رغم اخطاء كوبر الفادحه سكت الكلام والرجوله اتكلمت

[السنيورشريف]

انتهت مباراه مصر ونيجيريا بالتعادل بهدف لمثله شوط اول سيئ من الفريقين مع اضاعه هدف مصرى محقق عن طريق كوكا بعد تمريره صلاح للسعيد ومنه الى كوكا الذى تبطئ فى الذهاب للكره فتتدخل المدافع النيجيري الشوط الثانى ضغط نيجيرى وهدف فى الدقيقه 60 يسال عنه الننى وابراهيم صلاح لعدم الضغط وحجازى و طلبه لسوء التمركز وتالق خرافى للشناوى وانقاذ اسطورى للمسكين الطيب حماده طلبه وهدف التعادل عن طريق ابوصلاح بعد تمريره على طبق من دهب لرمضان فى الوقت بدل الضائع وصافره جاحده ظالمه اضاعت الفوز بعد انفراد ابو صلاح من منتصف الملعب للحكم السيئ بنهايه المباراه بتعادل عادل
1 - كوبر نزل بتشكيل سيئ جدا كوكا لسه بدرى لقياده هجوم المنتخب كان الطبيعى مروان او عمرو جمال عبدالله السعيد المباراه كبيره عليه وسط نيجيريا قوى جدا حسام غالى كان لزم يلعب على حسابه الننى مش هتكلم عليه بس ده لاعب فى ارسنال الانجليزى مجرد تساءل تريزيجيه رمضان افيد واهم منه كان ضم كهربا وخلاص بدل بديله ده مستواه
2- الشناوى وحماده طلبه نجوم المباراه وخصوصا طلبه اول مباراه دوليه رسميه وسنه 34 سنه وانقاذه لهدف نيجيرى كان من الممكن كسر قدمه فيه بخلعله القبعه
3- مباراه العوده لزم يلعب بالتشكيل الذى انهى المباراه
4 - الحكم منه لله
5 - المنتخب النيجيريا ضعيف وخصوصا فى الدفاع

[السيدعبدالعزيز]

اعتمد على تريزيجية بدلا من رمضان صبحي و دي لوحدها منعتنا إننا نستغل شوارعهم الخلفية بتمريرات صحيحة

انت بتحترم فريق بيعاني من مشاكل كتيرة و معندهمش تكتيك دفاعي منظم و احترافي

نيجيريا اتصممت لصلاح يعني مساحات خلفية واسعة و سذاجة دفاعية

و صلاح راس ماله سرعته لإنه مش اللاعب المهاري اللي يعدي من خرم ابره يعني لو اتضغط عليه

يبقى لما تلاقي مفيش تمرير سليم و مش قادر تستغل صلاح بالكفاءة العالية يبقى تفكر في خط النص

خط النص التائه دفاعيا و هجوميا

لا منه منع لاعبي نيجيريا من بناء هجماتهم او التسديد الخطير من المواجهة و لا منه ساعد مهاجمي مصر بالتمريرات الطولية المباغته