عايز رائيكم فى هذه الشاشه

[عصام صلاح]

قمت بالامس بشراء شاشه 58 بوصه موديل ua58j5200
فول اتش دى بسعر نار 16500 سمارت ولكن للاسف صورتها وحشه جدا مش عارف ده عيب فى الشاشه ولامش عارف اضبط الالوان
برجاء الافاده
1-هل هى غالية التمن
2-هل الصوره سيئه وغير واضحه ده عيب فى الشاشه ولا انا مش عارف اضبطه
برجاء الافاده لانى نادم وبالاخص سعرها غالى جدا
وشكرا

[bebo606]

استاذي الفاضل / اولا : الف مبروك

ثانيا : شاشة حضرتك وكل الشاشات من تقنية full hd --- و كمان UHD -- وكمان SUHD -- كلها شاشات ممتازة وروعة

ثالثا : كما قلت من قبل كثيرا لابد من توافر ما يلي لكي تحكم على الشاشة

1- رسيفر hd بجد يكون رسيفر محترم مش الرسيفرات الزبالة اللى عندنا في مصر هتقول حضرتك ان مكتوب عليها full hd طبعا دا كله نصب

2- يكون فيه كابل hd محترم وليس الكابل ابو 5 جنيه

3- تشغل الشاشة على قنوات hd على اي قمر غير قمر النايل سات مثلا على القمر الاوربي او 16 شرق او 19 شرق وغيرهم

غير ذلك هتلاقي الصورة سيئة جدا وهتزعل على الشاشة والفلوس اللى دفعتها فيها

اطمئن شاشة حضرتك زي الفل وفلوسك لم تذهب هباء لكن وفر للشاشة كل ما ذكرته وساعتها هتشوف صورة نقية جدا جدا

تحياتي لحضرتك

[التركي]

دي سيريس 5 بتكون جودتها متوسطة ولكن ليست رديئة كما تقول .... بس معلش حضرتك غلط انك تجيب شاشة بالسعر دي ومش فوركي او سيريس عالي زي 6 او 7 بدال عايز تجيب سامسونج

[عصام صلاح]

الف شكر على الرد
ممكن حضرتك ياستاذ/بيبو ترشحتى اسم ريسيفر محترم فى مصر
ولك تحياتى

[bebo606]

للأسف استاذي الفاضل كل الاجهزة الموجودة في مصر صورتها سيئة جدا على هذه الشاشات
لكن يوجد رسيفرات الدريم بوكس والفيو بلاص ودي سعرها يبدأ من 5000 جنيه وينتهي بـ 15 الف جنيه

يوجد كمان اجهزة الهيوماكس صورتها جميلة جدا لكن لايوجد بها ***** ولا قنوات ****

عندي رسيفر he@d v5 صورته معقولة وكويسه == لكن حاليا لا اعرف مكان بيعه او وصل سعره كام

تحياتي لحضرتك

[عصام صلاح]

الف شكر استاذى الفاضل/بيبو
على معلوماتك القيمه وربنا يبارك فى حضرتك