سؤال عن السوفت الجديد 1.96 بعد اذنكوا

[vwago]

انا عندي رسيفر الجوكر الاسود hd
انا عندي السوفت 3.43 عملت ضبط مصنع ونزلت السوفت الجديد السوبر 1.96
جيت عشان انزل النايل سات وفتحت قائمه الاقمار لاقيت اقمار غريبه فيها ارقام ومش موجود منهم غير قمر نايل سات كل ما احاول انزل القمر يعمل ريستارت وما ينزلش حاجه ومش باين عندي أي قمر
وجربت كل الزراير وكان فيه زرار اسمه بحث اعمي دست عليه نزل ترددات
بعديها اول ما يعمل بحث يرستر الجهاز اضطريت امسحه وانزل السوفت 3.43 تاني
هل ياتري السوفت السوبر ما ينفعش علي جهازي
ولو ينفع ايه الطريقه اللي تخليني انزل بيها القنوات من غير ما يعمل ريسترارت. وايه الباص ورد بتاع ضبط المصنع عشان هو مش اربع أصفار
علما بأنني الطبق عندي متحرك
أرجو انكوا تردوا عليا عشان السوفت ده شكله جااااامد
هينفع السوفت يتحط وللا مش هينفع وشكراا

[amrlion]

شكلك نزلت ملفت القنوات اللى كنت شغال بيه على السوفت 1.96

لو عملت كده يبقى لا يصلح طبعا

نزل السوفت تانى ونزل القنوات يدوى

واعمل ضبط مصنع قبل التنزيل وبعد التنزيل للسوفت

[vwago]

شكرا للرد
بس انا ما نزلتش ملف قنوات وبعدين انا لما باجي اعمل ضبط مصنع بكتب أربع اصفار بيقول الباص ورد غلط
ومعلش لو هعمل بحث يدوي هعمله ازاي وبعدين ما بيظهرليش أقمار غير النايل سات وشويه اقمار غريبه

[amrlion]

اعمل ضبط مصنع الاول وشوف

الرقم

9
8
7
6

[مصراوي متواضع]

شكرا للرد
بس انا ما نزلتش ملف قنوات وبعدين انا لما باجي اعمل ضبط مصنع بكتب أربع اصفار بيقول الباص ورد غلط
ومعلش لو هعمل بحث يدوي هعمله ازاي وبعدين ما بيظهرليش أقمار غير النايل سات وشويه اقمار غريبه

اخي الغالي
انت خلتني مسحت السوفت ونزلته تاني وللملاحظة الرقم السري اول مرة كان (0000) وثاني مرة جربت(9876) وقبل في المرتين
ولم اجد موضوع الاقمار بلغة غريبة ولم يحدث معي تهنيج عند عمل بحث اعمي ( blind search) فأكيد انت نزلت السوفت ولكن نزل معاك باللغة العربية
يعني عندما نزلت السوفت وشلت الفلاشة وعمل الريسيفر اعادة تشغيل من نفسه لاقيت صورة الافتتاحية عندك علي التليفزيون باللغة العربية( صح أم خطأ؟)
وعند ذلك بدأت مشاكل السوفت
لو كلامي صح اعمل ضبط مصنع كامل للجهاز 4 مرات ونزل السوفت مرة تانية ولازم تتأكد انه نزل باللغة الانجليزية وان شاء الله هتلاقي كله تمام
وتقبل تحيتي لك

[smsm_87]

شكرا للرد
بس انا ما نزلتش ملف قنوات وبعدين انا لما باجي اعمل ضبط مصنع بكتب أربع اصفار بيقول الباص ورد غلط
ومعلش لو هعمل بحث يدوي هعمله ازاي وبعدين ما بيظهرليش أقمار غير النايل سات وشويه اقمار غريبه

بص يااخى الباص ورد
9
8
7
6
ثانى حاجة لازم تعمل ضبط مصنع قبل تنزيل السوفت ونصيحة اعمله مرتين ضبط مصنع بعد كدة نزل السوفت

خطوات تنزيل السوفت
1-هاتحضر فلاشة مش اقل من 2 جيجا وتفرمتها fat 32
2-هاتروح للرسيفر وتعمله ضبط مصنع
3-بعد ماتحمل السوفت هاتفك الضغط عنه هايظهرلك مجلد مكتوب فيهfiles ثم انزاله على الفلاشة
4-هاتطفى الرسيفر من زرار البور الخلفى وتحط الفلاشة فى usb اللى فى الرسيفر
5-ثم تعيد تشغيل الجهاز من البور وتنتظر حتى يتم تحميل السوفت حتى يكتب على شاشة الريسيفر كلمة ( end)
6-بعد كدة هاتشيل الفلاشة هايعد معاك 10 ثوانى بعد كدة الجهاز هايعيد تشغيل نفسه ومبروك عليك السوفت الجديد
واى استفسار تانى انا تحت امرك

[vwago]

شكرا ليكوا جدا علي اهتمامكوا
وهجرب دلوأت ويا رب يشتغل

[smsm_87]

لاقيت اقمار غريبه فيها ارقام ومش موجود منهم غير قمر نايل سات

يااخى انا مرة كنت على السوفت السوبر وغيرته الى السوفت الاصلى لاقيت زى مانت بتقول كدة اسماء الاقمار بالغة غريبة وشكل الجهاز كان غريب روحت عملت ضبط مصنع مرتين او ثلاثة وبعدين اشتغل زى الفل بس انصحك بالسوفت 1.96 السوبر الجديد

[vwago]

شكرا ليكوا جدا جدا علي الاهتمااام
السوفت نزل بنجااح
:)

[الياسمين]

شكرا ليكوا جدا جدا علي الاهتمااام
السوفت نزل بنجااح
:)

ياراجل انت فين
بقالك 3 شهور بتنزل في السوفت
ههههههههههههههههههههههههههه
مبروك ياعمنا
اوعي تنزل ملف قنوات احسن تقعد كمان شهر
ههههههههههههههههههههههههه
رمضان كريم ياغالي
وكل سنة وانت طيب

[vwago]

ههههههههههه
وانت بالصحه والسلامه
رمضان كريم
وكل سنه وانت طيب