فين يا جماعه الشاشات كل المحلات والمعارض مفيش شاشات فيهم

[عابدين جمعة]

كنت عاوز اشترى شاشه جديده 4k وللاسف كل المعارض بتقول مفيش بضاعه فى السوق حتى موقع القاهرة للمبيعات كلمته بيقولوا نفس الكلام
هوه فيه ايه طبعا الاسعار هاترفع ماشى بس عاوزين نعرف الدنيا فيها ايه

[bebo606]

اكيد طبعا وللأسف كل التجار هيقولوا لايوجد شاشات

طبعا دا جشع وطمع ولن يبارك الله لتاجر يحتكر السلعة في وقت الشدة

كل تاجر عنده شوية شاشات حاليا مش هيبيع لأنه عارف ان كل يوم حاليا الاسعار بتزيد بصورة جنونية

والشاشة اللى سعرها مثلا 4000 جنيه في خلال 3 او 4 ايام سوف يبعها بحوالي 6000 جنيه تقل قليلا اوتزيد قليلا

دا الحال حاليا في كل شيء للأسف في مصر الحبيبة

وياريت حضرتك تنتظر إلى ان تهدأ الاسعار بدل ما تدفع زيادة عن سعر الشاشة 2000 جنيه او اكثر

تحياتي لحضرتك

[hazzuma]

فعلا ,دا بيبئى اتفاق بين التجار الكبار المقدمين للخدمة أو المحتكرين للسلعة,اتفاق على أخفاء السلع لفترة,لتعطيش السوق,لزيادة السعر,زى موضوع السكر كدة,,,, مافيا يعنى,,,وربنا يتولانا برحمته

[kareka20]

انا لو مكانك استنى يوم 9&10 نوفمبر يعنى بكرة فى عروض ضخمه من موقع سوق .كوم والشحن مجانا انا شغال فى شركه بتوصل منتجات موقع سوق التقفيل محترم وكل انواع الشاشات موجوده عندهم وبتوصل فى اقل وقت ممكن.

[hazzuma]

بكرة فى عروض ضخمه من موقع سوق .كوم والشحن مجانا انا شغال فى شركه بتوصل منتجات موقع سوق التقفيل محترم

بالمناسبة،،،هو إيه نظام الشراء من موقع سوق يا نجم؟ كاش عند الإستلام ولا إيه؟شكرا لك

[click]

ياريت المساعدة في شراء الشاشة لأني اريد شراء شاشة برضه ومش عارف الأنواع المتواجدة وايهما افضل LG ولا توشيبا وشارب

[kareka20]

بالمناسبة،،،هو إيه نظام الشراء من موقع سوق يا نجم؟ كاش عند الإستلام ولا إيه؟شكرا لك

ايوة الدفع عند الاستلام او بالفيزا النظام اللى انت بتختاره

[hazzuma]

شكرا لك يا أخ ,كاريكا

[kareka20]

شكرا لك يا أخ ,كاريكا

الشكر لله و اى خدمه انا موجود

[عابدين جمعة]

لكى الله يا مصر

[click]

ياريت المساعدة في شراء الشاشة لأني اريد شراء شاشة برضه ومش عارف الأنواع المتواجدة وايهما افضل LG ولا توشيبا وشارب

[ابو محمد 2005]

تمهل اخى الكريم فى هذا التوقيت حتى يستقر سعر الدولار لان الاسعار الان صعبة جدا والاجهزة الموجودة مكلفة جدا بالنسبة لامكانياتها

[علىدش]

لكى الله يا مصر

[ميدو المهم]

اسعار الشاشات نااااااااااااااااااااااااااااار الزيادة 2000 جنيه على الاقل هل الاسعار حتقل ولا حتفضل مرتفعة

[OSSMAN_TATA]

بما ان المحلات تخفى البضاعه تبقى الاسعار فى زياده ولن تقل

[OSSMAN_TATA]

تمهل اخى الكريم فى هذا التوقيت حتى يستقر سعر الدولار لان الاسعار الان صعبة جدا والاجهزة الموجودة مكلفة جدا بالنسبة لامكانياتها

سعر الدولار لن يستقر والاسعار فى ازدياد

[ريان المصرى]

lg افضل شاشه فى مصر وبعدها توشيبا والدعم حلو ليهم

[mr ramo]

اللي اشتري اشتري خلاص ياغالي

الاسعار بقت في متناول المواطن الابو هشيمة

[م/محمدزيان]

والشاشة اللى سعرها مثلا 4000 جنيه في خلال 3 او 4 ايام سوف يبعها بحوالي 6000 جنيه تقل قليلا اوتزيد قليلا


طب لو قولت لحضرتك انى اشتريت من 3 شهور شاشة ال جى 4k ب 4300 جنية وانهاردة سألت عليها لقيتها ب 8000 جنية بالظبط ومش موجودة وحتجيلى مخصوص كمان وخدمة تقول اية؟
انا اقولك !!!
اولا ياجماعة مفيش حاجة سعرها حينزل دا من ناحيتين
اولا لان الدولار ارتفع فى البنك فبعد ما كان سعر الدولار 8 فى البنك اصبح رسمى 18 وبعد ما كان بيندفع جمارك بالدولار بسعر البنك ال هوة 8 بقت الجمارك والارضية بالدولار بسعر البنك ال هوة 18 يعنى 10 جنية فرق
يعنى لو قولنا ان الحاوية مثلا كانت ب 50000 دولار
فكان سعرها
50000*8=400000
اما انهاردة رسمى بقت ب
50000*18=900000
يعنى الضعف وزيادة فمنين الاسعار حتنزل
على فكرة انا شغال فى التجارة والتوزيع جملة وبقولكم احنا بيوتنا اتخربت وربنا يسترها على الناس كلها لان ال جاى ممكن يكون اصعب
فياريت ال يعرف يشترى حاجة انهاردة مايترددش وحتى لو نزلت فدا مش حيكون فى خلال سنة اواتنين صدقونى
وبالتوفيق للجميع

[م/محمدزيان]

فمثلا من 3 شهور كان الموديل دا
49uh850v (http://cairosales.com/ar/led-plasma-tvs/4781-lg-49-super-ultra-hd-4k-led-tv-3d-smart-wireless-webos-30-tv-with-built-in-hd-receiver-49uh850v.html)
كانت ب 8490 جنية بالظبط
اما انهاردة لو دخلتوا على القاهرة للمبيعات حتلاقوا السعر 16990جنية
عرفتوا بقى الاسعار عملت ازاى ولية التجار قافلين على البضاعة