تسجيل الدخول

مشاهدة النسخة كاملة : فكرة لمشاهدة اليورو بالتعليق العربى بدون التايم شفت

data2008
2016/05/31, 03:44 PM
فكرة لمشاهدة اليورو بالتعليق العربى بدون التايم شفت

الفكرة هى
شخص يكون معاه خط اتصالات مثلا يكون به مكالمات بلا حدود
ويعمل مكالمة جماعية مع الاشخاص اللى عاوزين يستمعوا للمباراه
بالتعليق العربى وفى الحالة دى مش هتحتاج تايم شفت

وممكن الشخص ده يعمل صفحة على الفيس ويعمل الفكرة بمقابل مادى
ووصل موبايلك بالتلفزيون وعيشششششش

ها ايه رايكم فى الفكرة
محمودبخيت
2016/05/31, 04:20 PM
فكرة جميله يا غالى
بس انت تقصد انه يحط التليفون بجانب سماعات جهاز البين
اعتقد هيكون الصوت مشوش لكن هيكون برده معقول بنسبة 60%
محمود الزيادى
2016/05/31, 04:25 PM
والله ياريت اى حد ينفذ الكلام دا
اشتراك البين 500 جنيه فى اليورو و كوبا امريكا !!!!!
ahmed_g67
2016/05/31, 04:35 PM
تقدر تعمل مكالمة جماعية ل 100 رقم
(بلاش نقول 500 أو 1000 رقم)
هارون عيسى
2016/05/31, 05:45 PM
وفي برامج اتصال كتير علي النت ممكن تستخدم
egypt1964
2016/05/31, 05:56 PM
سبحان الله العلي العظيم
اليوفنتوس الكبير
2016/05/31, 06:06 PM
والله انا شايف التايم شفت اسهل حل من وجهة نظرى
karimbo
2016/05/31, 06:15 PM
انا مفهمتش دلوقت ازاي ده حل بديل للتايم شفت؟!
المشكلة الرئيسية لعدم توافق البث الصوتي مع الصورة في الفروق بالثواني بين البث بين قناة واخرى وقمر واخر
يعني كده كده المشكلة مش في النت ولا الاتصال التليفوني
المشكلة ان صورة قناة مثلا وليكن قناة كانل سبورت على الاوروبي مش هو نفس الزمن في قناة زي بي ان سبورت على النايل سات .. مفيش توافق بينهم في الصورة اساسا
حتى على قناة مثلا زي كانل على الاوروبي وبي ان الفرنسية ع الاوروبي هتلاقي في فروق!!
الكلام ده نظريا ماشي لكن في عمليا هتلاقي اللي بقولك عليه ده وجرب وكده تعمل اللي انت بتقول عليه ده من خلال مكالمة بين شخصين ونقل الصوت وجرب شوف ماتش على قنوات مختلفة هتلاقي ان في اختلافات زي ما انا بقول
karimbo
2016/05/31, 06:17 PM
وفي برامج اتصال كتير علي النت ممكن تستخدم

برامج الاتصال ع النت هتحصل فيها نفس المشكلة .. اغلبها بسبب مشاكل الانترنت في مصر هتلاقي ترحيل في الصوت .. ما برامج الاتصال والانترنت عموما هي اللي بتستخدم البث الاذاعي ع النت!!
karimbo
2016/05/31, 06:21 PM
والدليل على كلامي جرب اتفرج حتى على ماتش في الدوري المصري على قناة النيل وقناة الحياة وقناة اون تي في وشوف البث متوافق اساسا مع بعضه صوت وصورة ولا لأ!!
هتلاقي ان في اختلافات وبالتالي الفكرة اللي حضرتك بتقول عليها مش هتصلح اساسا لأن الصوت هيكون من بي ان سبورت واساسا القناة اللي المشاهد بيتفرج عليها مش ماشية مع بي ان في الصورة اصلا!
data2008
2016/05/31, 08:05 PM
والدليل على كلامي جرب اتفرج حتى على ماتش في الدوري المصري على قناة النيل وقناة الحياة وقناة اون تي في وشوف البث متوافق اساسا مع بعضه صوت وصورة ولا لأ!!
هتلاقي ان في اختلافات وبالتالي الفكرة اللي حضرتك بتقول عليها مش هتصلح اساسا لأن الصوت هيكون من بي ان سبورت واساسا القناة اللي المشاهد بيتفرج عليها مش ماشية مع بي ان في الصورة اصلا!

لا يا باشا كلامك مش صحيح

انا جربت على قناة فرزتش على الياه سات وكانت تمام

لازم القناة اللى هتتفرج عليها تكون جايبة الماتش مباشر ومتكونش ناقلة
من قناة تانية
العالمى
2016/05/31, 08:22 PM
مشكوووووووووووووووووووووووووووووووور
patch_lov-
mohsen ph
2016/05/31, 08:27 PM
التركى موجود واتش دى وبيسبق الجزيرة فى الصورة
karimbo
2016/05/31, 08:50 PM
لا يا باشا كلامك مش صحيح

انا جربت على قناة فرزتش على الياه سات وكانت تمام

لازم القناة اللى هتتفرج عليها تكون جايبة الماتش مباشر ومتكونش ناقلة
من قناة تانية

يا باشا انا بقولك قنوات ع الاوروبي تقولي متكونش ناقلة من قناة تانية؟!
هو قناة كنال سبورت بتنقل من قناة تانية؟!
بي ان الفرنسية من قناة تانية؟!
قنوات 16 شرق والاسترا والاسترا 23 شرق بينقلوا من قنوات تانية؟!
يا باشا انا عارف انا بقولك ايه كويس ومتأكد من كلامي ومش عشان قناة انت جربت عليها هتكون مقياس!
وانا بقولك الدوري المصري مش بعيد لو لقيت قنوات النيل والحياة واون تي في ماشيين مع بعض في الصورة يبقى ليك الكلام!
ده قناة النيل الرياضية نفسها لما تتفرج عليها ع البث الارضي والفضائي هتلاقي فيه اختلاف زمني وده امر معروف نتيجة لسرعة الاشارة من قمر لقمر وبث ارضي من بث فضائي
بلاش .. جرب افتح راديو وافتح نفس المحطة ع القمر الصناعي .. اهو الاتنين صوت بس هتلاقي في اختلاف زمني
الكلام اللي انا بقوله كلام علمي مش كلام جدال وخلاص!
ماتش الأهلي وروما .. قناة صدى البلد كان البث فيها مسابق شوية قناة ابو ظبي hd
جرب اللي قولتهولك مرة تانية وهتعرف ان كلامي صح
karimbo
2016/05/31, 08:53 PM
التركى موجود واتش دى وبيسبق الجزيرة فى الصورة

كويس انك مجرب اللي انا بقوله وان فعلا مش كل القنوات متوافقة في الصورة وده دليل على ان التجربة دي حتى لو اتعملت محتاجة تايم شفت برضه :)
هارون عيسى
2016/05/31, 09:00 PM
الاختلاف بين قناه وقناه دا طبيعي لاختلاف المصدر سواء فيد او كابلات فايبر حسب تقنيه مصدر الصوت والصوره
م/ على زهران
2016/06/01, 12:32 AM
أكيد البث فى البين سبورت هايخالف القناه الاجنبيه للى بتذيع زى الراديو بتاع البين بالظبط يعنى ماتفرقش