المساعدة فى التحكم فى راوتر تانى موجود على الخط بتاعى لو سمحتم

[محمود85]

عندى خط نت تى داتا موصل معايا 3 على الخط واحد منهم جاب راوتر عندة ومشغل الواى فاى عايز اعرف ازاى اتحكم انا فى الراوتر بتاعة من عندى او ازاى ادخل على الراوتر بتاعة علشان مش يشغل لحد من ورايا واسف على الاطالة

[mazen_coco]

بعد اذن اخوانى عمالقة المايكروتك

هوه ماجابش روتر ياغالى لاء
هوه جايب اكسس بوينت ومشغل واى فاى
انما مستحيل يشتغل روترين على خط واحد لأن حيحصل تعارض بين الاتنين
وفيما يخص ان حضرتك تدخل على الاكسس بتاعه
لازم تعرف الاى بى الخاص بالاكسس وكلمة المرور بتاعته
وانتظر باقى اراء عمالقة المايكروتك

[محمود85]

الاى بتاعة 192.168.1.1 نفس ايبى الراوتر بتاعى اما كلمة المرور بتاعتة هى أدمن ولما بأجى ادخل عليه من عندى مش بيرضى يدخل خالص بيدخل على الراوتر بتاعى

[محمود85]

اية يا جماعة محدش عارف يعرفنى اعمل اية

[ahmedmedooo]

الله ينور اخى الكريم / مازن
متابعة ممتازة
تقبل خالص تحياتى

واضافة بسيطه للموضوع

الحل الاولانى : هو وجود ***** مايكروتك للتحكم الكامل فى الشبكة
وعمل بلوك للاكسس بلاكلست اى غلق
طبعا حضرتك معندكش ***** مايكروتك
تفصل الوصله النت الموصله له
ويجبلك الاكسس وانته تتفاهم معاه
اما توصلهوله وتضبطه من الايبهات مع تغيير الايبهات وغلق DHCP
اما تتفق معاه على عدم توصيله نهائيا لانه عامل مشاكل على الشبكة
وتفصل النت عليه نهائيا

الحل الثانى : تشغل العملاء وربطهم بالماك فلتر
مفيش غير المضافين فقط على الروتر بتاعك يدخل نت نهائيا
والشرح هنــــــــــــــــــــــــا (http://www.masrawysat.com/vb/showthread.php?t=2139764)

[محمود85]

يعنى مفيش حل انى ادخل عليه من عندى من على جهاز الكمبيوتر اصل انا حاولت اكتب الايبى بتاعة مش راضى يدخل عليه خالص

[ahmedmedooo]

الدخول من عندك
ممكن تجرب الدخول على اى بى
192.168.0.254
192.168.0.1
وّإذا تم الدخول
وطلب اليوزر نيم والباسورد اكتب
admin
admin
وإذا فشلت فى الدخول
وكان الاى بى
192.168.1.1
فلايدخل معاك
لانه مثل اى بى روترك
فسوف يتم الدخول على الروتر الخاص بيك انت
والافضل
الحل الثانى وريح نفسك ربط العملاء بالماك فلتر
لان دخولك على الاكسس بتاعه لايؤثر بشىء
لانه ممكن يعمله ضبط مصنع تانى من عنده
ومتابعين معاك ان شاء الله تعالى

[محمود85]

ما هو المشكلة بعمل فلتر على الماك ادريس عندى على الراوتر واجى اجرب وادخل على الواى فاى بتاعة بيدخل انا جربتها على جهازى المحمول ودخل عادى اية الحل من فضلك

[ahmedmedooo]

بعد ضبط كل شىء اعمل استارت للشبكه من فيشة الكهرباء
العميل مشترك بسلك
صعب يشغل اى اكسس عنده
ويوصل لمشترك بعده
وده المطلوب منعه

[م.ربيع عيد]

متابعه ممتازه من اخواني الغاليين
ا/مازن
واستاذي الغالي
ابومحمد
وبالتوفيق للاخ صاحب الموضوع

[محمود85]

شكرا استاذ احمد على ردك وجارى هعمل رستارت من الفيشة وهشوف كدة

[محمود85]

للاسف عملت فلتر على الماك ادريس على الموبايل بتاعى ورسترت الروتر وبرضة دخل على الواى فاى وغيرت الايبى الراوتر عندى وبرضة مفيش فايدة

[ابوعنان]

متابعة ممتازة من الاستاذ على والاستاذ احمد وصديقى
ربيع يا أخى الكريم افصل السلك اللى رايح عند
الراجل ده ممكن يعمل ليك قفله بسبب نفس
ايبى الروتر هيكون واحد وهات الروتر
او الاكسيس اللى عنده وغير ايبى
واقفل dhcp زى ما الاستاذ
احمد قالك وطبعا تخلى ايبى جهاز الراجل ده
مثلا192.168.1.70 وخليك فاكر الايبى ده وبعد
كده تقدر تدخل عليها فى اى وقت ياغالى لو مردتيش
افصل عنه احسن على مايحلصيش مشاكل عندك من القفلة
بالتوفيق لحضرتك ومتابعين معك ياغالى لحد ماتوصل لحل تحياتى

[محمود85]

شكرا استاذ hams22 هعمل كدة وهشوف

[م.ربيع عيد]

الله ينور عليك اخي وصديقي الغالي
ابوعنان
وبالتوفيق للاخ صاحب الموضوع

[محمود85]

غيرت الايبى بتاع الاكسيس وعملت جميع الخطوات اللى قولتو عليها وبرضة جيت ادخل من عندى من على الكمبيوتر مش راضى يدخل علية خالص مع العلم لما بروح عنده وادخل على اسم الواى فاى بتاعة وادخل الايبى بيدخل عادى مش عارف اعمل اية نفسى ادخل من عندى على الاكسيس بتاعة

[م.ربيع عيد]

غيرت الايبى بتاع الاكسيس وعملت جميع الخطوات اللى قولتو عليها وبرضة جيت ادخل من عندى من على الكمبيوتر مش راضى يدخل علية خالص مع العلم لما بروح عنده وادخل على اسم الواى فاى بتاعة وادخل الايبى بيدخل عادى مش عارف اعمل اية نفسى ادخل من عندى على الاكسيس بتاعة

اخي اتبع كلام اخي واستاذي الغالي
ابومحمد (ahmedmedooo)
بص تابع معي
من غير ايبهات يدويه
اكتب في المتصفح عندك
http://192.168.1.1
لو مظهرتش اعمل ايبهات يدويه لجهاز كمبيوترك
شوف الفيديوهات دي
Zrr0nc_1Efw eKXdGBi4VeE
واعمل الايبهات دي
ذي ما في الصوره
http://b.top4top.net/p_134fnh91.png (http://up.top4top.net/)

[محمود85]

الف 1000 شكر أستاذ ربيع بعد عمل الايبيهات فى الكمبيوتر نجحت العملية واقدرت ادخل على الاكسس بتاعة من عندى بصراحة مش عارف اشكرك ازاى على مجهودك معانا