqC 1- 16- PRICE 750 EP تدفع مقدما

دى اسعار الدريم بوكس والفو بلس فى توكيل مصر انا اشتريت vu+solo 4k من فرنسا بنص التمن تقريبا لو تعرف حد بره خليه يجيبه ليك من هناك للاسف التوكيل فى مصر بيعاملنا على اننا فرنساوين وفى فرنسا بيعاملنا برحمه لاننا مصريين وللاسف مش بيفهموا كمان واحد من التوكيل فى مصر قالى ابيع الجهاز لانه مش هيشتغل سسيكام كويس وبعدين اتضح ان الرسيفر بيشغل اوسكام وسيسكام وبعض الصور بتشغل امجيكامد كمان

[ledo2005]

http://www.enjaztech.com/vb/uploadcenter/uploads/05-2013/PIC-385-1369346001.jpg

الحل بلج اوتوروزليشن

بلج اوتوروزليشن للشاشة ؟؟ أم للريسيفر ؟؟
وهل يتم تحميل هذا البلج من النت ولا منين ؟؟

[karimbo]

مع احترامي لكل الكلام اللي اتقال فوق من كل الاعضاء الكرام لكن معلش اغلب الكلام بعيد عن الرد العلمي ومن الاخر ده امر طبيعي كلما كبر حجم الشاشة وملوش علاقة لا بريسيفر او غيره لانها كلها اختلافات طفيفة عمرها ما تحل المشكلة من الاساس لأن الاساس في جودة المحتوى اللي جاي من القناة اللي حضرتك بتتفرج عليها

بص يا استاذي الفاضل اي صورة اليكترونية تعرض على اي جهاز مرئي (شاشة كمثال) يقاس طول وعرض الصورة بالبيكسل وهي دي وحدة القياس
البيكسل ده مربع صغير طوله مساوي عرضه والصورة الكهربائية كموجة بتعرض على الشاشة من خلال عدد البيكسلات للصورة دي جنب بعض زي ما ذكر DmgRoxx
الروزوليوشن او دقة الصورة بتتحسب بحاصل ضرب البيكسلز طولا وعرضا
تقنيات البث التلفزيوني والرقمي عموما تطورت مع الوقت
عندنا مثلا sd 720 x 480 او sd 640 x 480
وده معناه انه بيبث صورة بجودة 720 او 640 بيكسل عرضا و480 بيكسل طولا
وفي hd 1280 x 720
وفي fhd اللي بنقول عليه فول اتش دي 1920 x 1080
وفي طبعا التقنيات الاحدث 4k hd 4096 x 2160
طب ايه علاقة ده بالصورة اللي انا بشوفها وجودتها؟
هبصتلك الفكرة بالصورة دي

http://www.vizrt.com/news/newsgrid/30106/4K-HDTV-relative-sizes.png/alternates/w940/4K-HDTV-relative-sizes.png

لما حضرتك اكيد بتنزل فيلم من ع النت بلوري وتتفرج عليه بتشوف صورة جميلة ومفيش مشاكل ولما اكيد بتتفرج على قناة hd بتلاقي مفيش مشكلة والصورة روعة
المشكلة بقى بتظهر لما بتتفرج على اغلب القنوات المصرية ذات البث الرديء .. ليه؟؟
شايف مثلا حضرتك في الصورة 480p ودي جودة بث sd
والشاشة اللي عند حضرتك زي ما قولت ما شاء الله 55 وبتشغل بجودة 4k
ايه بيحصل؟؟
المشكلة ان الشاشة طبعا بتبدأ تتعامل مع الصورة اللي جايلها بحيث انها تعرضها في كامل مساحة الشاشة عندك
فبيحصل زي ما بنقول مط للصورة
المط ده وبسبب جودة الصورة الرديئة بتخليك تشوف تفاصيل اكبر بكتير وبالتالي البيكسل الصغير هنفترض مثلا طوله وعرضه ملي هيتمط وبيبقى اكبر والملي مثلا يبقى سنتي فالتفاصيل بتروح
زي ما حضرتك بتنزل صورة متصورة مثلا بموبايل مش حلو قديم وتشوفها على شاشة دلوقت .. بتلاقي الصورة زي ما الناس بتقول منغمشة وتفاصيلها مش واضحة .. وده نتيجة جودة الصورة + تقنية العرض والدليل اللي كان معاه موبايلات قديمة بكاميرا كانت الصورة بنعتبرها حاجة عظيمة اوي لأننا كنا بنشوفها على شاشات اصغر بكتير من المتاح دلوقت فلما زاد حجم الشاشات والجودة زادت بقت لما تشغل صور قديمة على حجم اكبر بتلاقي الصورة مش حلوة
المشكلة التانية في حجم الشاشة مع مساحة الغرفة اللي حضرتك قاعد فيها
هتلاقي حضرتك لما بتشوف الشاشة من مسافة ابعد بتحس ان الصورة افضل وده لان العين مش بتشوف التفاصيل وعيوب الصورة بنفس الشكل من مسافة ابعد زي ما بتشوفها من مسافة اقرب
(لو حضرتك شوفت يافطة مثلا من اليفط اللي على طريق اسكندرية الصحراوي ولا الدائري وهي خارجة من برينتر الطباعة هتستعجب ازاي منغمشة ومش حلوة اوي من قريب ومع ذلك روعة من بعيد)

ولذلك ينصح ديما ان لو حد هيجيب تلفزيون (بغررررررض الفرجة على التلفزيون) ميزودش كتير عن 40 بوصة خصوصا ان اغلبنا هنا اكيد هيحطها في اوضة مش هيقعد بعيد عن الشاشة باكتر مثلا من 5 متر .. ده لو في حد اساسا في مصر بيشوف الشاشة بعيد عنها ب 5 متر!!
انا اسف اني طولت على حضرتك في الرد بس حبيت اوضح المعلومة لأن في ناس كتير اوي للاسف بتقع في الحيرة دي
اشتري شاشة كبيرة واشوف صورتها اسطورية في المعرض وفي قنوات الاتش دي .. واجي اشغل النايل سات يجيلي احباط
حضرتك متقلقش شاشتك ما شاء الله والريسيفر بتاعك ميقدرش يعمل اكتر من كده .. العيب في القنوات اللي صورتها اقل من التقنيات الحديثة وطبعا الاحدث بيعمل مجازا زي زووم للصورة عشان يقدر يعرضها على الحجم الكبير ده

[karimbo]

ونقطة احب اضيفها لحضرتك .. مع احترامي اي كان الريسيفر اللي عند حضرتك في جودته مش هيقدم فروقات شاسعة مع القنوات اللي هي اساسا مش حلوة زي اغلب القنوات المصرية .. يعني مفيش اي ريسيفر اي كان تمنه وسعره وجودته هيخليلك قناة نايل سبورت تبقى كانل سبورت hd!!

[الحسام المنتصر]

المشكلة تكون فى مصدر الصورة ..مثل ما قال الاخ الكريم karimbo والصورة التى تبث من النيل سات ذات جودة منخفضة (ما عدا بعض القنوات مثل مجموعة MBC و ---)..وعلى ما اعتقد ان افضل بث للصورة بيكون للقمر استرا 19 شرق ..ودمتم بخير

[ledo2005]

مع احترامي لكل الكلام اللي اتقال فوق من كل الاعضاء الكرام لكن معلش اغلب الكلام بعيد عن الرد العلمي ومن الاخر ده امر طبيعي كلما كبر حجم الشاشة وملوش علاقة لا بريسيفر او غيره لانها كلها اختلافات طفيفة عمرها ما تحل المشكلة من الاساس لأن الاساس في جودة المحتوى اللي جاي من القناة اللي حضرتك بتتفرج عليها

بص يا استاذي الفاضل اي صورة اليكترونية تعرض على اي جهاز مرئي (شاشة كمثال) يقاس طول وعرض الصورة بالبيكسل وهي دي وحدة القياس
البيكسل ده مربع صغير طوله مساوي عرضه والصورة الكهربائية كموجة بتعرض على الشاشة من خلال عدد البيكسلات للصورة دي جنب بعض زي ما ذكر DmgRoxx
الروزوليوشن او دقة الصورة بتتحسب بحاصل ضرب البيكسلز طولا وعرضا
تقنيات البث التلفزيوني والرقمي عموما تطورت مع الوقت
عندنا مثلا sd 720 x 480 او sd 640 x 480
وده معناه انه بيبث صورة بجودة 720 او 640 بيكسل عرضا و480 بيكسل طولا
وفي hd 1280 x 720
وفي fhd اللي بنقول عليه فول اتش دي 1920 x 1080
وفي طبعا التقنيات الاحدث 4k hd 4096 x 2160
طب ايه علاقة ده بالصورة اللي انا بشوفها وجودتها؟
هبصتلك الفكرة بالصورة دي

http://www.vizrt.com/news/newsgrid/30106/4K-HDTV-relative-sizes.png/alternates/w940/4K-HDTV-relative-sizes.png

لما حضرتك اكيد بتنزل فيلم من ع النت بلوري وتتفرج عليه بتشوف صورة جميلة ومفيش مشاكل ولما اكيد بتتفرج على قناة hd بتلاقي مفيش مشكلة والصورة روعة
المشكلة بقى بتظهر لما بتتفرج على اغلب القنوات المصرية ذات البث الرديء .. ليه؟؟
شايف مثلا حضرتك في الصورة 480p ودي جودة بث sd
والشاشة اللي عند حضرتك زي ما قولت ما شاء الله 55 وبتشغل بجودة 4k
ايه بيحصل؟؟
المشكلة ان الشاشة طبعا بتبدأ تتعامل مع الصورة اللي جايلها بحيث انها تعرضها في كامل مساحة الشاشة عندك
فبيحصل زي ما بنقول مط للصورة
المط ده وبسبب جودة الصورة الرديئة بتخليك تشوف تفاصيل اكبر بكتير وبالتالي البيكسل الصغير هنفترض مثلا طوله وعرضه ملي هيتمط وبيبقى اكبر والملي مثلا يبقى سنتي فالتفاصيل بتروح
زي ما حضرتك بتنزل صورة متصورة مثلا بموبايل مش حلو قديم وتشوفها على شاشة دلوقت .. بتلاقي الصورة زي ما الناس بتقول منغمشة وتفاصيلها مش واضحة .. وده نتيجة جودة الصورة + تقنية العرض والدليل اللي كان معاه موبايلات قديمة بكاميرا كانت الصورة بنعتبرها حاجة عظيمة اوي لأننا كنا بنشوفها على شاشات اصغر بكتير من المتاح دلوقت فلما زاد حجم الشاشات والجودة زادت بقت لما تشغل صور قديمة على حجم اكبر بتلاقي الصورة مش حلوة
المشكلة التانية في حجم الشاشة مع مساحة الغرفة اللي حضرتك قاعد فيها
هتلاقي حضرتك لما بتشوف الشاشة من مسافة ابعد بتحس ان الصورة افضل وده لان العين مش بتشوف التفاصيل وعيوب الصورة بنفس الشكل من مسافة ابعد زي ما بتشوفها من مسافة اقرب
(لو حضرتك شوفت يافطة مثلا من اليفط اللي على طريق اسكندرية الصحراوي ولا الدائري وهي خارجة من برينتر الطباعة هتستعجب ازاي منغمشة ومش حلوة اوي من قريب ومع ذلك روعة من بعيد)

ولذلك ينصح ديما ان لو حد هيجيب تلفزيون (بغررررررض الفرجة على التلفزيون) ميزودش كتير عن 40 بوصة خصوصا ان اغلبنا هنا اكيد هيحطها في اوضة مش هيقعد بعيد عن الشاشة باكتر مثلا من 5 متر .. ده لو في حد اساسا في مصر بيشوف الشاشة بعيد عنها ب 5 متر!!
انا اسف اني طولت على حضرتك في الرد بس حبيت اوضح المعلومة لأن في ناس كتير اوي للاسف بتقع في الحيرة دي
اشتري شاشة كبيرة واشوف صورتها اسطورية في المعرض وفي قنوات الاتش دي .. واجي اشغل النايل سات يجيلي احباط
حضرتك متقلقش شاشتك ما شاء الله والريسيفر بتاعك ميقدرش يعمل اكتر من كده .. العيب في القنوات اللي صورتها اقل من التقنيات الحديثة وطبعا الاحدث بيعمل مجازا زي زووم للصورة عشان يقدر يعرضها على الحجم الكبير ده
الله ينور عليك اخى الكريم

[ledo2005]

للأسف العالم سبقنا بسنين وترك الإتش دى والفل اتش دى و بيتقدم وداخل على قنوات 4k و 8k واحنا فى مصر مفيش الا قناة واحدة اتش دى وهى القناة الأولى
عمار يا مصر

[karimbo]

للأسف العالم سبقنا بسنين وترك الإتش دى والفل اتش دى و بيتقدم وداخل على قنوات 4k و 8k واحنا فى مصر مفيش الا قناة واحدة اتش دى وهى القناة الأولى
عمار يا مصر

واتش دي مش حقيقي .. لأن التصوير والمعدات وبرامج الاخراج مش بتطلع جودة hd صحيحة .. والمشكلة ان عندنا الماتشات في مصر بتتصور hd وبسبب تخلف القنوات الناقلة بيقللو الارسال اللي جايلهم hd ل sd .. حاجة تقرف

[kalmat_2000]

اولا مع كامل الاحترام لرأى حضرتك انا مقولتش ان الصوره هتطلع بجوده اتش دى بس الاخ صاحب الموضوع قال صور القنوات سيئه والقنوات معايا وبعد تفعيل البلج ده زى ما هو فى الصوره مش سيئه خالص القنوات عاديه مش اتش دى طبعا بس مش وحشه معقوله زى اى قنوات عاديه وحتى فى الصور اللى حضرتك منزلها للفرق بين الاتش دى والعاديه دى صوره وحشه ؟؟

[elfares22]

صديق اناعندى رسيفر نوفا وللاسف لم ببشغل الى اى بى تى فى علىSD حتى على تليفزيون عادى 21 بوصه الصورة وحشة جدا لم بغير 720 لاقى فرق شاسع يبقة مش حكاية شاشة مقسها كبيرة ولا حاجة طيب ما انا مثلا م بنزل فيلم بجودة 480 وبشغله على شاشة 65 بوصة بتبقة صورة جميله بردو انا شايف ان كدة علشان يجبرك ان تشغل عل 720 اقل حاجة ودة طبعا فى الماتش ساعة وننص بيسحب جيجا ويعدى كمان واحنا هنا فى مصر النت محدد يعنى اصرف بقة اعمل باقة كبيرة

[nor esam]

مغلق
ممنوع رفع موضوع قديم