مساعده بسيطه فى صيانة دائرة باور صينى

[مركز مؤمن]

السلام عليكم ورحمة الله وبركاته
بعد ازن سيادتكم ممكن مساعده ضرورى انا مبتدا صيانه ومعايا داشرتين باور
الاولى فيها ايسى الباور بيسخن بيخل الجهاز يعمل رستارت
الثانيه فيها ايسى الباور محروق ومتفحم وش عارف رقمه
هل دلوقتى ايسيهات الباور فى الرسيفرات الصينى واحده
او لما اروح لمحل قطع الغيار اقوله عايز ايسى نوعه ايه
يا ريت لو حد عنده شرح او اى معلومه للموضوع دا
صورة الدائرتين
http://store1.up-00.com/2016-05/14635040441.jpg (http://www.up-00.com/)

[حماده سنجاب]

اى ايسي يا اخى عليه رقم تغيره بنفس الرقم الموجودد عليه او البديل ان وجد
واذا كان الايسي محترق ومتفحم بتعمل موضوع بنوع الجهاز تطلب فيه رقم الايسي والحمد لله الاخوة هنا مش بيبخلوا بحاجة هتلا قى ان شاء الله اكتر من شخص بيتسارعوا لمساعدتك
وفى بعد كده تعديل بموسفت بس انا من رايى ان الدواير دى تصليحها ملهوش لزمة لانها رخيصة ومش مستاهلة تعب فلو وفرت وقتك افضل وده راى شخصى

[abonada_26]

نصيحه اخويه اخى الغالى
اغلبيه قطع الغيار فى السوق مضروبه
ويفضل تغيير الدائره كامله حتى تضمن جوده احسن بدل ماتقعد تكلف على نفسك كل شويه وتلاقى نفسك وصلت لتمن دايره جديده ومفيش جديد
تحياتى

[WALID85AYA]

الدوائر المرفقة يا غالي يمكنك استخدام احد الايسيهات التالية فكلها بدائل لبعضها
DH321
DL0165
DM0265
ولكن عليك اولا بمراجعة 4 سليكونات التوحيد ، والمكثف الكبير وسليكونات ما بعد الشوبر ..قبل تركيب الايسي .

[مركز مؤمن]

متشكر ليكم يا جماعه