مشكلة في الترددات الأفقي لايوجد إشارة والرأسي الإشارة ممتازة

[bebo606]

منذ يومين تقريبا وجدت كل القنوات اللي ترددها رأسي شغالة وبإشارة عالية

اما كل القنوات اللي ترددها افقي لايوجد إشارة نهائي

الطبق 180 متحرك بريفكس والعدسة عادية مش فاكر نوعها

هل دا من العدسة ولا السلك ولا تظبيط للطبق ولا دا من الريسيفر ولا من البوزنيشر

في انتظار الرد

تحياتي وتقديري لحضراتكم

[اسامه حامد]

الاول جرب رسيفر تانى يا غالى

[hazzuma]

تأكد من عدم وجود دبور او نحلة داخل العدسة( لو كانت بدون غطاء) أما لو العدسة مزدوجة او رباعية،فدا شئ عادى جدا،ولا حل له،وطبعا ماتنساش تعمل زى ما الأخ الغالى،اسامة،قال لحضرتك،تحياتى

[bebo606]

الف شكر لاهتمام حضراتكم بالرد علي مشاركتي

لكن فعلااستاذي الفاضل ا/ اسامة حامد — غيرت الرسيفر ووجدت اشارات ترددات القنوات الافقي الاشارة ممتازة جدا ولا يوجد حتي تقطيع نهائي

الرسيفر اللي فيه الاشارة بتقطع واحيانا لايوجد اشارة نهائي هو he@d v4

اما الرسيفر الثاني اللي جربت عليه والاشارة ممتازة ولا يوجد تقطيع نهائي هو pandas 9090HD

ممكن اعرف فين المشكلة في رسيفر he@d v4.اللي فيه التقطيع وعدم وجود اشارة في ترددات الافقي

الف شكر

تحياتي وتقديري لحضراتكم

[bebo606]

عفوا الرسيفر اسمه
Pansat

[على عنيصر]

تأكد من ضبط إعدادات الهوائى

و خصوصاً LNB 13/18

[اسامه حامد]

في هذه الحاله اخى الكريم اعمل للرسيفر ضبط مصنع وابحث من جديد

لو استمرت المشكله الافضل الذهاب به الى فنى صيانه

[bebo606]

تأكد من ضبط إعدادات الهوائى

و خصوصاً LNB 13/18

استاذي الفاضل / الطبق عندي متحرك

الف شكر لرد حضرتك

[bebo606]

في هذه الحاله اخى الكريم اعمل للرسيفر ضبط مصنع وابحث من جديد

لو استمرت المشكله الافضل الذهاب به الى فنى صيانه

استاذي الفاضل / عملت فعلا ضبط مصنع وعملت بحث من جديد لكن دون فائدة

الف شكر لاهتمام ورد حضرتك

[hasan aladawy]

يت جماعة الموضوع سهل جدا جرب رسيفر تانى على نفس الطبق لو نفس العيب يبى حتما قطعة lnp ولو العيب اختفى يبى الرسيفر هو اللى قاطع نص و يتصلح عادى

[على عنيصر]

استاذي الفاضل / الطبق عندي متحرك

الف شكر لرد حضرتك

و ما علاقة ضبط طاقة LNB 13/18 بالمتحرك و الثابت ؟

أنا لم أذكر شيئ عن الدايزك

[bebo606]

و ما علاقة ضبط طاقة LNB 13/18 بالمتحرك و الثابت ؟

أنا لم أذكر شيئ عن الدايزك

اسف جدا والله مش قصدي وخبرتي قليلة جدا قي هذا المجال

وفهمت ان موضوع ضبط LNB خاص بالطبق الثابت

يكفي اهتمام حضرتك بالرد

تحياتي وتقديري لحضرتك

[على عنيصر]

تحت أمرك يا غالى فى أى سؤال

نحن إخوه فى هذا المنتدى العظيم ليساعد كل منا الآخر

[mando010]

غير السلك ياباشا 95 في الميه من الاعطال دي لو الرسيفر سليم زي ماقلت هيكون السلك بايظ

[البحر الطويل]

أما لو العدسة مزدوجة او رباعية، فدا شئ عادى جدا، ولا حل له

فعلاً .. تواجهني هذه المشكلة أثناء وضع عدسة ذات مخرجين أو أربعة مخارج

دائماً تتكرر هذه المشكلة . تشتغل العدسة شهر أو شهرين ثم تتعطل .

جربت أكثر من عدسة ذات مخرجين وذات أربعة مخارج والمشكلة دائماً تتكرر.

أما مع عدسة ذات مخرج واحد ، أبداً لا تواجهني هذه المشكلة .

[hazzuma]

دائماً تتكرر هذه المشكلة . تشتغل العدسة شهر أو شهرين ثم تتعطل .
جربت أكثر من عدسة ذات مخرجين وذات أربعة مخارج والمشكلة دائماً تتكرر.



معقول دا,,,حتى فى السعودية كمان نفس المشكلة !!! حضرتك فى السعودية حاليا؟ تحياتى

[bebo606]

الحمد لله الرسيفر رجع تاني لوحده مشغل قنوات الترددات الأفقي بإشارة ممتازة وبدون تقطيع

ولم اعرف سبب المشكلة لكن المهم انه اشتغل

تحياتي لحضراتكم