عطل في تلفزيون تليمصر 20 بوصه موديل cf-2

[masmas8]

تلفزيون تلمصر 20 بوصه موديل cf-2 عند توصيله بالتيار الكهربي يضيء الليد الأمامي ولا يعمل الجهاز ولا يوجد صوت ولا صورة وتسمع صوت كأن الجهاز يعمل , صاحب الجهاز كان بيقول أنه بيفضل فترة علي ما يشتغل وفتيل الشاشه الخلفي لا يضيء , أرجوا من أعضاء مصروي سات الكرام توضيح سبب العطل أو من أي مكان أبدأ العمل في صيانه هذا الجهاز وإليكم بيانات الشاسيه الداخلي
آيسي العمليات
Toshiba TA8690An
آيسي البورالرئيسي
STR S6707
آيسي بور اللاين
D2499
آيسي الفرتكال
Toshiba TDA 8495
آيسي الصوت
TDA2006
ولكم جزيل الشكر والإمتنان

[حافظ السويد]

ابدل المكثفات التالية بجانب الSTR
C820
C825
C826
وجرب واخبرنا

[masmas8]

حافظ باشا , مساء الخير يا غالي ,جاري التجربه

[masmas8]

وربنا أستااااااااااااااااااااااااااااااااااااااااااذ ورئيس قسم , أشتغل من أول لمسه , بس مش مهم عندي أنه إشتغل أنا الأهم عندي أعرف السبب علشان أتعلم وأقدر أفيد غيري فياريت لا تبخل عليا يا غالي وجزاك الله كل خير والله بعزك جدا وبتمني أتعرف علي حضرتك أكتر وياريت تكمل فضلك عليا وتعرفني السبب

[حافظ السويد]

سبب ايه الذي انت عايزه
السبب المكثفات التي قمت بابدالها
مبرووووووووووووووووووووووووووك
الاصلاح
واتمنى لك التوفيق دائما
تقبل تحياتي

[masmas8]

يا بشمهندس حافظ جزاك الله خير أنا عايز أعرف من حضرتك المكثفات دي قيمتها صغيرة جدا ,إيه السبب في إنها منعت الشاشه والشاسيه أنه يعمل بالرغم من أنها مش متحكمه في فولت عالي هوا ده المطلوب علشان مش عايز أكون بس مجرد آله تعمل أنا عايز أستفيد من حضرتك وأعرف كل عطل وليه العطل ده حصل بس وده طلب من حضرتك مش أمر وبجد مرسيي جدا علي ذوقك في الرد والتعاون بجد

[حافظ السويد]

المكثفات
عند عطبها مهما كانت قيمتها كبير او صغيرة
تسبب في عدم عمل الSTR بشكل طبيعي
وذلك تخفض قيمة الجهد او الامبير الخارج من الشوبر
مما يسبب في عدم اقلاع الجهاز
وفي بعض الاجهزة تكتم جهد خرج الشوبر نهائيا
تقبل تحياتي

[masmas8]

معلش يا بشمهندس حافظ الصورة بتهتز وتيجي خطوط علي الشاشه وتختفي لحظة , والخطوط بتيجي عند التخبيط علي الشاسيه , كده يبقي في أرجل سايبه ولا إيه بالضبط , معلش هتعبك معايا

[حافظ السويد]

اعيد اللحام على اطراف اللاين
والمكثفات التي بجواره
واخبرنا

[masmas8]

أعدت اللحامات علي أرجل اللاين والمكثفات المجاورة وغيرت أيضا مكثف 160/100 لأنه كان رجله سايبه من المكثف نفسه وبرضوا مفيش فايده الصورة ترتعش وييجي فيها خطوط وبعدها من شده الإرتعاش الخطوط تحجب الصورة وتيجي وعلامه AV تيجي معاها

[حافظ السويد]

اعد اللحام على اطراف جاكات الصوت والصورة
وتاكد من الوصلة بين الريسفر والتلفزيون

[masmas8]

الوصله تمام جدااااااااااااااااااااااا من بتاعه زمان اللي كانت بتيجي مع التلفزيون وشغال بيها من فترة وأرجل جاكات الصوت والصورة سليمه وكلمه AV بتيجي لما الصورة بتقطع من كتير الخطوط لما تزداد وده اللي مخليني متاكد أنه العيب مش وصله ولا أرجل جاكات

[masmas8]

التلفزيون من غير توصيل جاكات الصوت والصورة , الشاشه بتهتز وتيجيب شاشه بيضه وتختفي وتهتز بإستمرار , أرجوا الرد والمتابعه

[حسين31]

غير مكثفات خروج الشوبر
و250 فولت بجوار الين

[masmas8]

حاضر وجاري التجربه

[masmas8]

غير جميع مكثفات خرج الشوبر ومكثف25/10 بجوار اللاين ويعتبر أعدت لحامات علي الشاسيه بالكامل حتي آيسي العمليات ومفيش أي فايده , فهل من جديد , أنا خلاص جبت أخري في هذا الجهاز

[masmas8]

التلفزيون جاب شاشه بها خطوط بيضاء وقطع صوت , أرجوا من أعضاء مصراوي سات الالمتابعه معي لأني بجد زهقت من الجهاز ده

[masmas8]

آسف جدا أخر إضافه للعطل عند الضغط علي الشاسيه لأعلي من ناحيه مخرج الأر إف الصوت بييجي لكن الصورة ستارة بها خطوط بيضاء

[masmas8]

أخر حاجه واقف عليها الجهاز ستارة بيضاء على شاشه التلفزيون ولا يوجد نمش والفولت علي المكثف 250/10 في حدود 5 فولت فقط والدايود الموصل عليه سليم والمقاومه المتصله مع الدايود والرجل 180Y في اللاين قستها جابت رقم غريب جدا 48 ميجا والفولت علي رجل اللاين 180Y في حدود 110 فولت أرجوا المتابعه من الأخوة الأعضاء ومتنظر الرد , وشكرا جدا للمساعده

[حافظ السويد]

اذا كان لايوجد سوى 5 فولت على المكثف
ابدل المقاومةFR421 وقيمتها0.47اوم
ركب مقاومة 1 اوم
الوانها بني اسود ذهبي ذهبي
وجرب واخبرنا