تسجيل الدخول

مشاهدة النسخة كاملة : استفسار عن تغيير اسم مولود 3 سنوات


عماد شعبان ر
2017/02/12, 06:01 AM
ارجو الافاده ايه اجراءات تغيير اسم مولود من ناصر الى يونس ايه الاجراءات والاب يروح بالاوراق لوحده ولا لازم الام والاب مع بعض لمصلحة الاحوال المدنيه التابعه لمحل ميلاد ارجو الافاده

waleed omar
2017/02/17, 12:20 AM
الاب والام ويكون معاه جميع الاوراق المطلوبة ويتوجه للسجل المدنى التابع له محل ميلاد الصغير ويقدم طلب تغير اسم الولد
ووجود الام ضرورى لقبول طلب التغير فاعتبارها موافقة على تغير الاسم وعلى علم بذلك فى بدايه الامر
والاوراق عادة هى صورة بطاقة الاب والام وشهادة ميلاد كمبيوتر للصغير وشهادة ميلاده الورقيه وقسيمة الزواج وصور لكل منهما
البدايه - تاخد الاوراق وتروح السجل المدني تطلب منهم ورق هتروح بيه مديرية الامن - اسمه طلب استعلام ميلاد ووفاة ودول ورقتين ( واحدة ميلاد وواحدة وفاة)علشان يتأكدوا ان مفيش حد مولود ولا متوفي بالاسم اللي اخترته
2- تروح مديرية الامن تقدم لهم طلب الاستعلام وتاخد منهم ورقيتن بتوع الاستعلام
3- ترجع تاني للسجل المدني تقدم لهم الورق المكتوب فوق ومعاه الاستعلامات
4- هتاخد ايصال ويقولك استني اسبوع او 10 ايام وتعالي شوف طلبك خلص ولا لسه وممكن شهر
5- لما يوصل هتاخد طلب تغيير الاسم في الكمبيوتر وتوديه للاحوال المدنية تااااااااااااااااااني وتاني يوم تروح تطلع شهادة ميلاد جديدة

waleed omar
2017/02/17, 12:22 AM
وفى حالة رفض طلب التغيير تقوم برفع دعوى قضائية بطلب تغيير اسم ابنك

عماد شعبان ر
2017/02/18, 05:07 AM
شكرا على الرد دا الموضوع طلع كبير الف شكر