موضوع للنقاش حول تعديل الانفرتو بلاك

[mahdysat56]

الاخوة مشرفى القسم الافاضل وكل من قام بتعديل تلك القطعة الدخول وعرض تجربة التعديل وان امكن بالصور وكذا النتائج بعد التعديل حتى يتسنى لكل الاعضاء الاستفادة واتخاذ القرار الانسب وخاصة على الاطباق الغويطة مقاس 240 لمعرفة الطول المناسب والانسب لان تلك القطعة اصبحت الان غالية الثمن ولعدم اتلافها هذا النقاش للاساتذة ابو افنان -عادل عامر-جوهر كامل -طارق السقا -وليدعمر وكل من لة التجربة خوفا من النسيان ولكم كل الشكر والتقدير

[جوهركامل]

انتظرنى ثوانى هرفقلك صور

[جوهركامل]

http://e.top4top.net/p_341jguq81.gif

http://c.top4top.net/p_341uruhd1.gif

http://c.top4top.net/p_341s93b11.gif

شوف الصورالاول وهشرح لحضرتك

[جوهركامل]

تحياتى استاذمهدى الرجل المحترم

اولاتعديل الانفرتولهاكذا طريقه
ومنها من يدخل الفيدحشرفى الانفرتو
بعدبردجزء من فيدالفوجى لتسهيل عمليةالدخول فى الانفرتو

لكن انابصراحه فضلت الطريقه اللى ارفقتهالحضرتك بالصور لسبب

الطريقه ان حلقات الفوجى يتم فصلها عن الماسوره نهائى
ويتم عمل القلاوزمن داخل الحلقات وطبعاتترك الجزءالبارزدون قطعه
لأنه هيسهل لحضرت المسافه اوالطول اللى انت عايزه فى التعديل
بمعنى
حضرتك لاحظ فى الصورعندى طول الانفرتو والماسوره هتلاقيهم9.5سم
لوانادخلت الماسوره فى الحلقات المقلوظه لحدآخرهاهيكون التعديل 9.5سم

طيب لوانادخلت الماسورالمقلوظه فى الحلقات ليس لأخرها
هتعطينى طول اكترمن11سم من بدايةالانفرتولحداخرالفيد
الميزه هنا كل مااربط الحلقات هيقل الطول اوالمسافه
يعنى ممكن اخليهامن اول9.5 الى12وكسوركمان لأن الحلقات من الداخل فيها طول
واناعن نفسى معدلها على10سم
واقدراتحكم ممكن اخليها10.5 اواقل اوازيد

والطريقه ده مميزه للوصول اوتجربةافضل تعديل

ملحوظه أخى
القطعه الانفرتو حساسه جدا جداعندقطعها
السبب ان عندقطعك بمنشارالقطعه من الداخل بهابورده قدتأثرعلى الابرتين
مش كمايقال تبوظ علشان لولمست الابرتين
لأننا اصلالمابنقطع كده كده بنحاول نبعد عن الابرتين
لذلك البورده الداخليه هى المشكله

ومعاك تانى فى اى سؤال

[waleed omar]

طبعا شرح مميز من الاستاذ مسعد جوهر
وشكراااااااا للاخ مهدى على الثقة الغالية
وبالنسبة لتعديل الانفرتوا بلاك الترا البلاستيك مازالت فى طور التجارب وقد لاتفيدك كثيرا لان التجربة عندى على طبق 180 ولذلك تابع تجربة الاخ مسعد جوهر على طبق ECC 240 وتجربة الاخ علاء على طبق 240 باركليبس وتجربة الحاج عبده فودة على طبق 240 وتجربة الاستاذ عادل عامر على الطبق 240 باركليبس وباقى التجارب على الاطباق المماثلة فى الحجم

[mahdysat56]

اشكركم جميعا على سرعة الرد والان ننتقل للجزء الاهم كيفية تركيبها على الازرع والفلنشة واتجاة العدسة على الفلنشة هل تكون لاعلى او فى المنتصف او لاسفل لانى شفت مشاركة للحاج عبدة فودة وينصح فيها بتتطويل الدراعات علشان القطعة تكون مرتفعة لاعلى واحنا دايما بنحافظ على البعد البؤرى مثال طبقى 240 بيرفكس من الحواف الداخلية 228 والعمق 45 يعنى هنا البعد البؤرى 72 مطلوب من حضراتكم الرد ولكم تحياتى مع العلم بأن طول الدراعات 80 سم

[waleed omar]

تمام زى ما ذكرت انت ان البعد البؤرى لطبقك 72 سم تقريبا
لكن طول الدرعات اقل من المطلوب اذا كنت تبحث عن الترددات الضعيفة او الاستقبال المثالى حيث من المفترض اضافة 4 او 5 سم او 6 سم للبعد البؤرى لتكوين الدرعات بدون التنيات وبعدها يتم اضافة طول التنيات
وبالتالى طول الدرعات حتكون 77 سم من غير التنيات و83 سم باضافة التنيات

[mahdysat56]

استاذ وليد الدراعات اللى عندى 80 سم صافى من غير التنيات هذا للعلم ونحن متواصلون معكم

[waleed omar]

لو الدرعات دى تفصيل تبقى اكبر من الطول المفترض لان الطول المناسب هو 77
واذا كانت الدرعات الاصلية للطبق فاكيد قطر الطبق 230 لان البعد البؤرى حيكون 73.5 سم تقريبا وبكدة الدرعات حتكون تمام

[Ahmed Yousry 81]

كم ثمن الانفرتو حاليا
والفوجى الاصلي

[mahdysat56]

استاذ وليد فعلا الدراعات تفصيل وعاوز اؤكد لك ان الطبق بريفكس الطول الخارجى 240 سم ومن الحواف الداخلية 228 والعمق 45 سم ةكما ذكرت لك من قبل ان طول الدراعات بدون التنيات 80 سم متواصل معكم

[جوهركامل]

حبيبى استاذوليد هستأذنك اردعلى جزئيه مفيده آثارها استاذمهدى

تطويل الدراعات بمقدارمقبول افضل من ان تكون قصيره كلام صحيح
لأنى انالاحظت من تجاربى البسيطه فى التعديل
ممكن القطعه لاتلتزم فى البعدالبؤرى الصحيح خاصةفى التعديل
بل ممكن تكون متقاربه نسبيامن البعدالبؤرى
سيان تخطيت البعدالبؤرى فى علوالقطعه اونزولها

لكن البعدالبؤرى نظريه صحيحه100%
فى حالةتكون القطعه غيرمعدله وجايه من مصدرها على وضعها
لكن الكلام ده بيكون صحيح 100%فى الاطباق الاوربيه(التزم البعدالؤرى لأفضل النتائج)

لكن عندناهنافى الاطباق المصنعه فى مصر
هتلاقى ممكن على القطعه الغيرمعدله من مصدرهايعنى
ممكن نلتزم بالبعدالبؤرى وممكن نتخطاه كمان ب1سم ول2سم
بصراحه مش عارف ليه هل الطبق مفتول ولافرق تصنيع ولاأيه

هستأذنكم عندى مشوارضرورى ومتضراعمل خروج
واى ملحوظه وانا راجع ممكن أتابع بأذن الله

[mahdysat56]

على قياسات طبقى هذا ماهو الطول الانسب للدراعات بدون التنيات ولكم تحياتى

[mahdysat56]

اين ردود استاذنا ابو افنان والاستاذ عادل عامر ورئيهم فى هذا النقاش

[فني تركيبات]

اين ردود استاذنا ابو افنان والاستاذ عادل عامر ورئيهم فى هذا النقاش


بالنسبه للقياسات لطبقك
البعد البؤرى = 72
طول الدراع بدون التنيات = 78
طول الدراع بالتنيات = 84

[waleed omar]

متابعة ممتازة أبو حازم ولك مطلق الاضافة والمشاركة ولاننا نستمع بتحليك فى المجال من خلال تجارب واقعيه وحسن سرد الافكار
وللاخ مهدى جرب الدرعات بتلك المقاسات واذا لم تصل لنتائج مرضيه فعليك تقصير الازرع بعد عدة تجارب

[mahdysat56]

استاذ وليد ماهو الوضع الامثل للقطعة داخل الفلنشة هل بالوسط ام مرتفعة ام منخفضة من حيث الطول ولك تحياتى

[فني تركيبات]

استاذ وليد ماهو الوضع الامثل للقطعة داخل الفلنشة هل بالوسط ام مرتفعة ام منخفضة من حيث الطول ولك تحياتى



هذه الجزئيه ليست ثابته
ولكن انت من تتحكم فى المكان الصحيح للقطعه
اذا كانت للاعلى او المنتصف او الاسفل
اهم شئ الاشاره الممتازه هاتكون فين

[waleed omar]

هذه الجزئيه ليست ثابته
ولكن انت من تتحكم فى المكان الصحيح للقطعه
اذا كانت للاعلى او المنتصف او الاسفل
اهم شئ الاشاره الممتازه هاتكون فين


patch_lov-patch_lov-patch_lov-

[mahdysat56]

شكرا ليك ابو حازم على سرعة الرد ولك جزيل الشكر