استفسار من الاخوة المشرفين بالقسم رجاء وليس امر شكرااا

[عمار@]

السلام عليكم ورحم الله وبركاته

انا عندى طبق 160 بريفكس ومتور يدوى يعمل بامتياز المتور قصدى


المشكلة فى الطبق هو بحالة جيدة وتمام قوى الطبق

المشكلة فى ضبط المدار

انا ظابط المدار وجايب معايا ع التردد الذهبى اشارة تمام

نايل سات واسترا 19 وعرب سات

الاقمار الموجودة بعد ضبط المدار

1 هسبسات

القمر اللى علية القناة الجزائرية

تستار 15

نايل سات

عاموس

قمرين ثور

قبرص اواسترا 4

يوتلسات 7 w3

يوبيرد9

يوتلسات 10

الاوربى 13

يوتلسات 16

استرا 19

يوتلسات 21

بدر وعرب سات

واسترا 23

ويوتلسات 31 شرق

هيلاسات 39

تركى سات 42

الازرى والافغانى

ياه سات و اكسبريس

وفية قمر بعدهم جايب 5 قنوات مش عارف اسموا اية كنت ببحث ع 54 شرق لاقيت ال5 قنوات دولا


الهولندى 57

الايرانى انتل سات 62

الافريقى بين الايرا نى وانتل سات 68

واخيرا انتل سات 68


اسيا سات مش جاى معايا ولا يوتلسات36

وبعدين انا لما بشوف مواضيع المشرفين او بعض من مواضيع الاعضاء افك المتور وارجع اظبط تانى المشكلة لما بضبط بالتردد الذهبى 27500 راسى11747 ع نايل سات واسترا 19 وعرب سات بتجى الاشارة تمام

انزل للهسبسات واروح على انتل سات68 مفيش ارفع الطبق بايدى تجى استرا مفيش وهكذا لحد ما اظبت الاشارة بس انا عاوز اسيا يجى ويوتلسات36 و54 واقمار جديدة عاوز استقبلها على المدار


اسف للاطالة قصدى بعد دا كلو ا نصيحة منكم وعاوز استقبل اقمار جديدة على المدار والعدسة فوجى

شكراا واسف للاطالة تلميذ مصراوى

ودى صورة للطبق المزكور قبل ضبط المدار

[فني تركيبات]

العرب سات 30 شرق اخباره ايه

[عمار@]

سلام عليكم يا مهندسنا سعيد ردك عليا والله

انا بظبط بالتردد الذهبى زى ماحضرتك عارف

27500 راسى 11747 اشارة تمام 70الى 80

على نايل واسترا وعرب سات

ولما اجى انزل للهسبسات وانتل سات68 مفيش
اشد الطبق لفوق اشارتهم تجى ويرح استرا19

[عمار@]

انا مستقبل الباقة السعودية اشارتها تمام Zambia بس اشارة Zambia كانت موجودة واختفت على يوتلسات 10

[فني تركيبات]

حبيبى انا اقصد تردد
10923
H
17000
على العرب سات 30 شرق

[عمار@]

دا الباقة السعودية ولا خاصة بقناة اية

[فني تركيبات]

دا الباقة السعودية ولا خاصة بقناة اية

ايوه ياغالى
ولكن هذا التردد لايوجد فيه قناه Zambia

[عمار@]

10923
H
17000
على العرب سات 30 شرق
اشارتوا 75

اما قناه Zambia على يوتلسات 10 شرق كانت شغالة وحاليا مفيش عليها اشارة

[فني تركيبات]

10923
H
17000
على العرب سات 30 شرق
اشارتوا 75

اما قناه Zambia على يوتلسات 10 شرق كانت شغالة وحاليا مفيش عليها اشارة

بما انك بترفع الطبق الهسبا يجى والاسترا يروح
عليك بتحريك البولار سنه ناحيه الشرق

[عمار@]

ممكن يجى معايا اسيا سات

وشكرا انا تعبتك معايا شكراا لحضرتك

[ahmed hassn2012]

ضبط المدار اولا زى ما شرح لك ابو افنان وبعد كدة فكر فى اسياسات لان داه متعلق بضبط المدار اولا وثانيا بالماتور

[شعوان الحربى]

سلام عليكم يا مهندسنا سعيد ردك عليا والله

انا بظبط بالتردد الذهبى زى ماحضرتك عارف

27500 راسى 11747 اشارة تمام 70الى 80

على نايل واسترا وعرب سات

ولما اجى انزل للهسبسات وانتل سات68 مفيش
اشد الطبق لفوق اشارتهم تجى ويرح استرا19



بعد أذنك أستاذ أبو أفنان النقطه دى مش واضحه

انت بترفع الطبق على هسبا و بترفع على انتلسات و الا بترفع الطبق على الهسبا و تنزله على انتلسات

لو نحيه ترفع و نحيه تنزل تفرق كتير عن لو بترفع الطبق فى النحيتين

يريت تتاكد من الحته دى لو بترفع فى النحيتين يبقى عندك مشكله ف الاستاند او فى جلب النحاس فى البولار

[عمار@]

بعد أذنك أستاذ أبو أفنان النقطه دى مش واضحه

انت بترفع الطبق على هسبا و بترفع على انتلسات و الا بترفع الطبق على الهسبا و تنزله على انتلسات

لو نحيه ترفع و نحيه تنزل تفرق كتير عن لو بترفع الطبق فى النحيتين

يريت تتاكد من الحته دى لو بترفع فى النحيتين يبقى عندك مشكله ف الاستاند او فى جلب النحاس فى البولار


كلمك سليم لما انزل ع الهسبسات لا زم اواجرب اشد الطبق لفوق وكذلك انتل سات 68 شرق

[شعوان الحربى]

كلمك سليم لما انزل ع الهسبسات لا زم اواجرب اشد الطبق لفوق وكذلك انتل سات 68 شرق


تمام أستاذ عمار

كده البولار عايز يعلى من الميزان اللى ورا و نفس الوقت الطبق ينزل من الرجلاش الى قدام

ايه نظام البولار عندك

لو البولار فيه رجلاش تانى من قدام ممكن يحل المشكله دى

اما لو بولار بريفكس او اى سى سى مفيهوش رجلاش من قدام

[جوهركامل]

طبعالاشك أستاذأبراهيم وأستاذشعوان مفيش بعدكلامهم كلام
وبصراحه ألموضوع عجبنى وحبيت أضرب فيه غطس
وهقول وجهةنظروألرزق على ألله

ألأخ عماركان معاه مدارمظبوط ولاغبارعليه ومفيش مشكله
وألدليل فى كلامه انه كان جايب من ألهسباسات30غرب
لحد68شرق
ألمشكله أللى هووقع فيهالماعدى على يوتلسات36شرق
ومفيش أشاره أفتكرأن كده مداره فى مشكله

عايزأقوله يوتلسات36شرق قمرحساس جدا
بمعنى
لازم حضرتك وأنت بتلقط منه أشاره تكه وأستنى لحظه
لأن أشارته بتغيب علشان تشوفهاوليكن تنتظرمن10ثوان الى15ثانيه
خدألتردد ده 11214أفقى14400أللقط بيه أشاره يوتلسات36شرق

ومشكلةآسياسات100.5شرق معاك أنك لن تلتقطه
هتلاقى عائق عماره مثلاأمامه عاليه تحجب ألرؤيه
وده بيحتاج مسافه معقوله لعدم حجب ألرؤيه
حاول ترجع كماكنت لأن كان مدارك مظبوط

وطبعاأستاذأبراهيم كان بيصلحلك ألخطاءبعدماحضرتك ظبط تانى
ونفس ألقصه أستاذشعوان ردعليك رديحترم
لانك ممكن من كترمابتحاول تجيب ألطبق غرب وشرق
وترفع وتنزل حصل عندك بوش فى مسمارقوس حركة ألطبق(مسمارألمحور)
لكنى ضدفكره ألأستاندفى مشكله بدليل أنك كان معاك مدارمظبوط
وأتمنى يكون وصلك ألخطأأللى حضرتك وقعت فيه ألأول أبوعمار
وهرفق لك صوره بمسمارقوس ألحركه(مسمارألمحور)
وحضرتك طبعاعارف مسمارميزان ألطبق أللى بنسميه (رجلاش)

http://d.top4top.net/p_11114ua1.jpg

[شعوان الحربى]

تمام أستاذ جوهر

معلش انا مضطر اكتب رد طويل لان كلام الاستاذ عمار ممكن يلخبط شويه الله يعينه و يحل المشكله دى

الاستاذ عمار معندوش مشكله مع يوتلسات 36 لان زى انت ما قلت القمر دا قريب قوى من عربسات 26 و لو جه عربسات هيجى يوتلسات 36

لكن اظن ان هو بيكلم عن انتلسات اللى موجود على 68.5 شرق

معلهش هى مشاركه الاستاذ عمار يمكن تلخبط شويه عشان كده كنت حريص انى استفسر منو تانى

اللى باين من كلام الاستاذ عمار ان المدار مش مضبوط

1 اول حاجه قالها الاستاذ عمار

( انا بظبط بالتردد الذهبى زى ماحضرتك عارف

27500 راسى 11747 اشارة تمام 70الى 80

على نايل واسترا وعرب سات

ولما اجى انزل للهسبسات وانتل سات68 مفيش
اشد الطبق لفوق اشارتهم تجى ويرح استرا19 )

يعنى أشتغل على 11747 و هو جاب الاقمار المعروفه عربسات 26 و نايل و استرا 1 باشاره معقوله

يعنى نفهم من الاستاذ عمار ان نص المدار جايب اشاره معقوله و برضو اول الغرب عند نايل جايب اشاره معقوله

المشكله عنده زى هو ما قال لما بيروح على هسبا ف اخر الغرب او يروح على انتلسات 68.5 فى الشرق مايلاقيش اشاره

و لما يرفع الطبق من الميزان تيجى اشاره هسبا و انتلسات لكن تروح اشاره استرا 1

2 و انا رجعت سالته تانى عشان اتاكد من الحته دى لانها ما كنتش واضحه

و هو اكدلى انو بيرفع الطبق فى النحتين

عند هسبا سات فى الغرب بيرفع عشان يجيب اشاره و عند انتلسات 68.5 فى الشرق برضو بيرفع عشان يجيب اشاره

و المشكله لما يرفع من الميزان تضعف اشاره استرا1 او تروح خالص


لو كان جنب محتاج عالى و جنب محتاج واطى كان الحل سهل جدا

انو يلف البولار سنه بسيطه نحيه الجنب اللى محتاج يعلى على اد درجه مابيرفع بايده

لكن الجنبين محتجين عالى - كده فيه مشكله كبيره تعارض بين نص المدار و بين الجنبين فى الشرق و الغرب

و سببها عيب فى البولار لو كان بولار برفكس او اى سى سى

معروف ان البولار لىه ميل و الطبق ليه ميل تانى بنسميه اوفست

و فرق الاوفست بين البولار و الطبق ف مصرحوالى 5 درجات بس

و دا الفرق اللى بتشوفه عند حرف اليو اللى شايل الدرعات التلاته اللى ماسكه الطبق

لو الدرجه دى زياده 9 درجات مثلا تبقى مشكله و ميجيش كل المدار

و لو الدرجه اقل يعنى 3 درجات مثلا برضو ميجيش كل المدار

الدرجه عند الاستاذ عمار اقل من 5 درجات عشان كده الطبق على نص المدار بيبقى عالى

يضطر ينزل الطبق من الميزان لتحت شويه عشان يعوض الفرق

السنه اللى نزلها من الميزان مش هتبان على نص المدار و الاقمار العاليه القريبه منو زى اموس الاسرائيلى و نايلسات و قبرص

كل ما يبعد عن نص المدار كل ما الاشاره تضعف و تبان اكتر على قمر ضعيف

و لما يوصل عند اخر الغرب او اخر الشرق تكون الاشاره ضعفت جدا او راحت خالص

و عشان ترجع الاشاره لازم يرجع يرفع سنه الميزان اللى هو نزلها عل نص المدار

و طبعا لما بيعمل كده نص المدار و الاقمار القريبه منو تضعف اوى او تروح خالص

3 الحل انو يعوض عيب فرق الاوفست من مسمار الرجلاش اللى قدام

الرجلاش اللى قدام غير الميزان اللى ورا

و ده مسمار الرجلاش بتاع الاوفست و بيتظبط على فرق 5 درجات بين البولار و بين الطبق

و طبعا بيتظبط على نص المدار تمام و الطبق عدل من غير اى ميل لشرق او غرب

و ده هو اللى كنا بنسميه رجلاش و المسمار اللى ورا طبعا هو الميزان

لكن مسمار الرجلاش ده مش موجود ف بولار البريفكس او اى سى سى مع الاسف

موجود ف بولارات الدالى و البنجمين

الصراحه لو كان البولار برفيكس تبقى مشكله صعبه

استاذ عمار حضرتك ممكن تجرب تانى بعد ما تقرط شويه عل مسمار الاكس لانو لو سايب اوى الطبق على نص المدار بيحدف لتحت شويه

و قرط شويه عل التلات مسامير اللى ف جنب البولار لانهم لو سايبين اوى البولار بيحدف للجنب لما تروح على اخر الغرب او اخر الشرق

[جوهركامل]

حبيبى أستاذشعوان
أولاأناسعيدجدابأهتمامك وألرجوع بمشاركه آخرى

وأشكرك خاصةبأول ثلاثةسطور
هى ألفكره أستاذعماركان معاه ألمدارمظبوط
وأختلفت معاه ألأمورعند36شرق

لمارجع وأفتكرأنه عنده مشكله حب يصلح(تعثرت معه ألأمور)
عمل مشاركه ردعليه أستاذأبراهيم علشان يساعده

وفى أحداث ألموضوع حضرتك عملت ملاحظه(أكثرمن رائعه)
لدرجةأنى كنت هشارك بالتحيه فقط

لماأخدنى ألفضول وقرأت ألموضوع من أوله
كان ردى هناأنى أوصل رساله لأستاذعمار
وأوضح له أنه كان معاه ألمدارمظبوط (وأختلفت معه ألأمور)
لذلك شرحت له يوتلسات36 أشارته (بتغيب شويه علشان تلتقط)
وأسياسات 100.5شرق لايستحب أنه يوجدأمامه عوائق(حتى ولوبعيده شويه)

وبكون سعيدلتواجدك وألحوارمعك ممتع أستاذشعوان
لأنى بالفعل ويعلم ألله بأنى أقدرك حباوأحتراما(لأنك جديربذلك)

[عمار@]

سلام عليكم قبل ما اتعلم ضبط المدار الفنى اللى جالى قلى القعدة اللى شالية الطبق فيها مشكلة المهم ظبط ماظبطش فقررت بفضل الله اولا والمنتدى والسؤال والبحث والمعرفة
قررت انى اعدل ورا الفنى وبالفعل الهولندى مكنش جاى ولا انتل سات المهم ربنا وفقنى واتمنيت انى اعمل التحرك كل يوم اه والله على فكرة انا فنى بش ماليش فى المتحرك بفضل الله والمنتدى عشقت المتحرك وبفضل الله عملتوا للزباين
المهم الصورة اللى رافعها المهندس جوهر
http://d.top4top.net/p_11114ua1.jpg
اعتقد المشكلة فى مسمار القوس لما بربطوا شوية بيحك ودا كان اول تعديل بعد الفنى اللى جه عملى الطبق قولت افكوا شوية جت معايا اقمار مكنتش موجودة ومنهم الهولندى وعلى فكرة الطبق مش ثابت لا المسور او القعدة بتاعت الطبق كان فيها مشكلة فاقصيتها حوالى 20 وظبط المدار تمام ولكن المتور بيحك فى الارض اعمل اية حظطيت طوب يرفع الطبق ولحد الان والحمد الله الهوا ماثرش فية بس البولا ر جى على هيلاسات معرفش لية وجايب معايا الاقمار المزكورة وانا اسف وسعيدا فى نفس الوقت من ردكم ومشاركتكم وبفضل استفدت ولسة هستفاد مكنم ان شاء الله واخير اظن العيب فى مسمار القوس

[mohsendarwesh291]

عليكى بظبط الطبق على نايل وعرب سات اولا وكدا كل الاقمار موجودة

أرسلت من Lenovo A536 بإستخدام تاباتلك