مشكلة فى توصيل قطعة الويرلس للتوب بوكس

[semsm2007]

أصدقائى الاعزاء برجاء المساعدة بوصل قطعة الواى فاى وبتشتغل وببحث وبتظهر شبكات الواى فاى عادى جدا وبختار الشبكة وبكتب الباسورد وبتحمل وبعدين بتظهر رسالة فشل فى الاتصال علما بأن الجهاز توب بوكس 2 تيونر والسوفت اللى عليه 1.2.84 والراوتر بتاعى وشابك عليه الموبايلات من غير مشاكل

[م/محمدزيان]

بص ياغالى
بما ان الراوتر ملكك يعنى الشبكة اشارتها عالية جدا
فاجعل الاعدادات كالتالى
اولا بعد البحث عن الشبكة تأكد بان اشارة الشبكة تظهر عندك على الريسيفر باللون الاخضر لشريط الاشارة وتكون كاملة
ثانيا حتلاقى الاعدعات كالتالى (عندك 4 سطور كالتالى)
1-Wireless وهو اسم الشبكة
2-Access Point Configurating اجعلها WPA-PSK
3- Encryption اجعلها TKIP
4- وهو الرقم السرى للدخول للواى فاى

لكن قبلها يرجى فصل جميع الاجهزة التى تشبك مع الواى فاى واجعل الريسيفر فقط وقم بالتجربة
وفى انتظار بالرد والنتيجة

[semsm2007]

مهندس محمد الأول اشكر حضرتك على الاهتمام
ثانيا عملت كل الخطوات اللى حضرتك قولتها بالترتيب والتفصيل وعند الضغط على الزر الاحمر بعد ادخال الباسورد ثم الزر الاحمر مرة اخرة للاتصال تظهر علامة التحميل لمدة طويلة ثم رسالة مكتوب فيها فشل الاتصال مع العلم انى جربت اشبكه عن طريق الهوت سبوت من موبايلى وشبك مع الموبايل بدون مشاكل مش فاهم ليه مش عايز يشبك مع الراوتربرجاء لو فيه حاجة مش واخد بالى منها تعرفهالى وشكرا مرة تانية على اهتمامك

[محمود سيد دياب]

المشكله اخى الفاضل فى البسورد الخاص بالواى فاى حاول يكون ارقام وجرب اخى الفاضل سوف يعمل معك

[م/محمدزيان]

المشكله اخى الفاضل فى البسورد الخاص بالواى فاى حاول يكون ارقام وجرب اخى الفاضل سوف يعمل معك

متابعة ممتازة اخى
يرجى من الاخ الكريم سمسم
التأكد من الباسورد لانها اكيد خطأ فى الباسورد
ولو انت كتبت الباسورد بالحروف حاول تغيير باسورد الواى فاى لارقام فقط كما قال لك الاخ العزيز محمود ثم اعد المحاولة
وفى انتظار ردك

[semsm2007]

اخوانى الاعزاء الأستاذ محمود و المهندس محمد
أشكر لكم الاهتمام والمتابعة انا قمت بتغيير باسورد الواى فاى لأرقام بالكامل برضه نفس النتيجة كمان دخلت على اعدادت الراوتر واتأكدت ان اعدادات الاتصال والتشفير متناسبة مع اعدادات الاتصال والتشفير الخاصة بالريسيفر كمان جربت اغير اعدادت الاتصال واعدادات التشفير من الريسيفر وادخل الباسورد مفيش فايدة مش قادر أفهم المشكلة فين

[م/محمدزيان]

اخ سمسم
جرب انك تحدث سوفت الجهاز وتشوف النتيجة ممكن يكون فى تعارض فى السوفت للوايرلس
جرب وقولى النتيجة

[semsm2007]

مهندس محمد مرة أخرى شكرا لصبرك واهتمامك الحقيقة مكنتش عارف أنزل سوفت ايه لأنى منزل 1.2.84 والسوفت الجديد الناس بتشتكى منه فنزلت نسخة نت فيجن كان الاخ حازم نصح بيها وبرضه نفس النتيجة فشل فى الاتصال وبعدين خطر فى بالى انى ألغى باسورد الراوتر نهائى وأجرب وفعلا التجربة نجحت والريسيفر أتصل لكن طبعا ده حطنى فى مشكلة تانية لأنة مينفعش اسيب الراوتر من غير تأمين فهل عندك فكرة أخى الغالى عن الاعدادات اللى المفروض أعملها للراوتر بتاع تى داتا علشان تخلى الريسيفر يعمل كونكت معاه لأنى متأكد انه محتاج اعدادات معينة للراوتر لأنى جربت اشبكه على الهوت سبوت من الموبايل وكنت عامل باسورد ومع ذلك شبك مع الموبايل بدون مشاكل ولك منى جزيل الشكر

[م/محمدزيان]

مهندس محمد مرة أخرى شكرا لصبرك واهتمامك الحقيقة مكنتش عارف أنزل سوفت ايه لأنى منزل 1.2.84 والسوفت الجديد الناس بتشتكى منه فنزلت نسخة نت فيجن كان الاخ حازم نصح بيها وبرضه نفس النتيجة فشل فى الاتصال وبعدين خطر فى بالى انى ألغى باسورد الراوتر نهائى وأجرب وفعلا التجربة نجحت والريسيفر أتصل لكن طبعا ده حطنى فى مشكلة تانية لأنة مينفعش اسيب الراوتر من غير تأمين فهل عندك فكرة أخى الغالى عن الاعدادات اللى المفروض أعملها للراوتر بتاع تى داتا علشان تخلى الريسيفر يعمل كونكت معاه لأنى متأكد انه محتاج اعدادات معينة للراوتر لأنى جربت اشبكه على الهوت سبوت من الموبايل وكنت عامل باسورد ومع ذلك شبك مع الموبايل بدون مشاكل ولك منى جزيل الشكر

تمام كدا اخى سمسم
يبقى المشكلة فى اعدادات الراوتر
بس اعذرنى معنديش فكرة عن الاعدادت للراوتر علشان يشغل الريسيفر
انا روحت لفنى كمبيوتر خليتة عمل الاعدادت وكل حاجة عندى تمام وبشغل كذا حاجة مع بعض فى نفس الوقت ومفيش اى مشكلة
ممكن تستشير الاخوة الافاضل بداخل قسم الكمبيوتر فى المنتدى وان شاء الله يدلوك
تقبل تحياتى لك اخى الكريم

[semsm2007]

متشكر جدا يا بشمهندس محمد وجزاك الله كل خير بس كنت محتاج منك طلب اخير لو تكرمت انا برغم ان الريسيفر عندى بقاله سنين الا انى عمرى ما جربت اشتغل على الانيجما لذلك محتاج من حضرتك لينك فيه شرح تنزيل سوفت الانيجما للتوب بوكس ولينك تانى عليه أفضل نسخة انيجما ممكن انزلها وشكرا جزيلا

[م/محمدزيان]

متشكر جدا يا بشمهندس محمد وجزاك الله كل خير بس كنت محتاج منك طلب اخير لو تكرمت انا برغم ان الريسيفر عندى بقاله سنين الا انى عمرى ما جربت اشتغل على الانيجما لذلك محتاج من حضرتك لينك فيه شرح تنزيل سوفت الانيجما للتوب بوكس ولينك تانى عليه أفضل نسخة انيجما ممكن انزلها وشكرا جزيلا

أ/سمسم
هو الانيجما حلو جدا بس معقد بعض الشئ عن الاسبارك
ولتتعلم كيفية تسطيب الانيجما يبقى تابع الموضوع دا
للمبتدئين كيفية تسطيب الانيجما2 وازالتة بكل سهولة وبالصور(سلسلة الف باء ترومان) (http://www.masrawysat.com/vb/showthread.php?t=2153517)
ولو حابب تجرب الانيجما يبقى لازم تتابع الموضوعين دول الاول
علشان تحافظ على جهازك وكمان الفلاشة الداخلية الخاصة بالريسيفر من التلف
ودول شرح لتسطيب الانيجما لاكثر من صورة على فلاشة خارجية والتنقل بينهم فى اى وقت وكمان بسهولة
فياريت الاول تتعلم منهم وتطبق كل خطوة فى الموضوعين
واى استفسار تتفضل تحط بية طلب فى قسم الانيجما
وحتلاقى المساعدة ال انت محتاجها
http://www.masrawysat.com/vb/showthread.php?t=2322724
او الرابط دا
http://www.masrawysat.com/vb/showthread.php?t=2293883
وبالنسبة للنسخ تقريبا كلهم احسن من بعض
وبطريقة الفلاشة الخاجية حتسهل عيلك تختار ال تناسبك
والاخ احمد غازى فى قسم الانيجما حتلاقى له اكتر من شرح وكمان افضلية النسخ الموجودة وعيوب ومميزات كل واحدة
فارجوا منك متابعة قسم الانيجما علشان تختار ال انت محتاجة
http://www.masrawysat.com/vb/forumdisplay.php?f=579