اسعار باقات bein الجديدة فى مصر واسعار فى الخيال

[zezo prince]

اسعار الباقات الجديدة فى قنوات bein sport فى مصر
من ساعة نزلت الاسعار الجديدة للاسف الاسعار عالية جداااااااا
وكانت كده

باقة access وديه باقة بتضم 21 قناة فيها القنوات الرياضية من 7 لــ 10 فقط والباقى قنوات افلام زى ستار موفيز و فوكس موفيز وخلافه

وديه بسعر 800 جنية فى السنة
( الباقة ديه باقة زى قلتها اساسا ولا عليها اي حاجة كلها قنوات مش بتذيع حاجة )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ

الباقة التانية باقة top entertainment وديه باقة بتضم 8 قنوات + قنوات باقة access
بسعر 1200 +800 باقة access يعنى ب 2000 جنية فى السنة

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

الباقة التالتة top sport وديه فيها كل القنوات الرياضية + باقة access
بسعر 1200 + 800 باقة access يعنى 2000 جنية فى السنة

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ

الباقة الاخيرة complete

وديه باقة كاملة بتضم جميع القنوات الرياضية + الترفيهية
بسعر 2400 جنية فى السنة

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ

الباقة الجديدة ( اليورو )
بسعر 500 جنية

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ

هنا خلاصة الكلام الاسعار الجديدة مولعة جدا + انه بيفرض عليا باقة access وانا بشترك مثلا فى الباقة الرياضية يعنى لازم ادفع سعر الباقة الرياضية وسعر access طيب ليه ؟
باقة access زى ما قولت باقة تعبانة مفيش اي حاجة فيها هو حاطط قنوات رياضة فيها 4 قنوات من 7 ل 10 وهو عارف انهم مش بيعرضو حاجة عشان كل الدوريات بتيجى 1 ل 6 بس ( فعلا ذكى جدا والله اللى عامل الباقات ديه )
يعنى عشان اجدد دلوقتى الباقة الرياضية + اليورو لازم ادفع 2500 جنية !!!
a213--a213--a213--a213--a213--

[DmgRoxx]

اصل كان فيه ناس زعلانه اوى لما قلنا ان موقف CNE كان صح وفى صالح المشتركين يلبسوا بقى

[اسامه حامد]

يعنى عشان اجدد دلوقتى الباقة الرياضية + اليورو لازم ادفع 2500 جنية


يا هندسة دول ناس عندهم جشع

وان شاء الله قريبا نشوف فيهم يوم

افسدو طعم الكره

على العموم يا غالى

ركب التركيبه الشرقيه وعيش

[الكابتن حسن2]

نتمنى مقاطعه الباقه من المصريين
لاكن مين يقدر
اعتقد لو الاشتراك حوالى 5000 الاف جنيه حيشتركوا

[ayaayatalaa]

اللى يروح عندهم يستاهل اللى يجرالوا

[مكتب مريم]

https://scontent-cai1-1.xx.fbcdn.net/v/t1.0-9/13312710_818198528314360_5951326276012888406_n.jpg ?oh=194c1d499929b90250a64e102526821c&oe=580D4CCC

[مكتب مريم]

رسميا
تقسيم الباقات
باقه الاكسسيز :
شويه قنوات ملهمش عازه 800 جنيه سنويا
الباقه الرياضيه:
قنوات الرياضه اللي الناس كلها بتشترك فيها
+باقه الاكسسيز
سعرها 2000 جنيه سنويا
الباقه الترفيهية:
مش هقدر احكم عليها لاني مش بحب الأفلام
ومش بتفرج عليها ومعرفش احكم علي محتواها
دي باقه قنوات افلام+باقه الاكسسيز
سعرها
سعرها 2000 جنيه سنويا
باقه كومبليت
دي باقه شامله
الرياضية+الترفيهية+الاكسسيز
سعرها 2400جنيه سنويا
باقه اليورو
اربع قنوات
ماكس 1،2،3،4
ماكس 1،2 علي نايل سات
ماكس1،2،3،4 علي سهيل سات
سعرها 500 جنيه ولازم الاشتراك يكون معدي يوم
15/7/2017 ل اضافتها لو الاشتراك ينتهي قبل التاريخ ده يبقي لازم تجدد وبعد كده تشترك في اليورو
ملحوظة مهمه
جميع الاشتراكات الجديده علي سهيل سات
الاشتراكات الساريه هنفضل زي ما هي
ولكن التجديد بالأسعار الجديده وهيتحولوا لسهيل سات

[علاء2009]

الى يروح لهم يستاهل مالو التركى والازبيجانى والافغانى + ملعلقهم + تيم شفت وخلصت ولا 500 ولا 2500

[ابو صقر]

منهم لله ضيعوا متعة كرة القدم

[ابراهيم الاهلاوى]

العيب مش في بي ان . العيب في التليفيزيون المصري لأنه ليه الحق في اذاعة اي ماتش مجانا بدون مصاريف علي الأرضي .. المفروض الدولة تستغل الموضوع ده و تقوي اشارة الأرضي في مصر كلها و ساعتها كلنا هاننقل للأرضي :)

[badr2110]

اللى يعبرهم تااااااااااااااااااااااااااااانى ويا ريت حملة مننا لمقاطعه هذه القنوات الجعشة

[ahmadateae]

تقسيم الباقات
باقه الاكسسيز :
شويه قنوات ملهمش عازه 800 جنيه سنويا
الباقه الرياضيه:
قنوات الرياضه اللي الناس كلها بتشترك فيها
+باقه الاكسسيز
سعرها 2000 جنيه سنويا

[حماده احمد طه]

الحل هو لازم منافس لبهيم سبورت من دول شمال افريقيا

[zezo prince]

النهاردة سالتهم عن الاشتراكات الجديدة والموظف قالى بكره فى نظام تقسيط نازل

[mahemd abo adm]

فين السادة المسئولين بتوعنا من دة كلة
ان شاء الله الفرج قريب
يبلوها ويشربوها

[عــادل محمد]

البدائل كثيرة اخوانى الكرام
..........

[ahmed ali01012]

احنا من احتكار art الي bein يا قلب لا تحزن ضاعت متعه المشاهده وكل يوم من قمر لقمر بس الحمد لله ان فيه دول بتخدم شعبها واحنا معاهم بس ذياده الأسعار دي نتيجه انخفاض قيمه الجنيه ده المتوقع الله ينتقم من الظالم والخاين والعميل

[وافى2008]

ياجماعة فيه ناس قابضة عشان ميتكلموش فى الاذاعة على الارضى وميدوروش على حقوقنا زى مافيه ناس قابضة من القنوات اياها بيدخلو على مصراوى ويحلو البضاعة والمفروض كلنانفهم كده.عشان كده ايه المشكلة انك ب100 جنيه تقريبا طبق وعدسة وعلى القمر الازربيجانى اوالافغانى وفنى للتركيب وبلاها تعليق عربى مش هنموت يعنى .طبعا الجواسيس هتقرا الكلام وبكرة يقولك ده فيه نظام تقسيط وحاجة رخيصة .ياساااااادة قاطعو بين سبورت زيها زى المنتج الصهيونى ده لو شارعين فى شبرا ووسط البلد قاطعو الناس دى هتفوق جربوكده مش هنخسر حاجة

[agsagamore]

انا شغال **** وزى الفل زثغرة فودافون والعة
المشكلة فى الناس مش لاقية تاكل وتلاقيه بيشترك فى بى ان سبورت

[samy sat]

بنظام الاقساط الجديدة سيكون باقة الرياضة الكاملة عليك بدفع 500جنيه كل 3 شهور
__________________________________________________ _____
المشكلة مش فى امم اوروبا او كوبا اميركا المشكلة اننا هنبقى مضطرين نشترك برضو علشان ابطال افريقيا