المساعد الشخصي الرقمي

مشاهدة النسخة كاملة : ريسيفر ترومان بريمير بلص ا فيه مشكلة ياريت مساعدة

semary8
2016/07/25, 01:19 AM
السلام عليكم ورحمة الله وبركاته
عندى ريسيفر ترومان بريمير بلص ون وحاطط عليه اربع اقمار وللاسف كتير بيسقط اشارة وعشان اشغل القناة اللى ساقطة اشارة لازم اعمل ريستارت الجهاز
ايه الحل عشان انا زهقت وكنت شارى الجهاز ب ٧٢٠ جنيه لانى شوفت فى المنتدى هنا ان الجهاز هارد وير ممتازة
اعمل ايه فيه انا محدث السوفت وير١.٨٤
م/محمدزيان
2016/07/25, 03:34 AM
اخى الكريم
اول خطوة
حنحاول بشوية طرق نثبت إن المشكلة سوفتوير وليست هاردوير بإذن الله
أولا أخى شوف الترددات ال بتسقط عندك وعلى نفس الطبق والسلك جرب جهاز تانى وشوف النتيجة
تانى خطوة
ياريت تغير السلك للانواع النظيفة لأن ممكن فعلا يكون عيب سلك
ثالث خطوة
طبعا عندك دايزك فممكن يكون العيب هو إعدادات الدايزك أو نوع الدايزك مش تمام فيرجى تغيير الدايزك أو تعديل اعداداتة
رابع خطوة
حاول تفصل كل الأسلاك من الدايزك وتوصل سلك النايل سات لوحدة وتشوف النتيجة
خامس خطوة والأخيرة
لو كل ال فات ما جابش نتيجة معاك يبقى الحل الأكيد والاوفى هو
تنزيل سوفت انقاذ وتنزيل ملف قنوات جديد ويفضل يدوى وتشوف النتيجة
وبعد كل الخطوات دى أتمنى افادتى بالنتيجة بعد كل خطوة
semary8
2016/07/25, 04:29 AM
اشكرك جدا للرد أخى الكريم

لو انا شغال على قمر ونقلت على قمر تانى حتى لو كان النايل سات بيسقط ولازم اطفى الجهاز واشغله من جديد انما لو على نفس القمر مفيش مشاكل
هل ده عيب من الدايزك ولا لا
Dr. Hazem Tamim
2016/07/25, 04:01 PM
غالبا دا عيب دايزك او السلك الاسهل انك تبدل الدايزك في الاول واتاكد من التوصيلات بتاعه الأسلاك مع الاجهزة وكمان فيه سلوك رفيعة فضي اللي بتلامس الكلبسات اللي بتركب في الدايزك او القطعة او الرسيفر أتأكد انها كلها موجودة وأنها كتيرة لان السلك التعبان بيظهر من الجزء ده ان السلك بيكون اي كلام لكن شوف الدايزك في الاول
mohamed abbas i
2016/07/25, 04:53 PM
نفس المشكل كان عندى وطلع عيب دايزك
م/محمدزيان
2016/07/25, 09:06 PM
نفس المشكل كان عندى وطلع عيب دايزك

شكرا لمتابعتك أخى الكريم
واتمنى من الاخ السائل تجربة كل الحلول قبل ردة القادم
وان شاء الله سيكون العيب فى الدايزك لأن أغلب الأنواع المتواجدة رديئة
amr rashad
2016/07/25, 09:43 PM
دا عيب الدايزك واغلب الدازك الموجود فى السوق زبالة تقريبا هو الترومان الوحيد الى شغال كويس لانها حصلت معايا وانا بركب طبق 100 وعيرت الدايزك بواحد قديم واشتغل تمام
semary8
2016/07/26, 03:04 AM
طيب اغير الدايزك تجيب دايزك نوعه ايه
واسف للتاخير فى الرد وذلك لظروف عملى
م/محمدزيان
2016/07/26, 03:38 AM
طيب اغير الدايزك تجيب دايزك نوعه ايه
واسف للتاخير فى الرد وذلك لظروف عملى

بص ياغالى انا حقولك على النوع الممتاز
بس ياريت تجيبه من مكان مضمون لان فى خامات وماركات مقلدة ومضروبة فى السوق المصرى حاليا
عندك
ترومان المربع
http://www12.0zz0.com/2015/04/14/15/684538697.jpg
او ترومان علبه بلاستيك
او اى نوع ترومان فهو من افضل الانواع الموجودة بس زى ما قولتلك خلى بالك من المضروب وال يفيدك فى المسألة دى الاخوة فى قسم التركيبات هنا فى المنتدى
وفى معلومة عالماشى بتؤدى لتلف الدايزك لعملاق التركيبات المهندس كريم
يجب عدم وضع أى غطاء على الدايزك من كيس أو قماش أو ما شابه لأن ذلك يؤدى إلى تجميع الحرارة على الدايزك فى الصيف أو تجميعمياه الأمطار فى الشتاء، مما يؤدى إلى تعطيل الدايزك عن العمل وقطع إشارة الأقمار المستقبلة للريسيفر
وطبعا اخى فى انواع افضل بكثير من كدا وزى ما قولتلك الاخوة فى قسم التركيبات حيفيدوك اكتر