بعد تركيب الماتور الاشارة انخفضت

[الكينج علي]

ما حدش متابع معايا الله يبارك فيكوا

اتفضل اخي
وبعد اذن ممكن اعرف نوع وقطر الطبق ده وجايبه جديد بكام
وهل الموتور ده سوبر جاك وكم ثمنه ومن اين
http://up.harajgulf.com/do.php?img=739706

[جوهركامل]

طيب حضرتك بتقول ألهسباسات موجود عندك
ألتردد11731عمودى 27500 أشارته كام
لأن بصراحه مشكلتك فى ألضبط أوتركيب ألموتورخطأ
لأن كمان حضرتك بتقول2سم كان زمان ألأفيزجابهم
ومش معقوله أقولك حرك ألأفيزتانى وهو كده على اخره

[جوهركامل]

أناشاكك أن ألمسطره ألوسيط أللى مربوط فيهاألماتور
بتركب من تحت مع ألعلم انامشتغلتش فى الطبق ده
وشكله كده 160صح
جرب تربط ألمسطره من تحت

http://e.top4top.net/p_120hj571.jpg

[M.HASSANIN]

الطبق 130 والبولار جاى راكب فى الصندوق زى ما هو ما عدلتش فيه حاجة
ورفعت صورة لنفس نوع الطبق نفس التركيبة
بجد مش عارف العيب منين

[m_elbadry]

اخى الفاضل فك الموتور وارفعه على مسمار الميزان وجرب بما ان الطبق 130 وبيجيب معاك هسبا سات بدون تركيب الموتور ومسامير البولار تمام جرب ووافينى بالنتيجه مع العلم ان ده عن تجربه
لان بوجود الموتور على مسمار الميزان هيسحب الطبق لتحت اكثر
وان شاء الله تتحل المشكله ويظبط معاك

[جوهركامل]

اخى الفاضل فك الموتور وارفعه على مسمار الميزان وجرب بما ان الطبق 130 وبيجيب معاك هسبا سات بدون تركيب الموتور ومسامير البولار تمام جرب ووافينى بالنتيجه مع العلم ان ده عن تجربه
لان بوجود الموتور على مسمار الميزان هيسحب الطبق لتحت اكثر
وان شاء الله تتحل المشكله ويظبط معاك
دماغك حلوه بس ماينفعش

[جوهركامل]

أخى حسنين أنظرألصوره أللى أرفقتهالك فى ألمشاركه17
ولاحظ حضرتك ألموتورعندى راكب أزاى
لأن حضرتك مركب ألموتورعمودى
وألمفروض ألموتوريبقى مائل شويه عن كده
أتمنى تكون فهمتنى أقصدأيه

[M.HASSANIN]

ا / البدرى انا فعلا فكرت فى الحل دة بس قولت ان دة مش وضعه الطبيعى
ا / جوهر ازاى اخلى الماتور مائل عن كدة لان اللى بيحكمنى مكان مسامير التثبيت فى البولار والذراع للطبق

[جوهركامل]

ا / البدرى انا فعلا فكرت فى الحل دة بس قولت ان دة مش وضعه الطبيعى
ا / جوهر ازاى اخلى الماتور مائل عن كدة لان اللى بيحكمنى مكان مسامير التثبيت فى البولار والذراع للطبق
شوف ألطبق أللى حضرتك صورته ألمماثل لطبقك
شكل ألأفيزراكب أزاى علبةألماتوروشهالتحت ولافوق
ونفذكما فى ألطبق المماثل

ومسمارقوس ألحركه ده لازم ولايكون فى بوش واضح
ولايكون مربوط جامد(يعنى ألطبق يمشى براحته غرب وشرق)
بدون بوش وبدون ربط جامد

[M.HASSANIN]

فعلا اتاكدت ان ما فيش بوش والطبق بيروح بيجى بنعومة
ايه رأيك ا / جوهر لو ربطت الماتور مع مسمار الميزان زى ا / البدرى ما قال هل دة لبكون غلط على الماتور والطبق

[جوهركامل]

ياغالى مينفعش وجرب وأنت تعرف أنه مينفعش
أتبع أسئلتى وأجوبتى لك هتوصل
حضرتك مركب ألموتورعمودى غلط
قلتلك شوف ألطبق ألمماثل وركب ألموتورمثله
شوف ألأفيزراكب أزاى
شوف ألميلان للموتورنفسه هتلاقيه مختلف عن عندك
ماهوبخلاف كده ياغلطه فى ألتظبيط عندك
أوغلطه من ألطبق وده أشك فيها

[M.HASSANIN]

شكرا ا / جوهر على اهتمامك وسعة صدرك

[جوهركامل]

شكرا ا / جوهر على اهتمامك وسعة صدرك
حبيبى تحت أمرك ولايهمك
ومعاك تانى مفيش مشكله عندى
بنتحايل على الطبق بمسماربصاموله بجلبه
لكن أستغل مسمارألميزان فى تركيب ماتور مستحيل
لمابينزل اطباق من نوع جديد كنابنربطها على أبوها
يعنى من غيركتالوج وألطبق معرف نفسه كل مسمارفى مكانه

كان من فتره نزل طبق 100سم بريفكس
ألدراع ألخاص به 3أخرام من ألأمام وتلاته من ألخلف
وعلشان نركبه كما هو مابيظبط ألأوربى وأشارات كتيره ضايعه
ألحل علشان يتظبط كنابنربط من أول ألفتحه ألتانيه
وألحكايه ده غلبت ناس كتيروقتها
ألطبق أخى حسنين نادرامايجى من ألمصنع بغلطه
أنالماقلت للأخ ألبدرى دماغك حلوه علشان هوبيفكر
وده ألنوع أللى وهوشغال بيفكريبدع
مش ألناس أللى بتطلع تجيب أشاره وتنزل دون معرفه

[EMADALZOUK]

اخى جوهركامل
المشكلة اللى فى الموضوع نفس المشكلة اللى قولتها لحضرتك لرد ليا قبل كدة
انا عندى نفس الطبق و نفس الشكل
انا حاليا منزل الماتور تحت فى الشقة و فكيت الافيز اللى بيمسك الماتور فى البلاور ورفعته لفوق شوية علشان يدخل العامود اكتر فيه
ولما اطلع حجرب تانى حيجب معايا الهسباسات ولالا
لو منفعش يبقى الطبق ده فيه العيب ده فى كل الاطباق اللى نزلت

[EMADALZOUK]

اه و بالنسبة لوضع الماتور انه عمودى هو وضعه كدة علشان انت محكوم بمكان المسمار من فوق فى الماسورة النازلة من البلاور
ومحكوم بمكان المسمار اللى تحت
واعتقد لو عايز الماتور كان يبقى مايل كان لازم الماسورة تبقى اطول او اقصر شوية
زى اللى فى الصورة كدة
http://i1152.photobucket.com/albums/p487/emadokpa/1_zps8fwyensh.jpg

[الحاج شريف]

اخى الفاضل فك الموتور وارفعه على مسمار الميزان وجرب بما ان الطبق 130 وبيجيب معاك هسبا سات بدون تركيب الموتور ومسامير البولار تمام جرب ووافينى بالنتيجه مع العلم ان ده عن تجربه
لان بوجود الموتور على مسمار الميزان هيسحب الطبق لتحت اكثر
وان شاء الله تتحل المشكله ويظبط معاك

فكره جيده يا باشمهندس
لكن أرى أن البولار تصميمه ضعيف فهو بهذا الشكل لا يغطى المدار من الناحيتين
وأرى أنه من الأفضل تطويل دراع الحركه ليصبح مره ونصف طوله الحالى إما بتغيير الدراع أو بعمل وصله تطويل بحيث يصبح كالصوره المرفقه
وكما ترى أن الموتور فى وضع الهسباسات أصبح شبه أفقى وأن المجال إتسع من ناحية الغرب ومن ناحية الشرق
والله أعلى وأعلم
http://www.masrawysat.com/vb/attachment.php?attachmentid=640057&stc=1&d=1462097903

[M.HASSANIN]

كنت بفكر اخلى الوصلة المرتكبة فى البولار اللى متوصل بيها الماتور ما تعديش على مسمار الميزان يعنى انزلها لتحت وتيبقى متوصله بالمسمار اللى على الشمال وهيكون كدة الماتور نزل لتحت وبقة وضع افقى أيه رأيكم

[الحاج شريف]

كنت بفكر اخلى الوصلة المرتكبة فى البولار اللى متوصل بيها الماتور ما تعديش على مسمار الميزان يعنى انزلها لتحت وتيبقى متوصله بالمسمار اللى على الشمال وهيكون كدة الماتور نزل لتحت وبقة وضع افقى أيه رأيكم

هى ممكن تشد الطبق وتنزله لغاية الهسباسات بس بعد كده حتعقد الميكانيزم لأنه فى الوضع الجديد صحيح الموتور حيبقى شبه أفقى بس على إمتداد الدراع وصعب فى الوضع ده يرفعه
كمان الوضع ده حيقصر المدار من ناحية الشرق
ولو بصيت فى الصوره المرفقه تقدر تتخيل صعوبة صعود الطبق بعد أن أصبح الموتور علي إستقامة دراع الطبق بدلا من أن يكون عمودى عليه
مازال رأييى إن حضرتك تفك المسمارين 17 اللى رابطين دراع التحريك بالطبق وتفك مسمار 19 بتاع الموتور وتاخد الدراع لأقرب حداد وتقوله عايز أطول ده مره ونص يعنى لو كان 35 يبقى 50 مثلا وتخرم لى فى النهايه خرم 13 علشان اركب فيه مسمار 19 حيعملها لك فى 5 دقايق وتكلفك من 10-20 جنيه حسب تقل إيده

http://www.masrawysat.com/vb/attachment.php?attachmentid=640334&stc=1&d=1462197082

[m_elbadry]

دماغك حلوه بس ماينفعش

ا / جوهر مع احترامى لراى حضرتك انا ذكرت ان الموضوع ده عن تجربه مع العلم ان الموتور مقاس 24 انا مش عارف مقاس الموتور قد ايه . عامة هة تجربه وذكرتها للعلم والافاده
تقبل تحياتى

[EMADALZOUK]

سؤال لصحاب الموضوع لقيت حل لمشكلة الماتور مع الهسباسات