ما هى الطريقة الصحيحة لقياس قطر الطبق ؟

[عربى1975]

عندى طبق بريفكس 240 عمقه 34,5 سم وعاوز اعرف الطريقة السليمة لقياس قطر الطبق من المعروف ان القياس من الشفة الداخلية وعندى الاطار الداخلى للطبق عرضه 3سم يعنى على الصورة الموجودة المسافة بين الخط الاحمر والخط الاخضر 3سم + 3سم من الجانب الاخر بيكون 6 سم وده بيفرق طبعا
عندى المقاسات من الخط الاحمر الى نفس النقطة فى الجانب الاخر 214 بالضبط
ومن الخط الاخضر الى نفس النقطة فى الجانب الاخر 220 بالضبط
وطبعا الخط الازرق ده بتاع الشفة الخارجية مش ينفع نبدأ من عنده
فانا ابدأ من اى خط علشان اعرف القطر السليم للطبق ؟
ثانيا العمق 34,5 يبقى الطبق ده غويط ام مسطح ؟

اليكم الصورة
http://store1.up-00.com/2016-07/1467895500071.jpg

[جوهركامل]

تفضل فيديويساعدك فى طلبك لأستاذأبراهيم أبوأفنان
ألفيديوألتانى هناااااااااااااااااا (http://www.masrawysat.com/vb/showthread.php?t=2239285)

[عربى1975]

شكرا يا غالى على الفيديو لكن بردو مش واضحة الامور عندى ارجو الرد على سؤالى

ابدأ من اى خط الاحمر ام الاخضر علشان اعرف القطر السليم للطبق ؟
ثانيا العمق 34,5 يبقى الطبق ده غويط ام مسطح ؟

علما بان عندى الاطار الداخلى للطبق عرضه 3سم يعنى على الصورة الموجودة المسافة بين الخط الاحمر والخط الاخضر 3سم + 3سم من الجانب الاخر بيكون 6 سم وده بيفرق طبعا

[جوهركامل]

[QUOTE=عربى1975;10288947]

ابدأ من اى خط الاحمر ام الاخضر علشان اعرف القطر السليم للطبق ؟
من ألداخل أخى ألخط ألأحمر
ثانيا العمق 34,5 يبقى الطبق ده غويط ام مسطح ؟
طبقك يعتبرمسطح أخى لوزادعن40يبقى عميق

[الجــنــتــل حـــسـن عــثـمـان]

ياغالي المفروض تقيس من امام الطبق مش من الخلف
كما موضح في فديو الاخ ابو افنان
والطبق بتاعك غويط وليس مسطح

[فني تركيبات]

القياس من الشفه الداخليه

http://a.top4top.net/p_188nqbv1.jpg

[م/احمدمبروك]

موضوع جميل شكراً يا أبو أفنان على ردك الرائع انا عندي نفس الطبق بالضبط بنفس المقاسات والقياس من الخط الأحمر فعلا زى كلام الأستاذ جوهر ؟
وهل الطبق غويط أم مسطح لأن فيه المشاركة رقم 5 بيقول إنه غويط
عاوز أسمع رأيك يا كبير وكل سنة وأنت طيب

[فني تركيبات]

موضوع جميل شكراً يا أبو أفنان على ردك الرائع انا عندي نفس الطبق بالضبط بنفس المقاسات والقياس من الخط الأحمر فعلا زى كلام الأستاذ جوهر ؟
وهل الطبق غويط أم مسطح لأن فيه المشاركة رقم 5 بيقول إنه غويط
عاوز أسمع رأيك يا كبير وكل سنة وأنت طيب


عليك بمراجعه هذا الرابط للاستاذ شريف

هنااااااااااا (http://masrawysat.com/vb/showthread.php?t=1592522)

[اسماعيل عمر]

http://store1.up-00.com/2016-07/1467929583181.jpg

[م/احمدمبروك]

شكراً يا استاذ إسماعيل والكبير أبو أفنان والأستاذ جوهر
ولكن فعلاً عن أكثر من تجربة الأطباق البريفكس لها إطار داخلي بيكون 3 سم يعنى المسافة بين الخط الأحمر والخط الأخضر على الصورة اللي في أول الموضوع 3 سم ومن الجانب الآخر 3 سم يعني كده 6 سم ودى هتفرق كتير طبعاً فى معرفة البعد البؤرى والذراعات وخاصة مع شخص يبحث عن الأفضل للوصول إلى السوبر

والمختصر المفيد هنا هيكون القياس من الخط الاحمر يعنى 214 مش 220 والقياس مش من الأخضر ولا الأزرق
والطبق كده مسطح وفقاً لنظرية الأستاذ شريف
انا كده صح أم غلط ؟
وأخيراً كل عام وانتم بالف خير وصحة وسعاده

[الحاج شريف]

والمختصر المفيد هنا هيكون القياس من الخط الاحمر يعنى 214 مش 220 والقياس مش من الأخضر ولا الأزرق
والطبق كده مسطح وفقاً لنظرية الأستاذ شريف
انا كده صح أم غلط ؟

باشمهندس احمد كل سنه وأنت طيب
دى مش نظرية الأستاذ شريف أخى الكريم
دا عرف بين أهل الدش فى العالم كله وليس من عندى
زى ماتقول كده ف مصر العرف انه الشخص اللى طوله أقل من 170 يعتبر قصير
ممكن فى حته تانيه يكون اللى طوله 185 يعتبر قصير " فى مجال كرة السله للمحترفين مثلا "
يعنى لكل مجال أعرافه ومصطلحاته
ودى حسبه العمق والتسطيح " أو نظرية الأستاذ شريف "علشان اللى عايز يرجع ليها
والأطوال اللى فيها هى الأطوال الفعاله اللى بتستقبل إشاره بالنسبه للقطر مش فريم التقويه
كمان العمق بالنسبه للطول الفعال مش لكل الطبق بمعنى أن فريم تقوية الطبق الخارجى خارج الحساب
كنت باجاوب بيها من سنتين علي سؤال لأخ كريم وردود للأستاذ ابراهيم اللى قال الطبق مسطح والأستاذ حماد اللى قال الطبق عميق

http://www.masrawysat.com/vb/attachment.php?attachmentid=651080&stc=1&d=1467944536

[م/احمدمبروك]

إزيك يا استاذ شريف يا غالي وكل عام وانتم بالف خير وصحة وسعاده ويعلم الله أنى أحبك جداً في الله بالرغم من انى لم أراك جمعنا الله وإياكم فى الجنة إذا لم يكن لنا نصيب في لقاء فى الدنيا
ثانياً إنت مش أقل من أن يكون لك نظريات وأبحاث وذلك لعلمك الوافر وردودك العلمية التي لا تصدر إلا من أستاذ نتعلم منه
وأخيراً تقبل سلامي وتحياتي وأرجو الرد على مشاركتى السابقة المشاركة رقم 10
ومنتظر ردك يا كبير

[الحاج شريف]

إزيك يا استاذ شريف يا غالي وكل عام وانتم بالف خير وصحة وسعاده ويعلم الله أنى أحبك جداً في الله بالرغم من انى لم أراك جمعنا الله وإياكم فى الجنة إذا لم يكن لنا نصيب في لقاء فى الدنيا
ثانياً إنت مش أقل من أن يكون لك نظريات وأبحاث وذلك لعلمك الوافر وردودك العلمية التي لا تصدر إلا من أستاذ نتعلم منه
وأخيراً تقبل سلامي وتحياتي وأرجو الرد على مشاركتى السابقة المشاركة رقم 10
ومنتظر ردك يا كبير

بارك الله فيك أخى الكريم وجعل لنا نصيبا من دعواتك اللهم آمين
الحقيقه مش عارف الفرق بين الخط الأحمر والأخضر
زى ماوضحت فى مشاركتى السابقه الحساب علي الأجزاء الفعاله وليست لأجزاء التقويه أى علاقه
بمعنى لو شفة الطبق بدأت فى الإنحناء للخارج وأنا أنظر هنا من مواجهة الطبق ،هنا ينتهى الطبق الفعال وبدأت أجزاء التقويه ،
أى أن أجزاء التقويه لا تضيف للإشاره لأن مهمتها حفظ شكل الطبق ومن هنا لا ندخلها فى أى حساب
كمان العمق يحسب بمد خط مستقيم بين نهايات الطبق الفعاله وقياس بعده عن منتصف الطبق المثقوب
وملاحظه هنا أضافها أخى ابو افنان أن البؤره لا تكون فى فوهة العدسه ولكن علي بعد من 2 الى 3 سم داخل فوهة العدسه
والله أعلم