مشكلة ايبى

[mashhor]

انا مشترك فى تىداتا وعندى النت مش شغال اعمل رست واضبط اعدادات للراوتر يشتغل نصف ساعة ويفصل عملت شكوى فى الشركة بعتولى فنى اكتشف ان العيب فى الايبى الاتوماتيك لما يسحب ايبى جديد يفصل قالى الحل المؤقت ان نثبت الايبى بس للاسف مكنش فاكر الارقام عملت بحث وجبتهم اكتشفت انى لازم اكتبهم فى كارت اللان وكارت الوير لس المهم اشتغل شوية وفصل تانى من على الموبايلات لانى مشغل اكتر من موبايل على الوير لس المهم مش عارف اعمل اية وهل فى حل اخر هل فى طريقة اثبت الايبهات فى الراوتر وازاى هو راوتر تى بى لينك لون صفحتة الاورنج انا اسف جداا للاطالة بس بقالى اكتر من شهر بعانى من المشكلة دى وشكراااا

[mazen_coco]

ينقل لقسمه الصحيح بمعرفتى
ورجاء وضع المواضيع فى قسمها الصحيح
وذلك حفاظاَ على تنظيم القسم
وتسهيلاَ للاعضاء
تحياتى لك

[mashhor]

شكراا يا استاذ ماذن بس مكنتش اعرف هو يتبع قسم اية والتكرار غصب عنى كان فى تعديل والصفحة علقت ومع ذلك انا بتاسف للخطأ

[mazen_coco]

ولايهمك ياغالى

[ابوحنــين وأسيـــل]

انا مشترك فى تىداتا وعندى النت مش شغال اعمل رست واضبط اعدادات للراوتر يشتغل نصف ساعة ويفصل عملت شكوى فى الشركة بعتولى فنى اكتشف ان العيب فى الايبى الاتوماتيك لما يسحب ايبى جديد يفصل قالى الحل المؤقت ان نثبت الايبى بس للاسف مكنش فاكر الارقام عملت بحث وجبتهم اكتشفت انى لازم اكتبهم فى كارت اللان وكارت الوير لس المهم اشتغل شوية وفصل تانى من على الموبايلات لانى مشغل اكتر من موبايل على الوير لس المهم مش عارف اعمل اية وهل فى حل اخر هل فى طريقة اثبت الايبهات فى الراوتر وازاى هو راوتر تى بى لينك لون صفحتة الاورنج انا اسف جداا للاطالة بس بقالى اكتر من شهر بعانى من المشكلة دى وشكراااا

بصراحه الشركه بتجيب ناس تعبانه اساسا ويقولك فني تي داتا
وخدمه عملاء بتهرب باكثر من طريقه \

انا في يوم عرضت عليهم يعملوا اعلان للناس اللي فهمين بجد ويتعاقدو معاهم لان فعلا فيه ناس عباقره ومظلومه ..

المهم اخي صاحب المشكله المفروض اني اعمل حصر للمشكله دي ازااااي؟؟؟


اول حاجه تقوم بتوصيل الراوتر من غير سبليتر يعنى هتركبه مثلا على سلك حرارة التليفون ع طول ولو كان عندك موجود عدة تليفون ومحتاج تركبها حط الاسبليتر قبل عدة التليفون .بس يكون الروتر واخد حراره من اول فيشة في البيت آو الشقه وجرب بقي كده لمدة يوم أو اتنين لو النت اتظبط يبقي العيب من السبليتر غيره أو اثبت على كده وخلى الروتر من غير سبليتر لو المشكله ما اتحلتش هتعمل الخطوه الجايه


تتاكد من سلك التليفون انه مش معدى جنب أجهزه كهربائية زى تكييف تلاجه أو أي أسلاك كهربه تردد عالى. واتاكد أن السلك مافهوش قطع أو لحمات تكون متأكسدة لو في اقطعها واعملها من جديد وجرب بعد الخطوه دى بيوم. لو المشكله ما اتحلتش هتعمل الخطوه الجايه

ممكن بقي العيب يكون من الروتر نفسه بس ده لو كان بيرستر يعنى بيطفى لمبة البور ويفتح تانى بس على العموم حاول تتصرف في روتر من عند واحد صحبك وجرب بيه لو منه يبقي لازم تغير الروتر والافضل شوف روتر تي داتا
وتعمل كونفجريشن ليه


تتصل بالسنترال وتدخل الخط اعطال هتقولهم في وش عندى ف التليفون . تانى يوم الصبح هتلاقى واحد واقف على الباب بيخبط . هتقوله ممكن تقيس لى حرارة التليفون عشان فى وش والنت بيقطع . هيقيسه من البوكسه لو العيب منها هيغير مكان خط الحرارة في البوكسه . لو كويس هيقيس الخط من اول فيشة تليفون في البيت لو في عيب اطلب من يغيرلك السلك من البوكسه لغاية البيت بيبقى على حساب السنترال .

[mashhor]

انا بشكر حضرتك جدا انا فعلا علمت كل دة ركبت السلك مباشر غيرت الراوتر كلمتهم كتير إلا صراحة موضوع السنترال بس لو فى حل مؤقت

[mazen_coco]

الله ينور على الرد الاكثر من رائع
استاذى /ابوحنــين وأسيـــل

الاخ صاحب المشكلة
هل لما بياخد اى بى جديد الروتر بيعمل ريستارت؟؟وبيشتغل مره اخرى؟

لأن قبل كده حصل معايا حاجه شبيه لذلك بس كان الروتر بيفصل فى اوقات معينة
ويشتغل ويفصل وهكذا وبعد مانزل الفنى بتاعهم كالعادة ماتوصلش لحل
وفى الاخر العيب طلع ان الكهرباء بتضعف فى الوقت ده
لذلك بسأل حضرتك هل بيعمل ريستارت ولا لاء

[mashhor]

هو فعلا بيعمل رستارت الايبى يتغير يفصل بس الكهربا عندنا كويسة

[ابوحنــين وأسيـــل]

هو فعلا بيعمل رستارت الايبى يتغير يفصل بس الكهربا عندنا كويسة

فيه شئ نسيت اقوله وذكرني بيه حبيبي مازن المتألق كالعاده

فعلا الكهرباء ممكن تكون احد الاسباب (ضعيفه+ ممكن راجع ارضي)
وده كان عندي الاتنين وجبت استبليزر وغيرت خط الكهرباء من خط اخر
واتحلت المشكله

1- ممكن تجيب استبليزر من عند حد تجربه يوم لان الكهرباء مش بالنظر كده تبقي مظبوطه لازم واحد كهربائي يقسها لك ويشوف ايضا راجع الارضي

[ahmedmedooo]

الله ينور على المتابعة
ومنور القسم حبيبى الغالى / مازن
ومنور القسم الاستاذ االفاضل / ابو حنين واسيل

طبعا مفيش كلام يتقال بعد الاساتذه الكبار
اضافه بسيطه
حضرتك عندك كام روتر
فى كلامك بتقول رواتر
وعايزك تفصل كل المشتركين وجرب على جهازك انته فقط
وامسح ايبهات اليدوى من الكمبيوتر
اجعل الروتر يخرج ايبهات اتو ماتك
لان لو مشترك معاك على الخط ومشغل عنده اكسس هوائى او روتر ومحوله لاكسس
حيسببلك نفس المشكله لانه مفعل DHCP ولم يغير ايبهات الاكسس
وممكن تصورلى صفحة الايبهات على الروتر الأساسى فى اللان
ومعها DHCP فى نفس الصفحه وارفعها على الموضوع هنا

بعد الكلام ده كله لو مشتغلش الروتر
اكتب بيناته كامله
وتغيرله سوفت
وتقبلو تحياتى جميعا

[mashhor]

شكرا ليك هو راوتر واحد واستخدام منزلى فقط بمعنى اللاب بشغلة اوقات على كارت اللان لما بظبط الراوتر وكلو بعد كدة واير لس 3 موبيلات شغالين داخل المنزل واير لس انا حليت المشكلة مؤقت عن طريق تثبيت ايبى من خلال انترنت برتكول لكارت اللان وكارت الوير لس بس المشكلة الان فى الموبيلا ت بعد ما استقبل الشبكة ويشتغل شوية يفصل هل ممكن اثبت ايبهات فى الراوتر تغينى انى اثبت ايبى فى كل جهاز وانا بشكركم جميعا للاهتمام

[ابوعنان]

متابعة ممتازة من الاستاذة الكبار وكلهم عباقرة فى مجال الانترنت
المهم ياصديقى الغالى اقفل DHCP فى الروتر ده تمام وهات
روتر تانى يكون حتى قديم وشغل الروتر ده يكون اكسيس
وافتح الاتوماتيك فى عادى وجرب كده بس اقفل الاول
انشاء الله هيشتغل معك تمام انا شغال با اكتر من 10
رواتر معايا فى الشبكة فاتح اتوماتيك واحد بس
وبالتوفيق لحضرتك وتحياتى للكل الاستاذة
الكبار
وطبعا الروتر التانى هتغير الايبى طبعا غير الاول
http://text.glitter-graphics.net/flip/n.gifhttp://text.glitter-graphics.net/flip/a.gifhttp://text.glitter-graphics.net/flip/n.gifhttp://text.glitter-graphics.net/flip/a.gifhttp://dl3.glitter-graphics.net/empty.gifhttp://text.glitter-graphics.net/flip/o.gifhttp://text.glitter-graphics.net/flip/b.gifhttp://text.glitter-graphics.net/flip/a.gif (http://glitter-graphics.com/myspace/text_generator.php)