المساعده في اشارة باراكليبسv4

[محمد السيد 78]

لو سمحتم يااساتذتي عندي مشكله في جهاز باراكليبس فيرجن 4 وهيا فصل الاشاره كان شغال كويس واديتله ملف قنوات وفصل اشاره نهائي وحاولت انزله كذا ملف ومشتغلش ونزلتله ملف تاني اشتغل ثواني وفصل وحاولت انزله سوفت اللمبه الحمرا بس مش راضي ينزل عليه ارجو منكم المساعده واسف للاطاله

[adel_sat]

اللمبه الحمرا بس ازاي اخي الكريم يعني مثلا بعد نزول السوفت وقف علي اللمبه الحمرا ولا ايه وضح كلامك ياغالي وانا ان شاء الله متابع معاك

[omarabdo]

الحل هنا


http://www.masrawysat.com/vb/showthread.php?t=13248

[محمد السيد 78]

استاذ عادل الجهاز جديد انا نزلتله ملف قنوات اشتغل ثواني وفصل اشاره نهائي هوا بيقف علي قنوات ويكتب نو سيجنل فانا قلت اجرب سوفت اللمبه الحمرا لكنه مش بينزل والف شكر لمشاركتك وياريت لو موجود سوفت للاشارة وشكرا

[محمد السيد 78]

يااستاذ عمر المشكله مش ف اللمبه الحمرا الجهاز بيفتح وبيكتب نو سيجنل يعني فاصل اشاره فقط

[ابوشهبور]

اخى الغالى لو كانت القطعه باركليبس غيرها وثانيا قبل تحميل اى ملف قنوات اعمل ضبط مصنع للجهاز ولا تعطى للجهاز اى ملف قنوات واعمل بحث يدوى ستزول المشكله

[محمد السيد 78]

الاخ ابو شهبور الغالي القطعه مش باراكليبس وانا عملتله ضبط مصنع لكن الجهاز برضه فاصل اشاره

[محمد السيد 78]

المشكله يااخواني الكرام ان دا تاني جهاز يعمل معايا كدا الاجهزة جديده بفتح الكرتونه وبنزله الملف فقط تشتغل القنوات يوم والاقي الجهاز فصل جربت ف واحد النهارده نزلتله ملف اشتغل اقل من دقيقتين وفصل تاني

[omarabdo]

جرب lnb من نوع ترومان او هيلوتيك عن تجربة

[adel_sat]

اليك اخي احدث سوفت لجهازك مع اللودر وملف قنوات تقبل تحياتي

[magdy alkadose]

حبيبى راجع على مكونات البور وخرج الفولت وكمان خرج فولت التيونر 18 و13 فولت وكمان الايسى 317 راجع الفلتيات وشوف اية المشكلة لو كان من الايسى غيرة وهيشتغل تمام

[محمد السيد 78]

التجربه فشلت يااستاذ عمر فاصل اشارة سلك برضه

[magdy alkadose]

شوف الفلت يا غالى من البور وكمان من التيونر وكمان الايسى 317 ثم غيره

[adel_sat]

وكمان لودر اخر
تحت امرك يا غالي وجرب وقولي النتيجه

[magdy alkadose]

ده عيب تيونر يا ناس مش سوفت عمره مش هيشتغل غير لو الجهاز اتغير فية التالف وشكرا

[adel_sat]

استاذ مجدي الراجل بيقول الجهاز لسه خارج من الكرتونه يعني ممكن الي حد كبير يكون مش عطل واحنا متابعين مع الراجل وكمان قال ان مش جهاز واحد وكمان كان شغال وربما يكون الراجل وضع ملفات قنوات ليست جيده وممكن ان شاء الله السوفت يعالج الكثير والله ولي التوفيق

[magdy alkadose]

اجهزة عبد العال كلها زبالة حسبى الله ونعم الوكيل مش شرط يا اخى مع عبد العال توقع اى شىء

[adel_sat]

ربنا يستر احنا بنحاول نعالج اخي مجدي والله المستعان تقبل تحياتي وياريت الاخ محمد السيد يوافينا باي نتائج جديده

[محمد السيد 78]

والله مانا عارف هاقول ايه تاني انا تعبتكو معايا وبرضه نفس المشكله طيب يااستاذ عادل بعد اذنك انا بديله السوفت وانا قافل الجهاز باور وبعمل داون وبعد كدا بفتح الجهاز وبتكون اللمبه الحمرا منور ومافيش قرايه ع الشاشه بتاعه الجهاز وبعد مابيحمل بيفضل اللمبه الحمرا وبرضه مافيش قرايه ع شاشه الريسيفر وبقفل وبرجع افتح تاني كدا مظبوط ولا ايه

[محمد السيد 78]

مع العلم اني قبل مااديله سوفت الاستاذ عادل جربت نزلت ملف قنوات الجهاز اشتغل تمام 10 دقايق وبعد كدا رجع فصل تاني معني كدا ان الجهاز سليم ولا ايه ياجماعه انا عارف اني بتقل عليكم معلش اخوكو الصغير