فريزر اسكيمو لايفصل

[Mohamedhegazi]

فريزر اسكيمو لايفصل وبيتلج كويس وغيرتله ثرموستات واللمبه الحمرا فصلت لكن مازال يعمل

[صلاح رجب الجرنوسى]

حاول تراجع التوصيلات جيدا ووصل بلبلت الثرموستات فى مكانه جيدا وضبط الموشر الثرموستات على اقل درجه وشوف هتفصل والا لا

[صلاح رجب الجرنوسى]

حاول تراجع التوصيلات جيدا ووصل بلبلت الثرموستات فى مكانه جيدا وضبط الموشر الثرموستات على اقل درجه وشوف هتفصل والا لا

اقصد ادخل بلبلت الثرموستات فى مكانه جيدا وضبط الموشر الثرموستات على اقل درجه وشوف هتفصل والا لا

[Mohamedhegazi]

ربطها كويس فى مكانها لكن كنت ظابط الثرموستات ع 3 ..طب لو عملت زى ماحضرتك ع اقل درجه وفصل ابقى ازود ولا ايه

[صلاح رجب الجرنوسى]

ربطها كويس فى مكانها لكن كنت ظابط الثرموستات ع 3 ..طب لو عملت زى ماحضرتك ع اقل درجه وفصل ابقى ازود ولا ايه

شوف لو اشتغلت تمام على اقل درجه وفصلت خليها على اقل درجه بدال التجميد كويس وعلى فكره الفريزرات بتقعد حوالى من ساعة الى ساعتين وممكن اربع ساعات لما تفصل

[Mohamedhegazi]

تمام ياعم صلاح ان شاء الله هروح الصبح واوافيك بالنتيجه..تعبتك معايا

[Mohamedhegazi]

روحت ياغالي وعملت اللى قولت عليه لكن بدون فائده .

[صلاح رجب الجرنوسى]

قم بقياس الترومستات لو الترمستات سليم يبقا عندك مشكله فى توصيلات الفريزر

[Mohamedhegazi]

ممكن حضرتك توضحلي مشكله التوصيلات

[Mohamedhegazi]

للعلم ياريس انا شلت الاطراف من الثرموستات القديم وركبتها زي ماكانت في الجديد والثرموستات الجديد سليم وزى ماقولتلك اللمبه الحمرا بتفصل لكن الفريزر يعمل ،،،ممكن يكون ضعف كهربا

[Mohamedhegazi]

دى صوري لتوصيلات الثرموستات ياغالي

[Mohamedhegazi]

وبرضو ماسوره الراجع عليها تلج كتير

[صلاح رجب الجرنوسى]

دى صوري لتوصيلات الثرموستات ياغالي

بس يا غالى الترومستات اللى بالصوره ثلاث اطراف وبكده عندك عيب يالتوصيله كنت نظرت الى اسلاك الترومستات القديم قبل متخلع اى سلك على الارقام الموجوده بالترومستات وتشوف السلك الاسود موجود فى الترومستات القديم رقم كم وكنت وصلته فى الترومستات الجديد بس عادى انا معاك واقولك لتصحيح الاسلاك ولارقام تقدر تصور لى القديم وهل كان طرفين والا ثلاثة

[Mohamedhegazi]

القديم كان تلاته ووصلت الاسلاك زى ماكانت فى القديم

[صلاح رجب الجرنوسى]

طيب بس امسك السلك الاسود شوفه بتاع ايه هل هو موصل للضاغط والا الى الكابل الكهرباء والا الى المبه وشوف الاحمر التانى موصل مع ايه والبنى التالت موصل مع ايه واكتبلى واانا اقولك وصل ده فى رقم كم فى الترومستات

[Mohamedhegazi]

الحمد لله ياغلي فصل بعد ماغيرتله الريليه والاوفرلود .شكرا تعبتك معايا والله ياعم صلاح

[صلاح رجب الجرنوسى]

الحمد لله ياغلي فصل بعد ماغيرتله الريليه والاوفرلود .شكرا تعبتك معايا والله ياعم صلاح

بس الريليه والاوفرلود ملهمش دعوه بفصل الضاغط الترومستات هو المسئول عن الفصل لما يوصل لدرجه معينه اما الريليه والافرلود هما المسئوليين لشغيل الضاغط واى عطل فيهما الضاغط يزن وميشتغلش و عطل الافرلود لو تالف يفصل الكهرباء متوصلش للضاغط لو انت قمت بتركيب ريليه وافرلود يبقا التوصيله كانت خطاء فى الضاغط والضاغط كان موصل مباشر للكهرباء ولذلك كان شغال ومش اميفصل

[Mohamedhegazi]

بس انا وصلتهم ع نفس التوصيله القديمه ..مغثرتش الاسلاك