محتاج مساعده في نوع عدسه ودايسك

[mickmar]

انا عندي كارت دش تي في اي اتش دي كنت مركب عليه طبقين واحد 70 وعليه نايل وواحد متر عليه اوربي لقيت الاوربي بيقطع جامد
المهم الفني قالي هات طبق 130 المجوف وركب عليه نايل واوربي ومش هيقطع خالص
جبت طبق 130 مجوف وركب النايل والاوربي عليه الغريب ان برده في تقطيعات علي القنوات المهمه علي الاوربي زي كانال 1 و2 والفين
جبت واحد فني تاني قالي الدايذك محروق وشوفته فعلا محروق جبت واحد
جديد التقطيعات قلت جدا بس الاشاره مش مرضيه انا حاسس ان العدسه
بتاعه الاوربي مش قوي لان قناه اليفين بتيجي اشاره عاليه وفاجاه تقل
خاصه العدسه قديمه والغطاء بتاعها مكسوروالنوع بتاعها مش قد كده
المهم امبارح القمرين فصلوااا
جبت الراجل لقي الدايزك محروق برده راح موصلي النايل مباشر
وجايب الدايزك في ايده
المهم المكان دا ايجار ومش عايز اصدع صاحب البيت تاني
المطلوب نوع دايزك كويس ونوع عدسه كويسه اركبها اوربي بحيث ماتقطعش
وليه الديزك تحرق؟؟؟
وشكرا جزيلا

[فني تركيبات]

مشاكل الدايزك
لان الفنى بعد تركيبه يتركه مكشوف للعوامل الجويه
واهم اسباب حرق الدايزك مياه الشتاء
ولكى تحافط على الدايزك بعد تركيبه ادخله فى كيسه بلاستيك ولف عليه شيكرتون
وافضل انواع الدايزك الترومان وستار سات ودريك
وافضل انواع القطع ستار سات - كيوماكس - بريفكس - ترياكس

[mickmar]

مشاكل الدايزك
لان الفنى بعد تركيبه يتركه مكشوف للعوامل الجويه
واهم اسباب حرق الدايزك مياه الشتاء
ولكى تحافط على الدايزك بعد تركيبه ادخله فى كيسه بلاستيك ولف عليه شيكرتون
وافضل انواع الدايزك الترومان وستار سات ودريك
وافضل انواع القطع ستار سات - كيوماكس - بريفكس - ترياكس


شكرا لاهتمام حضرتك
ومعلش كنت مسافر ولسه جاي وشايف رد حضرتك
بس عايز اعرف الشيكرتون دا هو البلستر البني العريض ولا الشفاف
وشكرا جزيلا

[المهندس/احمد جمال]

لازق كهرباء

[mickmar]

طيب مالقتش غير دايزك بيقولو انه اسباني اسمها telefez
وب35 جنيه الباقي كله انواع عاديه زي فيجه وكدا
والعدسات لاقيت انواع عاديه زي رويال واتش دي
ولاقيت نوع بيقواو انه نضيف اسمه ستاربورت ب50 جنيه
جبتهم والفني هيجي بعد ساعه لو حد عنده خلفيه عن
الديزك والعدسه انهم مش كويسين يقول ممكن ارجعهم
الصبح واخلي الفني يجي بكره

[المهندس/احمد جمال]

كله صينى ياغالى اتبع كلام استاذ ابو افنان ودريك صف واحد كويس

[saper]

طيب بعد متخلص عرفنا النتيجة

[فني تركيبات]

ودريك صف واحد كويس


يعنى ايه صف واحد ياابوحميد

[المهندس/احمد جمال]

والله ابو افنان انا فى الشركه اما اروح هرفعلك صوره فى هو مخارج ديزك الاربعه جنب بعض ومعاهم مخرج اللى نازل الرسيفر و ديزك مغطى بطبقه بلا ستيك

[المهندس/احمد جمال]

اعزرنى ابوافنان أنى لا احدد فى اول مشاركه صف واحد دا ايه قطعه ولا ديزك لانى بكتب من تليفون

[mickmar]

المشكله مش لاقي الانواع اللي الاساتذه بينصحو بيها
ولما بصيت في الديزك اللي اتحرق عندي لاقيت واحد فيهم
دريك بس صفين مش صف واحد بس النوع الي جبته
اللي يقولو انه اسباني شكله نضيف وصف واحد وعليه طبقه بلاستك مغطيه
انا قلقان من العدسه ستاربورت ....
علي العموم هاركبهم النهارده وربا يصلح الحال واقولكم النتايج

[MIZOZ7]

هات قطعة ستار سات او ترومان من باب اللوق دول افضل حاجة حالياً والدايزك عليك بالترومان

[mickmar]

ركبت الديزك والعدسه اللي جبتهم والحمدلله الاشاره استقرت
تماما وذادت 10 درجات علي تردد بين سبور الفرنسيه واليفن
شكراااااا لمساعدتكم جميعااااا

[محمودماهر]

كل العدسات كويسين المهم تبعد عن ماركة بريفكس لانها بتبقى شغاله فى الاول كويس وبعدين بتسيح من الشمس وتفضل تلوق وترددات هاتيجى معاك عاليه وترددات تانى بتقطيع او هى اصلا بتيجى بايظه فالاحسن تبعد عن النوع ده لان المستفيد الوحيد منه هو البائع لما تبوظ بسرعه البياع هايبيع كتير فيكسب كتير
انا عندى عدسه باراكلبس مركبها بقالى ست سنين وشغاله كويس
ال اتش دى حلوه برضه انا مركبها فى دش منذ حوالى تلات سنين وشغاله كويس جدا ومفيش اى ملاحظات عليها
المهم كمان بعد العدسه نوع سلك الاشاره لان فيه منه ردىء وبيتقطع بسرعه
هو كل اللى فى السوق اه حديد مطلى بس انت اختار السلك التقيل سيبك من اللى هايقولك عليه البياع امسك السلك لاقيته تقيل اشتريه خفيف قوله شكرا لان الغالى تمنه فيه والرخيص غالى لان عمره الافتراضى قليل

[المهندس/احمد جمال]

هل ديزك دا اللى استخدمته دريك صف واحد
http://www.3rbz.com/uploads/6eb715f3eec21.jpg (http://www.3rbz.com/)مركز تحميل الصور (http://www.3rbz.com/)