حل مشكلة اشارة دهووووووك (من الاخر)

[ابو صقر]

بسم الله الرحمن الرحيم

احبابي فى الله السلام عليكم ورحمة الله وبركاته

انا كنت مشغل دهوك علي طبق 70سم وكانت الاشارة تمام التمام

لكن بعد التشفير بدات الاشارة تقل بمعني انها طول النهار تبقي مفيش اشارة لكن من الساعه 7 المغرب تشتغل عادي جداا

الحل : بسيط جدا روحت شيلت الغطاء البلاستيك من القطعة(اللاقط)

والاشارة اشتغلت فوراااا طلقة وزي الفل وبقت شغالة نهار وليل
وجربتها عند ناس كتيييير اوووووي

انا من الاقصر من صعيد مصر ودهوك شغالة عندي على طبق 70سم

بمعني انك مفيش داعي انك تغير العدسة لواحدة تاني ممكن تجرب الطريقة دي وهي هتغنيك عن انك تجيب واحده تاني

والسلام عليكم ورحمة الله وبركاته

[khalilyhia]

تسلم ايدك يا ابو صقر .... جربتها واشتغلت 100/100
الله يباركلك

[مورو2010]

للاسف نفس المشكلة مستمرة .. قولات والسليمانية شغالين بنفس اشارتهم لكن دهوك فاصلة تماما

[ابو صقر]

اي خدمة يا برنس ومبرووووووك

[ابو صقر]

للاسف نفس المشكلة مستمرة .. قولات والسليمانية شغالين بنفس اشارتهم لكن دهوك فاصلة تماما

حاول تاني حبيبي او حرك الطبق حته صغيرة

[wagdi marie]

عزيزى ابو صقر كلامك سليم فى رفع الغطاء لكن الدبابير تدخل فيها وتمنع الاشارة عند الكثير من الناس ويجب تغطيتها بالبلاستر أو غطاء خفيف

[ابو صقر]

عزيزى ابو صقر كلامك سليم فى رفع الغطاء لكن الدبابير تدخل فيها وتمنع الاشارة عند الكثير من الناس ويجب تغطيتها بالبلاستر أو غطاء خفيف

كلامك سليم اخ محمد لكن دى الطريقة الوحيدة اللي ارتفعت بيها الاشارة وانا عملتها من اول ما بدات الاشارة تقل وبقت تمااام
ومن ناحية الدبابير هههه خليها علي الله

[qassem]

طريقة مجدية لكن سلبياتها اكتر
مرة لاقيت دبور
ومرة نحلة
واخر مرة كانت خنفسة
وتروح الاشارة وتلف حولين نفسك

[ابو صقر]

طريقة مجدية لكن سلبياتها اكتر
مرة لاقيت دبور
ومرة نحلة
واخر مرة كانت خنفسة
وتروح الاشارة وتلف حولين نفسك

والله يا حبيبى لو عندك طريقة تاني اعملها انا الطريقة دي بعملها من زمان مع اي قمر عايز اقوى اشارته
ومفيش ولا نحله ولا خنفسة
وبعدين حتي لو فيه نحله او اي حشرة مش هتفضل موجوده علي طول يعني

[qassem]

والله يا حبيبى لو عندك طريقة تاني اعملها انا الطريقة دي بعملها من زمان مع اي قمر عايز اقوى اشارته
ومفيش ولا نحله ولا خنفسة
وبعدين حتي لو فيه نحله او اي حشرة مش هتفضل موجوده علي طول يعني

المشكلة ان الحشرا بتمشي بالنهار وترجع تنام بالليل وقت المباريات
ممكن غطاء رقيق ونفس النتيجة

[ابو صقر]

المشكلة ان الحشرا بتمشي بالنهار وترجع تنام بالليل وقت المباريات
ممكن غطاء رقيق ونفس النتيجة

ههههه يعني هي الحشرة مش هتلاقي مكان غير العدسة وتنام فيه

ممكن تلف حواليها اي شريط لحام او اي حاجه رقيقة
وسلملي علي الحشرة

[سعيد عاشور]

ههههه يعني هي الحشرة مش هتلاقي مكان غير العدسة وتنام فيه

ممكن تلف حواليها اي شريط لحام او اي حاجه رقيقة
وسلملي علي الحشرة

ههههههههههههههههههههههههه
والله حوار عسل patch_rir--patch_rir--patch_rir--patch_rir--

[ابو صقر]

ههههههههههههههههههههههههه
والله حوار عسل patch_rir--patch_rir--patch_rir--patch_rir--

مرورك الاحلي اكيييييييييييد

[hazzuma]

طريقة مجدية لكن سلبياتها اكتر
مرة لاقيت دبور
ومرة نحلة
واخر مرة كانت خنفسة
وتروح الاشارة وتلف حولين نفسك

حصلت فعلا، عند والدى الشتاء الماضى وطبقه كبيير،وأنقطعت إشارة القنوات الأفقية فقط،على قطعة مزدوجة،وقلت له،قولا واحدا،غير القطعة وانتا مغمض،دى قطعة مزدوجة وبتقطع افقى،بعد فترة،،،قالى، إنتا حمار، (أب يتناقش مع إبنه،عادى)،،،ماهى شغالة من زمان زى الفل،قلتله مايمكن عشان كدة ،باظت دلوائتى،طلعت معاه السطح باليل، وكان غطا القطعة،متأكل من الشمس، من فترة،وقام الوالد بإدخال خشبة صغيرة بالقطعة،سمعنا صوت زنة،مشابهة لصوت زنة الكهرباء،يضغط،تزن،يضغط،تزن،وبعد شوية،خرج منها الدبور،اللى زن على خراب عشه،،،وتقريبا طلع معاه حق فى وصفه ليا !!!! تحياتى

[ابو صقر]

حصلت فعلا، عند والدى الشتاء الماضى وطبقه كبيير،وأنقطعت إشارة القنوات الأفقية فقط،على قطعة مزدوجة،وقلت له،قولا واحدا،غير القطعة وانتا مغمض،دى قطعة مزدوجة وبتقطع افقى،بعد فترة،،،قالى، إنتا حمار، (أب يتناقش مع إبنه،عادى)،،،ماهى شغالة من زمان زى الفل،قلتله مايمكن عشان كدة ،باظت دلوائتى،طلعت معاه السطح باليل، وكان غطا القطعة،متأكل من الشمس، من فترة،وقام الوالد بإدخال خشبة صغيرة بالقطعة،سمعنا صوت زنة،مشابهة لصوت زنة الكهرباء،يضغط،تزن،يضغط،تزن،وبعد شوية،خرج منها الدبور،اللى زن على خراب عشه،،،وتقريبا طلع معاه حق فى وصفه ليا !!!! تحياتى

ههههههههههههه تحياتي ليك ولوالدك

بس بتحصل مرة ف المليون ...انا عاملها من سنتين ومفيش دبور ولا اي حاجة

[hazzuma]

ههههههههههههه تحياتي ليك ولوالدك

بس بتحصل مرة ف المليون ...انا عاملها من سنتين ومفيش دبور ولا اي حاجة

الله يكرمك،بس عموما،خللى بالك، تحياتى

[ابو صقر]

الله يكرمك،بس عموما،خللى بالك، تحياتى

تحياتي ليك حبيبي

والحمد لله مفيش مشاكل وطريقة ناجحة

[عــادل محمد]

جارى التجريب
......

[ثروت محمد احمد]

ياجماعة بعد اذنكم لا املك الا ان اتوجه بالشكر للاستاذ الفاضل على الفكرة الجيدة فهو يريد فقط الفائدة للجميعزمشكووووور اخى الكريم

[adam_2014]

ههههههههههههه تحياتي ليك ولوالدك

بس بتحصل مرة ف المليون ...انا عاملها من سنتين ومفيش دبور ولا اي حاجة

لا ياغالى انا مرة حصلت معايا فى طبق 180 وعدسة فوجى والف حوالين الطبق ويمين وشمال لحد ما اكتشفت انه فى دبور فى العدسة بعد ما اشتريت عدسة فوجى تانية
لكن الحمد لله قتلت الدبور
ومن كام يوم طلعت اظبط المدار ولقيت دبور تانى نايم جوا العدسة
تقولشى مأجر العدسة ايجار جديد