تسجيل الدخول

مشاهدة النسخة كاملة : ايهما افضل فى الاستقبال الطبق الغويط و لا الطبق المسطح بالنسبه للقطر 240

الصفحات : 1 [2]
Mr.M!DO
2016/07/18, 03:40 PM
متابعة ممتازة
فني تركيبات
2016/07/18, 03:42 PM
اخوانى الاعزاء بالنسبه للتجربه الشخصيه لى اتضح ن استقبال الاطباق المسطحه افضل من الاطباق الغويطه وذللك للاطباق الاوربيه


احسنت القول استاذ تامــر
وهذا هو رأيى بحكم التجربه
ولكن لابد وان نتحمل الانتقاد من الجميع
ainhours
2016/07/18, 04:10 PM
اخ ابراهيم لازم ناخد راى الاخوه والاختلاف فى الراى مطلوب حتى نصل الى النتيجه الجيده من حكم شغلى قد مررت على احسن اطباق استقبال موجوده فى مصر زى الباركليبس وتشانيل ماستر والدى اتش والباراكسيس والاندرسون وغيرها لا اعرف ماركه له وكنت فى ما قبل ذلك لا اعلم ما هى هذ الاطباق او ما كفاءه كل منها وبمساعده الاخوه الكرام مثل الاخ الغائب الاستاذ احمد الفقى fikaقد علمت واخبرنى بكل ماركات هذه الاطباق لازم نكمل بعض بس فى نطاق عدم فرض الراى بالقوه ولكن بالاسلوب الحسن والله ولى التوفيق
فني تركيبات
2016/07/18, 04:18 PM
بس فى نطاق عدم فرض الراى بالقوه ولكن بالاسلوب الحسن والله ولى التوفيق


هو ده المطلوب
amrlion
2016/07/18, 04:31 PM
ليه بتقول على نفسك كده
انت انسان محترم جدا وفنى ماهر بالفعل وليس بالكلام


الله يعزك يا ابا افنان. انت احسننا خلقا واكثرنا احتراما
وان كنت تظن ان كلامي ده تواضع مني فالتواضع شرف لا ادعيه بس الحقيقه اني مش فنى خالص .انا راجل محاسب مالي بشركة مقاولات وليس لي اي علاقه بالمجال غيرى طبقي وهوايتى فقط وجميع تجاربي .خلال السنوات الطويله من ايام السي باند والانالوج كانت تجارب شخصيه فقط وعمرى ما تعاملت مع اطباق غير اطباقي الخاصه

بس بحكم حبى للمجال كهوايه قررت اني اصل فى فهمه لدرجات اتمني ان تكون جيده

اسف على الاطاله

تحياتى
amrlion
2016/07/18, 04:41 PM
اخوانى الاعزاء بالنسبه للتجربه الشخصيه لى اتضح ن استقبال الاطباق المسطحه افضل من الاطباق الغويطه وذللك للاطباق الاوربيه فتم التجريب على طبقيين باراكليبس 230 سم وطبقى الان الدى اتش 240سم واتضح ان الاطباق الغويطه اقل فى الاستقبال وتجميع الاشاره المستقبله عن الاطباق المسطحه التى تعطى مساحه اكبر فى الاستقبال والتجربه هذه تمت على اطباق امريكيه اكرر اطباق امريكيه حتى نتفادى عيوب الصناعه

اهلا استاذ تامر
نورت الموضوع باضافتك اللي يدعمها خبره وتجارب واطلاع طويل
ولكن دعني افهم للفهم وليس للجدال
هل الطبق ال٢٣٠ كان غويط وال٢٤٠ كان مسطح؟؟ انا فاهم كده صح؟؟؟
لو فهمي سليم. الا ترى سيدى الفاضل ان١٠سم ممكن تفرق فى الاشاره؟؟ ده لو افترضنا ان حالة وصنع وخامة الطبقين المختلفين في النوع متساويه

واوضح انا بتناقش والله للفهم والوصول الي معلومه اكيده يجمع الكل عليها ولا اتناقش للجدال او المعارضه
وصدقنى اتمني يكون فعلا المسطح افضل لان ده يدينى امل فى استقبال اقوى لما اجيب طبق مسطح بدل الغويط اللي عندي اللي جبت اخر استقبال ممكن عليه
فني تركيبات
2016/07/18, 04:45 PM
هل الطبق ال٢٣٠ كان غويط وال٢٤٠ كان مسطح؟؟ انا فاهم كده صح؟؟؟
لو فهمي سليم. الا ترى سيدى الفاضل ان١٠سم ممكن تفرق فى الاشاره؟؟ ده لو افترضنا ان حالة وصنع وخامة الطبقين المختلفين في النوع متساويه




الاطباق الـــ 240
القطر الداخلى متفاوت المقاسات
يوجد 220
يوجد 215
اما المقاس 230 يوجد فى المستورد فقط
amrlion
2016/07/18, 04:57 PM
الله يعزك يا ابو افنان
وانا فاهم والله ان الطبقين من الخارج
والاتنين امريكى بس انا باكد بس ان الظ¢ظ£ظ-غويط والظ¢ظ¤ظ- مسطح
طبعا ده القطر الصافى
amrlion
2016/07/18, 05:51 PM
يبدو انه فى مشكله فى كتابة الارقام من الموبيل

وما اقصده انه انى بأكد فقط ان ال230 غويط وان 240 مسطح
شعوان الحربى
2016/07/18, 05:54 PM
عملت بحث على جوجل و طلعتلى نتايج كتيره طبعا

دول مقالتين منهم يريت الاستاذ asharif يقراهم و يقولنا رايه فيهم بحكم دراسته فالمجال ده


http://www.sooperarticles.com/technology-articles/networks-articles/deep-versus-shallow-dish-design-781670.html



http://mirror.unpad.ac.id/orari/library/library-sw-hw/amateur-radio/ant/parabolic-antenna/Satellite%20Receiving%20Antennas.htm
شعوان الحربى
2016/07/18, 06:01 PM
يبدو انه فى مشكله فى كتابة الارقام من الموبيل

وما اقصده انه انى بأكد فقط ان ال230 غويط وان 240 مسطح


طبق DH احسن طبق امريكى بحكم شغلنا لما جربناه مع البركلبس اشرته اعلى بفرق واضح عن البركلبس مش اقل من 8 درجات فرق عن البركلبس و ممكن اكتر

البركلبس غويط عرضه 230 و البؤره حوالى 73

و الدى أتش مفلطح عرضه 239 و البؤره حوالى 92
amrlion
2016/07/18, 06:09 PM
طبق DH احسن طبق امريكى بحكم شغلنا لما جربناه مع البركلبس اشرته اعلى بفرق واضح عن البركلبس مش اقل من 8 درجات فرق عن البركلبس و ممكن اكتر

البركلبس غويط عرضه 230 و البؤره حوالى 73

و الدى أتش مفلطح عرضه 239 و البؤره حوالى 92

يعنى حضرتك بترجع علو اشارة DH عن الباركلبس لانه اجود فى الصنع والخامه والبؤره واكبر فى الحجم ام لانه مسطح والباركلبس غويط بس؟

عموما بعد كلام حضرتك هيبقى المقارنه ظالمه فى الطبقين دول من حيث من افضل الغويط او المسطح لان المعايير مختلفه تماما فى الحجم والبؤره والجوده بغض النظر عن العمق بقى
الحاج شريف
2016/07/18, 06:32 PM
عملت بحث على جوجل و طلعتلى نتايج كتيره طبعا

دول مقالتين منهم يريت الاستاذ asharif يقراهم و يقولنا رايه فيهم بحكم دراسته فالمجال ده


http://www.sooperarticles.com/technology-articles/networks-articles/deep-versus-shallow-dish-design-781670.html



http://mirror.unpad.ac.id/orari/library/library-sw-hw/amateur-radio/ant/parabolic-antenna/Satellite%20Receiving%20Antennas.htm

وأنا ماأقدرش أرفض لك طلب أخى العزيز
هذه صور المقالين

http://www.masrawysat.com/vb/attachment.php?attachmentid=652554&stc=1&d=1468858785

http://www.masrawysat.com/vb/attachment.php?attachmentid=652555&stc=1&d=1468858859

والمقالان تقريبا بنفس المضمون وهو مقارنه بين مميزات الطبق العميق والطبق المسطح
الطبق العميق بحسب المقالين أقل كسبا أو أقل إشاره نظرا لأن العدسه أو الفيد هورن أقل قدره علي تجميع إشارة الطبق
بعكس الطبق المسطح حيت ترى العدسه الطبق كله بسهوله

لكن العدسه فى الطبق المسطح خارج الطبق بمسافه بحيث تكون أكثر عرضه للشوشره الأرضيه خصوصا فى إستقبال الأقمار ذات الزوايا الصغيره فى الأطراف
" مثل الهسباسات والآسياسات وهذه الشرح من عندى "

وحضرتك فى النهايه تحتاج لإشاره أكبر وشوشره أقل

فالطبق العميق يحقق شرط الشوشره الأقل وقد يكون مناسبا للأوساط ذات الشوشره الأعلى

والطبق المسطح يحقق شرط الإشاره الأكبر وقد يكون مناسبا للأوساط ذات الشوشره الأقل

هذا ملخص لما جاء فى المقالين وأظن أننا تتطرقنا إلى هذه المعانى من قبل فى هذا المنتدى
ainhours
2016/07/19, 02:00 AM
وأنا ماأقدرش أرفض لك طلب أخى العزيز
هذه صور المقالين

http://www.masrawysat.com/vb/attachment.php?attachmentid=652554&stc=1&d=1468858785

http://www.masrawysat.com/vb/attachment.php?attachmentid=652555&stc=1&d=1468858859

والمقالان تقريبا بنفس المضمون وهو مقارنه بين مميزات الطبق العميق والطبق المسطح
الطبق العميق بحسب المقالين أقل كسبا أو أقل إشاره نظرا لأن العدسه أو الفيد هورن أقل قدره علي تجميع إشارة الطبق
بعكس الطبق المسطح حيت ترى العدسه الطبق كله بسهوله

لكن العدسه فى الطبق المسطح خارج الطبق بمسافه بحيث تكون أكثر عرضه للشوشره الأرضيه خصوصا فى إستقبال الأقمار ذات الزوايا الصغيره فى الأطراف
" مثل الهسباسات والآسياسات وهذه الشرح من عندى "

وحضرتك فى النهايه تحتاج لإشاره أكبر وشوشره أقل

فالطبق العميق يحقق شرط الشوشره الأقل وقد يكون مناسبا للأوساط ذات الشوشره الأعلى

والطبق المسطح يحقق شرط الإشاره الأكبر وقد يكون مناسبا للأوساط ذات الشوشره الأقل

هذا ملخص لما جاء فى المقالين وأظن أننا تتطرقنا إلى هذه المعانى من قبل فى هذا المنتدى

لا تعليق بعدك استاذ شريف شكرا لتوضيحك المعلومه