طبق 120 تركيبه 3 اقمار

[DeXter]

السلام عليكم
انا كنت جبت من فتره فني جه ركبلي 3 اقمار نايل سات و اموس و هوتبيرد سنتر على طبق 120 سم

عندي مشكله فيه ترددات مش عاليه و مبتجيش اصلا
يعني النايل سات تردد قنوات الكاس مش بيجي خالص
الهوت بيرد تردد ايليفن بيقطع جامد بالنهار و بليل بيتظبط و تردد كانال سبورت 1 مش بيجي خالص

لو طلعت السطح دلوقتي ممكن اعمل ايه يعلي شويه الترددات دي عشان استقبلها

[PRO WAEL]

بص يا باشا تردد اليفن ضعيف فى الاساس وحسب مكانك وموقعك بيتقيم اذا كان الاستقبال جيد ام لا ولكن كانال سبورت المفروض تيجى عندك بالقطر ده
الحل انك تطلع السطح ومعاك تليفزيون لو بتعرف وتكتب التردد ده على الاوربى وتعلى اشارته على قدر المستطاع هيظبط معاك القمر كله والتردد هو 11747 h ترميز 27500 وبعد متعليه بتحريكك للطبق يمين وشمال وفوق وتحت وتحريك اللاقط بتاعك وده كله مش حركة بمعنى حركه لااا وانت ماسك حروف الطبق من الخلف جس نبض الطبق بدون متحرك البولار وشوف الاشارة بتاعة التردد ده كام وبتعلى ولا لا ولو علية معاك ثبت طبقك وابدأ بص على القمرين التانيين النايل سات وعاموس والنايل سات ممكن يكون منطقى انه على مسطرة فقاطع معاك بعض الترددات الضعيفه ولكن ربما يكون الطبق اتحرك مليمترات من اى عوامل جويه فأثر على اشارة الاوربى وبالتالى النايل والعاموس فبعد تظبيط الاوربى ربما يظبط معاك الباقى وبالتوفيق

[greatmousa]

انا عندى اليفين اشارتها 65% ودا على كارت ستالايت كمان وطبقى متر والهوتبيرد على مسطره
واشارة 11747 99% كمان
حرك الطبق حركه خفيفه او حرك العدسه نفسها وشوف الاشراه هتعلى ولا لا

[DeXter]

تمام يا رجاله الف شكر انا طالع اهو ان شاء الله تتظبط