قنوات BeINSPORT علــى وشك إلغاء الإشتراك عن المصريين ,,

[qassem]

من موقع ( ف الجول )

تسببت شركة سي ان اي المسؤولة عن تشفير القنوات في مصر في خلاف حاد مع شبكة بي ان سبورتس قد ينتج عنه قطع إرسال الأخيرة نهائيا عن المشتركين المصريين في باقتها.


شركة سي ان اي هي شركة حكومية تابعة لمدينة الانتاج الإعلامي وهي المسؤولة عن تشفير قنواتها في مصر.

وعلم FilGoal.com أن شبكة بي ان سبورتس قد طلبت من الشركة المصرية إضافة قنوات جديدة للباقة الحالية وذلك من باب التنوع وخدمة المشاهدين مثل قنوات الأطفال والمطبخ والأفلام لكن القائمين على الشركة المصرية رفضوا.

ويأتي سبب الرفض أن إضافة قنوات جديدة لبي ان سبورتس في المجالات الأخرى بخلاف الرياضة سيؤثر على باقي القنوات والشبكات الأخرى.

وتسبب هذا في خلاف حاد بين الشركتين قد ينتهي بقطع الإرسال عن المشتركين المصريين لتقع المسؤولية على شركة التشفير التي تعاقدت مع المشتركين خاصة وأن قطع الإرسال سيمنع المصريين من متابعة الأحداث الرياضية العالمية وكذلك الإفريقية.

أبرزها مباريات الأهلي والزمالك والمقاصة وإنبي الإفريقية بالإضافة لبطولة أمم أوروبا المقبلة في فرنسا.

[mohsen ph]

مايقدروش وتحيا cne
عاوزين يضيفو قنوات تانيه ملهاش اى قيمه وفى نفس الوقت الاشتراك يغلى علينا

[qassem]

مايقدروش وتحيا cne
عاوزين يضيفو قنوات تانيه ملهاش اى قيمه وفى نفس الوقت الاشتراك يغلى علينا

اوافقك ,, لو لغوا الاشتراكات هما اللي هيخسروا الملايين
لكن عن نفسي اتمني يلغوه بلاش قرف

[mohamedzian]

اسمعى منى بقى بين سبورت مش هتلغى اشتراك من مصر علشان مكاسب وهتشوف شركة تانية

[سامي أبوسعد]

صعب جدا انها تلغي الاشتراك يبا من الافضل تشيل قنواتها من علي النايل سات دي زي دي

[qassem]

لا اعتقد استاذ سامي ان شيل القنوات من النايل سات = الغاء الاشتراك
فرق بين الغاء الاشتراك لبلد معينة وبين نقل القنوت

[مكتب مريم]

ياااااااااااااااامسهل

[عبدالموجودبك]

والله لو عايزين يضيفوا قنوات على باقاتهم يضيفوا بس دا لايؤثر على المشتركين فى مصر والعالم العربى لان كل شمال افريقيا بتتعامل مع النايل سات وخاصة التكلفة المادية للمشتركين ..... حيث ان قنوات الافلام والمنوعات سوف تؤثر تأثيرا سلبيا على الشبكات الاخرى مثل --- الموجودة على نفس القمروتقلص من مشتركيها وخاصة انها متغالية فى اشتراكها.. اذا كانت البن سبورت سوف تضيف تلك القنوات بالمجان لمشتركى شمال افريقيا عامة فلا يوجد مشكلة اللهم اذا كانت فى مشكلة بين ادارة النايل سات وشبكة --- بخصوص هوية تلك القنوات الجديدة وتأثرها السلبى عليها... وكلة بزنس

[محمود الكدوانى]

ما ينفعش يلغوا الاشتراك
اولا اداره cne مش عاوزة تضيف القنوات الاخرى
ايه علاقه ده بايقاف البث ؟؟؟؟؟؟؟؟؟
ثانيا لو اتقفلت الاشاره ع النايل سات هما بيبثوا على القمر سهيل
اعتقد الحكايه مجرد فرقعه اعلاميه
لان لو cne قطعت الاشاره البين سبورت هتقاضيها
ثانيا لو البين سبورت وقفت اشارتها ع النايل سات هتخسر كتير

[WOLF ELMASRY]

كلام فارغ

[حمدى العسالى]

ياجدعان بالعقل ال CNE مش عايز تضيف قنوات لية عشان خايفة على ******* طب ما الاوربى واقمار تانية كتير شركات التشفير معاة اكثر من باقة مختلفة وتلاقى مثل قناة زى جيم جام موجودة عدد 2 قناة وعلى تردد مختلف وبعدين النايل سات مليان قنوات افلام هو دول اللى هيوقفو حال ******* ميخشش الدماغ

[حسين31]

المصدر سعات تحط اخبار
وهميه الى اخره
مظنش تتلغى

[qassem]

المصدر سعات تحط اخبار
وهميه الى اخره
مظنش تتلغى

الخبر غير وهمي عن الخلافات
ولم نقل انها ستتلغي , فقط الخلافات قد تؤدي لإلغاء الإشتراكات وده هيكون اخر مرحلة ومتفقين كلنا انه صعب جدا

[qassem]

الموضوع من زاوية أكثر تبسيطاً :
البين وغيرها واخدة إنها تدينا علي قفانا ومنكلمش ,, موقف شركة CNE المحترم سببه إنه وارد جدا الباقة القطرية تشتري كل قنوات المشاهد المصري والعربي
وده فعلا بدأ يحصل
قناوات الطبيخ والأطفال وأفلام الرعب وغيره
ولو ده تم هيكون زمن القنوات المجانية انتهي وهيكون النايل سات مثل أموس اليهودي عليه قنوات قليلة جدا جدا مفتوحة و 90% باقات مشفرة

فكان لازم يكون لها موقف وحتي لو محصلش حاجة لكن ده هيخلي الباقة القطرية تفكر ألف مرة قبل إحتكار باقات أخري غير التي عليها ,,

بالنهاية موقف مشرف من CNE ونتمني فعلا أن تغادر هذه الباقة الحقيرة حتي لا يكون هناك روابط لا رياضية ولا غيرها
أتمني تكون الفكرة وصلت ,,,

[حسين31]

باذان الله بهم من غيرهم
المصرين هتفرجو على كوره
هتفرجو
وشكرااا على الافاده

[ahmed jamal]

عمرها ما تحصل ان قنوات بين سبورت تقطع بثها عن مصر
وممكن يكون دى كدبة ابريل
وربنا يخلى لنا الشيرنج وقناه دهوك
وعلى ان

[حموشي]

ومال ابوهم ميرضوش يضيفو القنوات لية بلطجة يعني والشركة بتاع الانتاج الاعلامي مالها اساسا ومال اهلها هو انتو بتقولو اي كلام ولا اية بالظبط ياجماعة مش فاهم يعني وبعدين فين مصدر الخبر الخبر دة ملوش اساس من الصحة

[qassem]

ومال ابوهم ميرضوش يضيفو القنوات لية بلطجة يعني والشركة بتاع الانتاج الاعلامي مالها اساسا ومال اهلها هو انتو بتقولو اي كلام ولا اية بالظبط ياجماعة مش فاهم يعني وبعدين فين مصدر الخبر الخبر دة ملوش اساس من الصحة


مالك داخل شمال كده ليه وزعلان اوي ,, براحة شوية
اول شئ الاحتكار ده هيمنع سيادتك وملايين الناس المتابعة الا بمقابل
ثانيا لما يجي حد عاوز يشتري كل قنوات اللي ناس بتابعها والتاني يوافق يبقي ولامؤاخذه
اخيرا المصدر مذكور قبل الخبر ركز شوية وحضرتك بتقرأ

[حموشي]

مالك داخل شمال كده ليه وزعلان اوي ,, براحة شوية
اول شئ الاحتكار ده هيمنع سيادتك وملايين الناس المتابعة الا بمقابل
ثانيا لما يجي حد عاوز يشتري كل قنوات اللي ناس بتابعها والتاني يوافق يبقي ولامؤاخذه
اخيرا المصدر مذكور قبل الخبر ركز شوية وحضرتك بتقرأ

انا وسيادتك مش مشتركين طبعا في بين سبورت ولا هنشترك فيها لان انا معنديش استعدادد ادفع 1500 جنية في السنة عشان اتفرج علي كورة عندي ميت طريقة بتفرج عليها بيها واكيد حضرتك عارف كل الطرق ثانيا مش دفاعا علي بين سبورت ولا حاجة بس cne للاسف شركة زبالة حكم اني كنت في يوم من الايام عامل شبكة دش مركزي وكنت عندي اشتراكات لاتحصي وايامها بعت جبت جهازين ابو ظبي من السعودية عشان سيادة الشركة مش عايزة تاخد الجهاز من ابو ظبي ولما خدتة خدتو في السنة التاتة والي اشتراة اشتراة ب900 جنية وشربة والاشتراك في السنة ب1500 جنية كانت فين ساعتها الشركة المحترمة الي حافظت علي المشاهد واحترمتة لما منعت مشتركين مصر لسنتين من دخول الجهاز وللعلم بين كاملة 1500 وابو ظبي وقتها كان معاها الدوري الانجليزي بس وكانت بردة ب1500 وللعلم بردة ان مصر اقل سعر اشتراك في بين سبورت وممكن تسال حد من قرايبك لو برة مصر يقلك السعر عندة كام cne شركة زبالة بتاع فلوس وبس وملكشي تعويض عندهم لو عندك اي مشكلةللاسف دة الي بيحصل في مصر

[qassem]

ممكن اكون على دراية بكلام خضرتك عن cne
لكن زي ما انت بتقول مش بتدافع عن بين ,,انا مش بدافع عن cne لكننا نذكر الموقف ده بالذات وشايف انه تصرف محترم بغض النظر عن الشركات كلها لان كلهم ماديين ,
تحياتي