grand
2016/04/27, 02:18 AM
انا فنى دش من زمان واشتغلت فى الاطباق المتحركه انهارده حدثت مشكله اول مره تعدى عليا المشكله باختصار ان زبون اتصل بيا وقالى فى مشكله فى الطبق بتاعى فروحت وشوفت الطبق لقيت الطبق 120 وشغال بماتور وبوزيشن ركبتله عدسه مكان العدسه القديمه وضبط مدار الطبق ابتداء من النايل سات الى قمر داهوك الهولندى nss12 وبعد كده ركبت الماتور ونزلت اشوف البوزيشن لقيت البوزيشن كل شويه بيكتب n5 ومش بيلف الماتور خالص طلعت تانى فوق ووصلت حتت سلك بين الماتور والبوزيشن وبرضو مفيش فايده المهم زهقت وقولت هاخد البوزيشن عندى واجربه والحمد لله طلع سليم وبيخزن تمام عندى . تانى يوم روحت للزبون حوالى بعد العصر وجربت الماتور بالبوزيشن اشتغل تمام وخزنت الاقمار كلها ومشيت . بعد المغرب مباشرتا الزبون اتصل بيا تانى قالى الحقتى البوزنش كل مااكتب رقم قمر الماتور مش بيلف وبيكتب n5 المهم روحت تانى على العشاء كده وفعلان لقيت كلام الزبون صح البوزيشن بيكتب كل شويه n5 ومش بيلف . بصراحه زهقت وبقيت مش عارف فين المشكله . ياترى فى الماتور ولا البوزيشن . اخد الماتور والبوزيشن وقولت اجربهم عندى اشتغلوا تمام .روحت للزبون وركبته تانى ولقيت الزبون برضوا بيقولى البوزيشن بيكتب n5 ومش بيلف .شئ الهمنى خلانى اروح اجيب محول بيثبت التيار الكهرباء وركبت فيه البوزيشن وروحت بعد المغرب مباشر وجربت البوزيشن بدون المحول للاسف كتب n5 وملفش الماتور ركبت المحول اشتغل تمام وحرك كل الاقمار وبسرعه قولت للزبون مشكلتك ان الكهرباء ضعيفه فعلشان كده مش بتقوم الماتور والحمد لله الزبون جاب محول مثبت تيار ومن ساعتها مبيشتكيش من مشكله n5
دى تجربتى الشخصيه مع مشكله n5 فى البوزيشن
دى تجربتى الشخصيه مع مشكله n5 فى البوزيشن