لو سمحت بعد إذنكوا عندي فكره جميله ياريت نطبقها في المنتدي

[حوده العالمي]

السلام عليكم ورحمة الله وبركاته

لو سمحت بعد إذنكوا عندي فكره جميله ياريت نطبقها في المنتدي
الفكره هي ان كل فني بيركب دش صاحب الطبق بيقله طيب ظبتلي الرسيفر
ونزلي قنوات جديده وانتوا طبعا عارفين ان معظ الريسيفرات شغاله بفلاشه طبعا مش كلها بس في كتير منها بفلاشه وكمان الاتش دي وخصوصا الميني برده شغال بفلاشه وكتير وكتير زي الاسترونج والتورمان وغيره وغيره الفكره اننا اعاوزين نجمع كل الملفات الي بفلاشه لجميع الأجهزه ونعملهم قسم خاص وتحديث دائم علشان كل فني يقدر انه يحدث أي رسيفر يقابله عند الزبون الفكره دي في بالي من زمااااااااااااان أرجوا النظر فيها وتنفيذها قدر المستطاع حتى تعم الفائده شكرا لكل عمالقة مصراوي سات

[فيوتشر مان]

مشكور عالفكره الطيبه

[ahmed jamal]

هيا فكره طيبه بس هنا كل رسيفر وله قسم
يعني الزبون عنده مثلا رسيفر كيوماكس هتدخل هنا علي القسم بتاعه هتلاقى تحديثات وملفات قنوات كتير وغيره كتير زى ستار سات وترومان وغيره
يعنى كده كده الملفات موجوده وكده افضل عشان النظام
وزى ما بتقول الملفات كلها تبقا في قسم واحد هيبقا فيه لخبطه ولو داخل تجيب ملف معين هتتبهدل عل ما تلاقيه
اتمنى تكون وجهة نظرى وصلتلك وتقبل تحياتي

[الكينج علي]

المشوار ده تجمعه انت من جميع الاقسام وتخليه علي فلاشه وعند الزبون تنزل الملف المطلوب لاكن هتعمل قسم خاص للاجهزه الذي تعمل بفلاشه هتتلغبط الاعضاء وممكن حد ينزل ملفات غلط وتحصل مشاكل في الاجهزه

[ahmed hassn2012]

هى فكرة جيدة لكن لكل جهاز قسم خاص به منعا لتداخل الملفات وانت ممكن تجمع كل داه من كل قسم

[mido ma]

الافضل كل جهاز وله القسم الخاص به ومن الملحوظ الجهد الكبير اللى بيقوم به المشرفين والاعضاء الكرام فى تلبية كل او معظم طلبات الاعضاء والزوار والمستجدين فى المنتدى وانا والله واحد من اللى تعلم واستفاد كتير جدا من المنتدى رغم قلة الخبره فى المجال ده لكم كل الشكر والتقدير واتمنى لكل المشرفين و الاعضاء الكرام كل التوفيق والنجاح ......