الفلاشة دي قديمة ولا جديدة ؟

[Ridil]

انا عندي محل صيانة كمبيوتر
وعندى الفلاشة بالرقم دا
mx25l1605dm2c

اجربها ولا لأ
واديلها سوفت ايه لو تنفع والجهاز هيروشيما فيرجين واحد
لمبة حمرا بس

[م/ احمد شومان]

تابع فى المثبتات؟؟؟؟؟؟؟؟؟؟؟؟

[Ridil]

يا اخى هي مش موجودة فى المثبتات ولا فى شرح ليها
دي فلاشة انا شايلها من بوردة عندي لجهاز بايظ
وشوفت بعض الأعضاء رفعو فلاشات من بورد تانية واشتغلت تمام اكنها جديدة
السؤال حاليا
انا كدا كدا هجربها فى الدنجل
ايه بقا الإعدادات اللى اعملها عشان مبوظش الفلاشة
ولو حد من الأخوة جرب بفلاشة زيها يقول بس
والفلاشة الجديدة تقريباً نفس الاسم مع اختلاف الرقم من 1605 الى 1608
mx25l1605dm2c
mx25l1608dm2c

[salhalhtup]

ما هو الجهاز اخي الذي فيه هذه الفلاشة

[Ridil]

دي فلاشة كانت فى بوردة روتر TP-link
فقولت أتأكد لأنهم على الموقع بتاع الدنجل كانو كاتبين ان الفلاش الاصلى اوله MX25
والفلاشة دي كدا
بس انا معرفش الإعدادات بتاعتها ايه بعد التركيب

[احمد جمعه السيد]

مش هاتنفع ياغالى مش شغاله

[م/السيد منطاوى]

تابع فى المثبتات؟؟؟؟؟؟؟؟؟؟؟؟ ياخىالراجل من حقه يسال

[Ridil]

وللعلم فقط
الفلاشة دي موجودة فى جهاز ريسيفر اسمه استرا 9900z pvr
والاخوة فى مصراوى صيانة بيقولو انها بيتحمل عليها الفلاشة بتاعتها عن طريق الجيتاج او عن طريق تركيبها فى اجهزة الكيوماكس والهيروشيما
فياريت حضرتك تقولى ليه لأ مينفعش !!

[م/السيد منطاوى]

انا عندي محل صيانة كمبيوتر
وعندى الفلاشة بالرقم دا
mx25l1605dm2c

اجربها ولا لأ
واديلها سوفت ايه لو تنفع والجهاز هيروشيما فيرجين واحد
لمبة حمرا بس
اخى لا تصلح

[Ridil]

كويس ان حضرتك رديت بإنها لا تصلح ... سؤالى بقى حاليا هل بسبب انها مش هتقبل السوفت اصلاً
ولا هتشتغل وتقبل السوفت بس هتكون من الانواع القديمة ؟!

[م/السيد منطاوى]

كويس ان حضرتك رديت بإنها لا تصلح ... سؤالى بقى حاليا هل بسبب انها مش هتقبل السوفت اصلاً
ولا هتشتغل وتقبل السوفت بس هتكون من الانواع القديمة ؟! نعم اخى لن تقبل السوفت الفلاشه المطلوبه موجوده فى اجهزه ستار سات الحديثه والهايفيون الحديث ايضا ولا انه يجب ان تكون مساحتها لا تقل عن 2 ميجا والقلاشه المطلوبه هى 8 ارجل

[Ridil]

الفلاشة مساحتها اتنين ميجا وموجودة فى اجهزة الهايفيون بالفعل وتمن ارجل
ايه المشكلة بقا
وهيا كمان بتقبل السوفت عن طريق الجي اكس
اظن لقب مراقب الفضائيات فى الموضوع دا يكفى ورده
تم حذف الرابط ... آسف

[Ridil]

ودي احجام الفلاشة هيا واحجام الفلاشات الشبيهة بيها
من نوع
Macronix


MX25L1005 (128kB)
MX25L2005 (256kB)
MX25L4005 (512kB)
MX25L8005 (1MB)
MX25L1605 (2MB)
MX25L3205 (4MB)
MX25L6405 (8MB)

[م/السيد منطاوى]

الفلاشة مساحتها اتنين ميجا وموجودة فى اجهزة الهايفيون بالفعل وتمن ارجل
ايه المشكلة بقا
وهيا كمان بتقبل السوفت عن طريق الجي اكس
اظن لقب مراقب الفضائيات فى الموضوع دا يكفى ورده
http://www. Masrawysyana .com/vb/showthread.php?t=6593 خلى باللك عدل الرابط او امسحه الرابط لمنتدى اخر

[البرنس]

كويس ان حضرتك رديت بإنها لا تصلح ... سؤالى بقى حاليا هل بسبب انها مش هتقبل السوفت اصلاً
ولا هتشتغل وتقبل السوفت بس هتكون من الانواع القديمة ؟!

حبيب قلبى انا هنصحك لوجه الله اولا لكل مجتهد نصيب
وانت بتجتهد وده مش عيب الاجتهاد اساس النجاح
الفلاشه اللى معاك هى من نفس العائله
وان شاء الله هتنفع
وتركيبها مش صعب اولا
وهتغير معاك السريال بتاع الدونجل ومحتمل انها تعمل بنسبة 50%
جرب انتا مش هتخسر شىء
وربنا معاك وعلى فكره رغم انى متخصص صيانه هاردوير
لاكن من الممكن انى استفيد من تجربتك
ربنا معاك ومنتظرين نهاية تجربتك
ولو حصل لجهاذك اى عطل بسبب تركيب الفلاشه انا مسئول
واقسم لك بلله اعطيك جهاذ اخر بدل منه رغم ان الجهاذ لم يصيب بشىء
فجرب وان شاء الله تنجح الفلاشه
ولاكن ارجو منك التركيز على قضبية الفلاشه وتركيبها بطريقه صحيحه
تمنياتى بلتوفيق

[م/السيد منطاوى]

ودي احجام الفلاشة هيا واحجام الفلاشات الشبيهة بيها
من نوع
macronix


mx25l1005 (128kb)
mx25l2005 (256kb)
mx25l4005 (512kb)
mx25l8005 (1mb)
mx25l1605 (2mb)
mx25l3205 (4mb)
mx25l6405 (8mb)
عموما جرب والتجربه خير برهان للصواب والخطاء

[Ridil]

والله العظيم انا غرضى من كل اللى بسأله بسيط جداً
إمبارح شوفت موضوع لأخ عزيز هنا قال فيه انه وجد فلاشة فى جهاز دي في دي قديم عنده
انا بيجيلى اجهزة صيانة كتير للمحل
وبنزل اوقات سوق الجمعة اشترى بورد بايظه وحاجات بايظة عشان كنت بتعلم فيهم زمان
فقولت اقلب فى الحاجات اللى عندى على فلاشة زي اللى الاستاذ لاقاها فى الدي فى دي
اهو اسهل من 60 جنيه تمن الفلاشة فى وسط البلد
دورت فى كام سيدي وحاجات تانية ملاقيتش حاجة زي اللى الاستاذ لاقاها
وبالصدفة كان عندى روتر بايظ دائرة بور محروقة من نوع تي بي لينك
ببص على الفلاشات اللى فيه لاقيت واحدة اولها mx25l
افتكرت الإعلان القديم اللى كان فى موقع الميكرو بوكس بإسم الفلاشات الاصلية
دورت علي اسم الاصلية لقيته زيها مع إختلاف بسيط جداً
اللى هو 5 و 8 فى الموضوع فوق
المهم ... الروتر كله تمنه جديد اساساً 100 جنيه وواحد بايظ زي اللى اانا لاقيتها فيه بيترمى فى الزبالة ببلاش وزيه مليون واحد فى سوق الجمعه يوم ما هتشتريه مش هيزيد عن اتنين تلاتة جنيه
بس المشكلة ان الدنجل مكانش معايا فى المحل قولت اشيل الفلاشة وانا هناك واخد معايا الدنجل بكرة
اجربها فيه
مش هخسر حاجة
قولت اسأل الاول ... لا خاب من استشار وما شاء الله هنا المنتدى فيه عمالقة فى الموضوع دا واجمل حاجة انا الجميع هنا بيحب يساعد
عملت الموضوع وقولت برضة ميضرش انى اعمل شوية بحث عن الفلاشة لاقيت موضوع بيقول انها دى فلاشة من جهاز استرا مذكور اسمه فوق
وموجود برضة انه بينفع ينزلها سوفت بالجى اكس
وكمان الاستاذ نبهنى ان الحجم ميقلش عن اتنين ميجا حجم ملف البين بتاع الفلاش
دورت على الحجم ولاقيته اتنين بالظبط .
وانا مش قلقان ان الجهاز يبوظ
انا كل قلقى انى اركبها وتكون شغالة تمام بس فى إعدادات مختلفة للودر فمقدرش انزل عليها السوفت ... ونكون بكدة خسرنا بسبب خطأ هين جداً مقارنة بالمجهود اللى بنعمله كلنا عشان نشغله

[م/السيد منطاوى]

والله العظيم انا غرضى من كل اللى بسأله بسيط جداً
إمبارح شوفت موضوع لأخ عزيز هنا قال فيه انه وجد فلاشة فى جهاز دي في دي قديم عنده
انا بيجيلى اجهزة صيانة كتير للمحل
وبنزل اوقات سوق الجمعة اشترى بورد بايظه وحاجات بايظة عشان كنت بتعلم فيهم زمان
فقولت اقلب فى الحاجات اللى عندى على فلاشة زي اللى الاستاذ لاقاها فى الدي فى دي
اهو اسهل من 60 جنيه تمن الفلاشة فى وسط البلد
دورت فى كام سيدي وحاجات تانية ملاقيتش حاجة زي اللى الاستاذ لاقاها
وبالصدفة كان عندى روتر بايظ دائرة بور محروقة من نوع تي بي لينك
ببص على الفلاشات اللى فيه لاقيت واحدة اولها mx25l
افتكرت الإعلان القديم اللى كان فى موقع الميكرو بوكس بإسم الفلاشات الاصلية
دورت علي اسم الاصلية لقيته زيها مع إختلاف بسيط جداً
اللى هو 5 و 8 فى الموضوع فوق
المهم ... الروتر كله تمنه جديد اساساً 100 جنيه وواحد بايظ زي اللى اانا لاقيتها فيه بيترمى فى الزبالة ببلاش وزيه مليون واحد فى سوق الجمعه يوم ما هتشتريه مش هيزيد عن اتنين تلاتة جنيه
بس المشكلة ان الدنجل مكانش معايا فى المحل قولت اشيل الفلاشة وانا هناك واخد معايا الدنجل بكرة
اجربها فيه
مش هخسر حاجة
قولت اسأل الاول ... لا خاب من استشار وما شاء الله هنا المنتدى فيه عمالقة فى الموضوع دا واجمل حاجة انا الجميع هنا بيحب يساعد
عملت الموضوع وقولت برضة ميضرش انى اعمل شوية بحث عن الفلاشة لاقيت موضوع بيقول انها دى فلاشة من جهاز استرا مذكور اسمه فوق
وموجود برضة انه بينفع ينزلها سوفت بالجى اكس
وكمان الاستاذ نبهنى ان الحجم ميقلش عن اتنين ميجا حجم ملف البين بتاع الفلاش
دورت على الحجم ولاقيته اتنين بالظبط .
وانا مش قلقان ان الجهاز يبوظ
انا كل قلقى انى اركبها وتكون شغالة تمام بس فى إعدادات مختلفة للودر فمقدرش انزل عليها السوفت ... ونكون بكدة خسرنا بسبب خطأ هين جداً مقارنة بالمجهود اللى بنعمله كلنا عشان نشغله بعد التركيب تمام اختر رقم الفلاشه من اعدادات اللودر وللاسف لا يوجد برنامج لمعرفه بدائل الفلاشات عموما جرب وياريت تبلغنا بالنتيجه

[م \ محمد حمادة]

لم اجربها والتجربة خير دليل وبرهان

[Ridil]

طب فى مشكلة كدا هتقابلنى وانا بنزل الفلاشة
مفيش فى القائمة اى نوع من انواع فلاشات ال mx
انزل السوفت الاصلى من السايت واشتغل بيه ولا اجرب ممكن تكون واحدة منهم نفس الإستراكتشر بتاعة ال mx