عندى مشكلة قمر استرا 23

[amar_2009]

انا عندى طبق متر ecc قاعد اكتب كذا تردد لا يمكن يجيب اشارة خالص اجيب قمر نايل سات بيتشتغل زى صاروخ اشارة 75 كمان ع تردد 11747 عمودى 27500 اى العدسة ولا لازم العدسة ترومان عشان تجيب اشارة انا عندى العدسة عاديه اسمها درك واحده تانى كمان مش عارف اسمها ايه كل حكاية انا كنت عاوز اظبط قمر استرا 23 واحط قمر يوتلسات 16 ع اليمين وياريت ياجماعة الصوره انا فوق السطح دلوقتى عاوز حد يقولى بس اتجاه العدسة ازاى

[احمد محمود عبد العاطي]

من الاخر يا اخي صعب تجيب اشارة لاسترا 23.5
علي طبق متر ecc ممكن يجيب مجموعة قنوات ليست
بالهامة فنصيحة مني اشتري طبق متر برفكس
واعمل الاتي زي اللي في الصورة دي

http://www2.0zz0.com/2016/11/18/02/979321575.png
ولاستقبال استرا 19 سنتر

اقوي تردد 11856 عمودي 27500
اضعف تردد 11800 افقي 27500

ولاستقبال استرا 23.5 شرقا

اقوي تردد 11973 عمودي 27500
اضعف تردد 12073 افقي 27500

ولاستقبال يوتلسات 16 شرقا

اقوي تردد 12656عمودي 4880
اضعف تردد 11046 افقي 10555

وسيب طبق المتر ecc علي النايل سات كما هو

وكمان انتظر راي عملاقة التركيبات عيردوا ويقولوا لك ايه
انت بتقول علي السطح انتظر شوية ليردوا عليك

[amar_2009]

الله ينور عليك استاذ احمد اقوي تردد 11973 عمودي 27500 اشتغل ميه ميه جايب اشارة 70 حاولت ازودها مفيش فايده قولت خلص اسبها كده بس انا عاوز افهم ده تردد بتاع قمر استرا 23 مش بتاع قمر تانى صح كده طيب بنسبة كتب تردد يوتلسات 16 عملت مسطره كل حاجة بس مش جايب اشارة خالص ممكن تدينى تردد واحد تانى وبعدين استاذ احمد مش المفروض تزميز بقى فى خمسة ارقام صح ولا اصل انا كتب 04880 تمام كل حاجة بعد ما دوست اوك طلع 4880 مظبوط بس حاولت معاها كتير مفيش فايده ياريت تقولى دلوقتى الله يبارك وشكرا

[احمد محمود عبد العاطي]

انت استقبلت كام قناة من استرا 23.5 وعلي طبق ايه

اقوى تردد للقمر استرا 23.5 شرق
11836
افقى
27500

اقوى تردد لاستقبال القمر يوتلسات 16

11221
افقى
30000

اضعف تردد


11054
افقى
2894

[احمد محمود عبد العاطي]

انت عامل سنتر الطبق ايه

[احمد محمود عبد العاطي]

جرب الترددات الاتيه في يوتلسات 16 جابت اشارة

بعد وضع اقوي تردد 11221افقى30000

تردد قنوات بينك pink 11151 V 13268
تردد به قنوات رياضية مهم 11512 H 30000
وايضا تردد به قنوات رياضية مهم 11595 H 30000

جرب ورد عليه

[احمد محمود عبد العاطي]

وكمان علشان تستقبل يوتلسات 16 هات له قطعة صغيرة وشيل منها الكفر اللي عليها

[amar_2009]

مش بقولك انت مهندس احمد بنسبة استرا مش عملت عليها بحث انى عملتها قبل كده جايب الاشارة 70 بنسبة يوتلسات 16 جايب اشارة 66 ع تردد 11221 الحمدلله انا بعمل بحث معلش كنت فوق السطح والله ونزلت قولت عشان ارد عليك هوريك الصوره دلوقتى بس انت ماشاء لاقوة الا بالله بدينى تردد بتاع قمر نفسو مش اجى اكتب تردد يظهرلى الاشارة اجى اطلع منها يقولى لا يوجد الاشارة اروح ع قمر تانى لقيها شغالة اقول تردد ده مش بتاع قمر ده بس انا عاوز جدول ترددات كلها عشان عاوز احفظها بعد كده لو حبيت اركب قمر بعد كده ابقى عارف ياريت لو تخدمنى يا بشمهندس احمد بص سنتر قمر استرا 23 وع اليمين يوتلسات 16 http://www.3rbz.com/uploads/9a92dd224d651.jpg

[amar_2009]

نسيت اقولك يا بشمهندس احمد دلوقتى مش انت متخصص فى الموضوع الاشارات يعنى مثلا تردد 11221 طبعا ع حسب طبق بس انا عاوز افهم كل حاجة هل طبق متر مثلا وانت بكتب تردد الموضوع يكون اشارة كام طيب سؤال واحد تانى هل طبق برفكس هجيب نفس الاشارة طبق ecc ولا هتبقى مختلفه شوية يعنى مثلا طبق برفكس ممكن يكون الاشارة اعلى من طبق اى سى سى اقل شوية فى اشارة

[احمد محمود عبد العاطي]

يا اخي انا مش فني تركيبات انا الحمد لله عندي خبره وبالنسبة لاحسن الاطباق هو برفكس من حيث الاشارة اي طبق تاني ترميه في الزباله زي ecc والاسمارت والله الفني الزفت اللي جالي اخر مره دبسني في طبقين سمارت وكمان طماع في الفلوس بياخد اكتر من اللي بيعمله انا وراه لحد ما يبطل الشغل ديه اللي هو عامل فيها استاذ انا افضحه في كل مكان الفاشل ده كل لما اوجهه لا يقبل التوجيه ويححج ب 100 حجه معندوش فكره اقوي تردد واضعف تردد والله م اسيبه الفاشل ده

[amar_2009]

والله استاذ احمد انا عارف ان برفكس احسن حاجة وجميلة جدا جدا رغم انا بدور ع طبق 180 كبير بس عاوز اشوف حاجة نضيفه مش يكون فيها مشاكل خالص بدل انا مركب ثلاثة طباق مترات قولت كل ده ملهاش اى لازمه بس الاسعار مولعه اوى ف مش عارف اعمل ايه ايه احسن العدسة بنسبة طبق 180 ايه انواع نضيفه فى خامه طبق انها تعيش ع طول بنسبة يااستاذ احمد هل طبق برفكس 180 احسن من طبق ecc اصل انا كنت بشوفهم الاتنين نفس شبه نفس تركيبه انما طب برفكس متر مختلفه عن طبق ecc

[احمد محمود عبد العاطي]

اولا طبق ecc اللي يقال عليه متر هو مش متر هو 78 سم
وبيضاوي وليس بكفائة البرفكس المسطح
ثانيا دور علي برفكس اي كان حجمه متر او 180 سم
ثالثا القطعة احسن نوع هي برفكس اللبني القديمة
وربنا يوفقك يا اخي

[amar_2009]

طيب نفسى اتعلم تركيب طبق 180 انت بظبط انا الاول حاجة عرب سات مش هما ثلاثة قمر وبعد كده تركب موتور بس قبل ما تركب موتور مش انت بظبط الارقام قمر ثلاثة

[احمد محمود عبد العاطي]

والله انا مش فني تركيب انا اتعلمت بعض الملاحظات المهمه من عمالقة مصراوي منهم ابراهيم جمعه (ابو افنان ) واحمد انور و المشرفين هنا بس كده دول اللي تتعلم منهم اقرا لهم وشوف بيعملوا ازاي عينفعوك
في قسم : تركيبات الدش و الشبكات المركزية
وقسم: اهم الموضوعات و الشروحات المصورة بقسم تركيبات الدش

[amar_2009]

اشكرك جدا جدا استاذ احمد ع مجهودك جميل ده باين عليك انك انسان محترم وصريح جدا انا اعرف ابو افنان بس لكن الناس تانيه مش اعرفهم بس انا كتب الموضوع بردو كيفيه التركيب الطبق 180 المتحرك عاوز ابدا بس من قمر عرب سات 26 ولا قمر بدر 30 ازاى اسبتها ع قمر فى الناس تقولك انت بدأ بى قمر هسباسات 30 فى الناس تقولك لا فى قمر اسياسات ف انا مش عارف اعمل ايه بظبط وياريت تدينى شوية ترددات يعنى انا عاوز قمر الاذرى تردد بتاعها زى ما انت ادينى ترددات بتاعتها هى عشان عاوز اكتبها ورقه وقلم والف شكرا

[احمد محمود عبد العاطي]

الله يكرمك - انا اجمعلك كل حاجه باذن الله بس مش دلوقتي كل
الترددات القوية والضعيفة التي تحتاجها علي مختلف الاقمار
واهم شئ المتاح عندي يعني بمجرد ما تكتب
اقوي واضعف تردد يبقي القمر جه معاك بس اهم
حاجه تعرف اتجاهات القمر من خلال الصور المتاحه والله اعلم

[احمد محمود عبد العاطي]

والله اعلم ممكن يكون كلامي صح و غلط
لان انا مش فني تركيبات انا اديك الخلاصة اللي تنفعك

[احمد محمود عبد العاطي]

البداية مهمه قبل الترددات اتفضل بالمرفقات

[hesin]

الكلام جميل بس استرا 23 مينفعش فى مصر غير طبق 120 وما فوق حسب ما كلام كل فنى التركيبات

[احمد محمود عبد العاطي]

اخي amar_2009
علشان انا وعدتك باقوي واضعف الترددات
وبالاضافة لمجموعة من الصور سوف تحتاجها عند التركيب م الاخر

ويتبع بالمرفقات