مشاكل فى استقبال الفيدات ؟؟؟ برجاء المساعده من الاساتذه

[mansy_ko]

السلام عليكم ورحمه الله

انا مبتدى جدا فى تركيب الاطباق وربنا كرمنى واشنريت طبق 180 ومش عارف نوعه وركبته بعد ماشوفت مواضيع لاستاذه هنا بس المدار مش مظبوط ومافيش ولا فيد بيجى معايا
فبرجاء من حضرتكم مساعدتى وحعرض عليكم المعلومات اللي عرفتها
1- قطر الطبق من الحواف الداخليه 168 سم والعمق 30 سم
2- وجود قطعتين قطعه نوكيا بفيد بلاستك لسه شاريها وقطعه ترومان مخرج واحد
3- انا من الاسكندرية
4- الريسيفر بتاعى ترومان TM888

لو سمحتوا انا عايز اعرف
1- الطبق ده نوعه ايه مسطح ولا ايه
2- احسن قطعه ايه لو حبيبت اعدل عليها بفيد الومنيوم من اللى موجدين
3- ازاى اظبط المدار وانا عندر مشكله فى قمر السنتر لوجود ارتفاع فى البيت المقابل واخر حاجه بستقبلها قمر 26
4- انا عايز اتفرج على فيدات الكوره بس علشان مركب طبق صغير للنايل سات

اسف جدا انى طولت عليكم بس انا بحاول بقالى اكتر من شهرين وتعبت جدااااا

وشكراااااااااااا

[عاصفة الصحراء]

والله يا استاذ منسى الموضوع سهل ان شاء الله وهنوصلك للفيدات باذن ومشيئة الرحمن
1- رايى الشخصى الطبق عميق او مسطح مش هيفرق اوى فى الفيدات وشخصيا على طبق عميق 180 استقبل الفيدات باشارة عالية والحمد لله وعند زباين على اطباق مسطحه
2- البعد البؤرى وفقا لمعطيات حضرتك 58.8 (المسافة بين وش القطعة من الاسفل وبؤرة الطبق)
3- انتا تحتاج الى عدسة قوية والنوكيا انا لم اعدلها سابقا حتى اعطيك رايى فيها
ولكن اخى ابحث عن قطعة بريفكس اللبنى a1 وبعض الاخوة قالوا متوفر فى الاسكندرية
او تبحث بمحلات الدش عنها مستعمله او اوريون 0.35
والان الى ضبط الطبق (عدم وجود فتل بالطبق - ضبط الاذرع لتكون العدسة فى اتجاه البؤرة مباشرة )

طريقة ضبط الطبق
اليك طريقة استخدمها فى مثل هذه الحالات ربما يعارضنى فيها بعض الاخوة هنا لكنها تجدى نفعا معى والحمد لله ولن ابخل بها عليك
طبعا سوف تستقبل الفيدات على يوتلسات 10و7
هتظبط الطبق باستخدام التردد 11747 على النايل والعربسات ولازم تحصل على اشارة مرتفعة ومتساوية (متقاربة جدا)
ودى سهلة مش صعبة
بعد استقبال اشارة القمرين تذهب الى الهوتبيرد وتظبط القطعة عليه (مع الحصول على اعلى مستوى اشارة ممكن)
وترجع تشيك على عربسات ونايل سات
ان استطعت ان تنفذ ذلك ستحصل على اشارة الفيدات باذن الله تعالى
اعذرنى ربما لم استطيع ايصال المعلومة بطريقة اسهل او اكثر دقة
(فهذه ملكه من هبات الرحمن ربما لا املكها)

[mansy_ko]

جزاك الله كل خير

وشكرااا جدا لشرحك وطريقه تعاملك الراقيه

بس انا ليا استفسار فى تردد 11747 انا جبته بس على قمر اسمه بدر

ده كده صح ولا لا ؟

[mansy_ko]

والاشاره المرتفعه دى بتكون كام انا مش بيعلى عن 76 % على الترومان فى كل التردادت

[عاصفة الصحراء]

جزاك الله كل خير

وشكرااا جدا لشرحك وطريقه تعاملك الراقيه

بس انا ليا استفسار فى تردد 11747 انا جبته بس على قمر اسمه بدر

ده كده صح ولا لا ؟

صح يا غالى

[فني تركيبات]

والاشاره المرتفعه دى بتكون كام انا مش بيعلى عن 76 % على الترومان فى كل التردادت



بعد اذن ابو اياد وله كل الشكر للمتابعه
اخى الكريم
لو الريسيفر اعلى اشاره فيه 76%
عادى مش مشكله

المهم الاشاره تكون موحده بين النايل والعرب

[عاصفة الصحراء]

بعد استقبالك لعربسات 26 (بدر) والنايل سات والهوتبيرد ولو كلامك 76% على ترددات الاقمار التلاتة كدا يا غالى الخطوة الاخيرة وهى التقاط اقمار الفيدات وانتبه الى شىء مهم للقطعة دور هام فى هذه المرحلة كلما كانت جيدة كلما كانت النتيجة افضل
تفضل واقرأ هذا الموضوع عن الفيدات
خلاصة ضبط المدار واسرار استقبال الفيدات على طبق 180 جنوب الصعيد (http://www.masrawysat.com/vb/showthread.php?t=2358180)


ودا يا غالى فى محافظة قنا يعنى الاشارة عندك هتكون افضل

[mhamedzkria]

بعد اذنكو جميعا وعلى متابعه ممتازه اولا طبقك نوعه ايه وياريت ترفع صور لطبق يمكن يطلع بنجامين ولا نوع تعبان هيتعبك فى ضبط ممكن مايلقطش فيدات لردائه خامته وضعفه فى الاستقبال

[mhamedzkria]

افضل قطعه من راى قطعه الاريون وهى ممتازه فى فيدات - لازم تطبط البعد البؤرى وبؤره بعد بؤرى وهو خاص بدرعات البؤره وهو توجيه قطعه لبؤره طبق التى يتجمع فيها الاشاره الاتيه من القمر- لازم تكون القاعده تكون مضبوطه على ميزان مياه 100%100 اى خلل سيأثر على مدار - يوجه طبق بالبولار على قمر عرب سات 30 وهو قمر الجنوب الجغرافى او قمر منتصف القوس وهو اعلى قمر فى قوس المدارى لمنتطقتك كأنك بتطبط طبق ثابت وطبعا عندك مشكله فى قمر منصف قوس يبقى هتجيب طبق مع بولار على قمر 26 اللى هو بدر على ترد11747 كأنه قمر المنتصف وبعد ماتجيبه وانت خلف طبق تلف بولار ايضا كام سنتى نل حيه شمال وانتا ايضا عندك اشاره على قمر بدر وتابع اشاره بدر وتنزل للنايل ساتكل ما القمرين ميدوش اشاره عاليه تلف بولار ناحيه شمال لغايه مايلقط اعلى اشاره للنايل وبدر

[mhamedzkria]

معزه على خطأ كتابه لسرعه الكتابه

[عاصفة الصحراء]

بعد اذن ابو اياد وله كل الشكر للمتابعه
اخى الكريم
لو الريسيفر اعلى اشاره فيه 76%
عادى مش مشكله

المهم الاشاره تكون موحده بين النايل والعرب

بدون اذن استاذنا ابو افنان ومعلش المشاركتين كانو فى نفس التوقيت

patch_lov-patch_lov-patch_lov-

[mansy_ko]

الف شكر لحضرتكم وانا اسف على تاخير المتابعه لظروف صحيه لامى

وشكرااا لحسن ردكم على سؤالى برغم عدم وجودى

[عاصفة الصحراء]

الف شكر لحضرتكم وانا اسف على تاخير المتابعه لظروف صحيه لامى

وشكرااا لحسن ردكم على سؤالى برغم عدم وجودى

ولا يهمك يا غالى الاهم ست الكل والف مليون سلامة عليها

[mansy_ko]

حبيبى واستاذى ابو اياد لك كل الشكر

[mansy_ko]

انا حاولت انفذ كلام حضراتكم جميعا وحقولكم عملت ايه
كلام استاذ ابو اياد وابو افنان ظبطت الطبق على تردد 11747 على القمرين بدر ونايل سات وجبت اشاره 75 % على الاثنين والاوربى كمان .
كلام استاذ محمد زكريا بعد ماجبت تردد على بدر وخليت البولار فى المنتصف حركه كام سم والاشاره تمام علشان مشكله انى مش عارف اجيب قمر العرب سات 31.5
وكمان صورت الطبق لحضرتك علشان انا فعلا مش عارف نوعه ايه ومقاسه كام انا قسته من الحواف طلع 168سم دى كده يبقى طبق 180 ولا 160

انا محتاج رايكم اشترى غيره وارتاح ولا فى امل انا كده داخل فى اكتر من شهرين بحاول اظبطه ووحاول ارفع لحضراتكم صور للطبق

[mansy_ko]

http://www8.0zz0.com/2016/12/04/12/554357935.jpg (https://www.0zz0.com)
http://www8.0zz0.com/2016/12/04/12/402714768.jpg (https://www.0zz0.com)
http://www8.0zz0.com/2016/12/04/12/825271866.jpg (https://www.0zz0.com)
http://www8.0zz0.com/2016/12/04/12/355516177.jpg (https://www.0zz0.com)
http://www8.0zz0.com/2016/12/04/12/662027462.jpg (https://www.0zz0.com)
http://www8.0zz0.com/2016/12/04/12/154528778.jpg (https://www.0zz0.com)
http://www8.0zz0.com/2016/12/04/12/283838836.jpg (https://www.0zz0.com)
http://www8.0zz0.com/2016/12/04/12/873710920.jpg (https://www.0zz0.com)
http://www8.0zz0.com/2016/12/04/12/409545037.jpg (https://www.0zz0.com)

[mansy_ko]

صوره الطبق من الخلف ده كان على تردد 11747 على قمر بدر وكانت الاشاره 75 %

[عاصفة الصحراء]

اولا يا غالى القطعة اللى راكبة يوروستار ؟
ثانيا انتا متأكد ان القطعة مظبوطة على بؤرة الطبق ؟
لانى من الصورة شاكك فيها بصراحة .........
ثانيا قيس الطبق من الحواف الداخلية + عمق الطبق وطريقة القياس موجود بالمنتدى للعملاق المتألق ابو افنان ووافينا بالنتيجة وستجد الحلول ان شاء الله

[عاصفة الصحراء]

لو كانت القطعة اللى راكبه عندك مثل هذه القطعة فاضل تعديل لها كان على طول 10سم وكانت جيدة فى استقبال الفيدات ولكنه ليس مقياس لطول التعديل وعامة هى جيدة بدون تعديل
http://store2.up-00.com/2016-12/1480847661361.jpg

http://store2.up-00.com/2016-12/1480847783451.jpg

[mansy_ko]

القطعه نوكيا بفيد بلاستك لسه شاريها من اسبوع
مقاس الطبق من الحواف الداخليه 168 سم والعمق 30 سم
ومش عارف بؤره الطبق ده صح ولا ؟