برجاء من عملاقة القسم والاعضاء تقيم وابداء رئيهم فى هذا المدار لطبق بريفكس 180 فى دمياط

[حمادة حسين]

انا مشفتش فى حياتى اروع من الاستقبال ده
انا امتلك طبق 240 وعدسة فوجى وغير قادر على ضبط مداره الى الان وبقالى حوالى سنتان ولم استطيع ضبط مداره بشكل يرضينى فلو استقبلت اقمار الغرب افقد اقمار الشرق ولو استقبلت اقمار الشرق افقد اقمار الغرب وطرحت سؤالى فى المنتدى اكتر من مرة ولكن مع الاسف موضوعى بيختفى وسط الموضوعات من غير محد يرد عليا

ربنا يزيدك اخى حمادة استقبال اروع وكمان طرحت موضوعك بكل ادب واحترام وذوق وتنسيق
وعلى راى اخى الكريم جوهر كامل لو فضلت اتكلم على موضوعك محتاج ايام طويلة علشان نوفيه حقه

نورت الموضوع اخ الغالى وبارك الله فيك
واعطيتنى اكتر من حقى
انا شكك ان عندك اخى مشكله فى الاستاند لان اغلب مشكلة عدم استقبال اقمار الشرق والغرب معا سببه الاساسى ان الاستاند ليس مظبوطا على الشعره لو فى ملى واتنين بيعملو خلال ما بالك لو الخلل اكبر من كده حاول تتاكد جيدا من الامر ده

[حمادة حسين]

ياغالى موضوع محترم جدا وجميل واستقبال رائع وانا قرأت موضوعك عن اضافة الورد بين جسم البولار والحديدة اللى على شكل حرف U ولى سؤال فى الجزئية دى
= هل اضافة الورد يغنى عن تركيب الصامولة النحاس ام بنضيف الورد فوق الصامولة النحاس واليك صورتها ياغالى وارجو ردك يا كبير


http://store2.up-00.com/2016-08/1471865351541.jpg
لا يا غالى مبنستغناش عن الصمولتين دول بنضيف الورد مع وجود الصمويل ايضا الامر بياثر فقط على استقبال القمر 31 غرب فقط اما بيفرق كتير جدا تجه الشرق لانك تستطيع استقبال الاقمار حتى 103 شرق باريحيه دون ان يتسبب ذلك بتلف او صعوبه فى ارجاع الماتور مرة اخرى

[حمادة حسين]

http://up.harajgulf.com/do.php?img=1029766 (http://up.harajgulf.com/)

انا بقى مشكلتى فى المسمار ده اللى ماسك حرف اليو بالبولر وغيرت اكتر من مسمار والمشكلة لازالت قائمة ....... وهى بعد وضع المسمار فى الفتحة المخصصة له الاحظ انه فى فراغ ( رطه ) بين المسمار وبين الفتحة اللى داخل فيها وده بيضعف الهسباسات او اقمار الشرق هل من حل

واضح جدا ان المسمار ده رفيع جدا ومش بتاع البولار اصلا ونفس الموضوع فى مسمار الميزان انا كان مسمار الميزان عند حلاق وفكيته وروحت عملت مسمار زيى بنفس الحجم بالظبط انت محتاج لمسمار للبور بنفس حجم مسمار البولار الاصلى علشان ميبقاش فى اى فراغ
اتمنى لك التوفيق لو امكنك انك تشوف مسمار من بولار لطبق قديم وتاخذه منه يبقى تمام او انك تعمل واحد عند حداد بنفس الحجم

[م/احمدمبروك]

لا يا غالى مبنستغناش عن الصمولتين دول بنضيف الورد مع وجود الصمويل ايضا الامر بياثر فقط على استقبال القمر 31 غرب فقط اما بيفرق كتير جدا تجه الشرق لانك تستطيع استقبال الاقمار حتى 103 شرق باريحيه دون ان يتسبب ذلك بتلف او صعوبه فى ارجاع الماتور مرة اخرى

الف شكر على ردك ياغالى لكن سؤال تانى واستحملنى انا اسف يعنى
= الهدف من هذه الورد هو وجود المسافة بين البولار والطبق ا؟ م الهدف هو وجود الورد نفسها ؟ بمعنى اخر لو المسافة دى موجودة وكويسة والطبق مرتاح شرقا وغربا فعلا هل لازم من وضع الورد ام خلاص ليس لها احتياج

[حمادة حسين]

الف شكر على ردك ياغالى لكن سؤال تانى واستحملنى انا اسف يعنى
= الهدف من هذه الورد هو وجود المسافة بين البولار والطبق ا؟ م الهدف هو وجود الورد نفسها ؟ بمعنى اخر لو المسافة دى موجودة وكويسة والطبق مرتاح شرقا وغربا فعلا هل لازم من وضع الورد ام خلاص ليس لها احتياج

ولا يهمك اخى احمد كلنا هنا اخوة ونتعلم من بعض
اصلا صاحب الفكرة دى هو اخى اشرف وهو اللى ساعدنى فى تركيبه فى طبقى وتقريبا انا ركبت وردتين او ثلاثة فى كل ناحيه لا اتذكر بصراحة بس اهم خطوة فى التركيب هو انك بتشحم الور مع بعضه كويس جدا هى دى بقى الفائده لان بعد تشحمه اصبحو كانهم رمان بلى بيعمل على سهوله حركة الماتور
والمسافة عندى كانت موجوده ومرتاحة وكل حاجه بس من غير وارد كان صعب ان الطبق يصل الى هذا البعد فى اقمار الشرق ويرجع تانى انت اكيد عارف ان لو الطبق ال180 او ال240 على ماتور 24 لو نزل الى حد معين الطبق مش هيقدر يرجع الا اذا احد الاشخاص طلع للطبق وساعد الماتور فى النزول لاسفل مرة اخرى وانا عندى ماتور اتكسرت فيه القطعه اللى فى اعلى الماتور بسبب انى طلعت الماتور الى اعلى كتير قبل تركيب تلك الورد فبسسب الحمل الزائد عليه وبسبب ضعفيه انكسرات والماتور دراعه باظ واخذت القطعه اللى فى الاسفل شغلته على ماتور اخر
ارجو ان تكون فكرتى وصلتك لانى ضعيف فى الشرح

[حماد]

رفعت راسنا فوق يا حمادة روح يابنى قلبى راضى عنك.... ههههههه

اه يا واد يا نمس اتقبال فاق الخيال.... حبيبى قل اعوذ برب الفلق...

[حمادة حسين]

رفعت راسنا فوق يا حمادة روح يابنى قلبى راضى عنك.... ههههههه

اه يا واد يا نمس اتقبال فاق الخيال.... حبيبى قل اعوذ برب الفلق...

الله يكرمك يا ابو حفصه الكلام ده كتير قوى عليه
انت ما شاء الله عندك استقبال افضل من كده

[ماهرعيسى]

الله عليك يا فنان انا نفسى الطبق بتاعى يتظبط زى ده

[حمادة حسين]

الله عليك يا فنان انا نفسى الطبق بتاعى يتظبط زى ده

مرحبا بيك اخى وبمرورك العطر
حاول تظبطه انت بنفسك ولا تمل من كترة المرات اللى ممكن تطلع تظبط فيه الطبق حتى تحصل على الضبط اللى يرضيك
اتمنى ان تحصل على مدار افضل من ذلك
وحاول لو مش قادر تظبطه انك تشوف جد فنى فى منتطقتك يظبطلك المدار بالكامل وممكن انت بعد كده نظبطه على مزاجك

[هاني السلحدار]

استقبال ممتاذ ومدار مضبوط جيدا
اخي حماده حسين
ولكن ياريت توضح نوع الرسيفر لديك

[عباس نصرابوزيد]

a213--a213--a213--
مفيش كلام بعد هذا الاستقبال
الله ينور ياغالى

[احمد انور خضر]

استقبال ممتاز جدا وضبط للطبق من حديد
تسلم ايدك يا استاذ حماده

[حمادة حسين]

استقبال ممتاذ ومدار مضبوط جيدا
اخي حماده حسين
ولكن ياريت توضح نوع الرسيفر لديك

شرفنى مرورك العطر اخ هانى
والريسفر h6

[حمادة حسين]

a213--a213--a213--
مفيش كلام بعد هذا الاستقبال
الله ينور ياغالى

شرفنى مرورك العطر اخ عباس
وانت فين بقالك فترة مش بين ارجو ان تكون بخير

[حمادة حسين]

استقبال ممتاز جدا وضبط للطبق من حديد
تسلم ايدك يا استاذ حماده

شرفنى مرورك العطر اخ احمد
ودى شهادة اعتز بيه من عملاق من عملاقة التركيبات فى مصر
الف شكر ياغالى على كلامك الطيب

[حماد]

الله يكرمك يا ابو حفصه الكلام ده كتير قوى عليه
انت ما شاء الله عندك استقبال افضل من كده

انىو اوريك مفاجاة ا حمادة هاتعجبك اوى اوى اوى ,,,,, على الطبق 180

[عادل ربيع]

تسلم ايدك أخ حماده حسين patch_lov-

[حمادة حسين]

انىو اوريك مفاجاة ا حمادة هاتعجبك اوى اوى اوى ,,,,, على الطبق 180

انا فى قمة الشوق لاعرف ماهى المفاجاءة اخى وحبييبى ابو حفصة

[حمادة حسين]

تسلم ايدك أخ حماده حسين patch_lov-

نورت الموضوع اخى عادل وتسلم على ذوقك

[علاءدش101]

واصل ابداعك
http://www2.0zz0.com/2016/07/31/14/211557678.gif (https://www.0zz0.com)