المساعد الشخصي الرقمي

مشاهدة النسخة كاملة : السادة المشرفين و المهندسين الافاضل التكرم منكم بالمساعدة....

kovomonmon
2017/02/25, 02:28 PM
انا عايز اركب قمر الهسباسات و عندى طبق متر....
وطلع عينى عشان القطة ومش عارف قلت اجيب واحد بتاع دش قالى هاخد 150 جنية عشان يركبه !!!!!!!
طبعا استغربت جدا
وبالاخص انى قريت هنا فى المنتدى الكريم ان تركيبه سهل جدا ...
فأرجو منكم تقولولى اضبطه ازاى بالضبط و بالتحديد ويا ريت لو تكرمتم بالصور لانى مش متخصص اوى فى التركيب بس انا مركب عندى طبق تانى عليه هوت بيرد و نايل سات و يوتل سات 16 و انا اللى عاملهم بس الطبق التانى ده هو و القمر الهسباسات ده تعبنى جدا و عقدنى جدا جدا جدا ........
ابومختار
2017/02/25, 02:41 PM
وليه يا عم كل ده 150 جنيه
انت قولي مكانك فين وانا اجي اركبهولك مخصوص
بص يا سيدي
هتركب الطبق وتظبط عليه النيل سات
وتكتب تردد 11171 رأسي 27500
وطبعا انت ظبطت الطبق علي النيل سات وهتنزل بالطبق سنه سنه لتحت وتلف الطبق يمينك وانت من خلف الطبق
والعدسة تكون من النوع الحديث دريك او بريفكس المهم تكون عدسة تمام علشان العدسات التانية مش بتجيب القنوات الاتش دي كويس
هتنزل بالطبق لتحت سنه سنه وتلف الطبق يمين وانت خلف الطبق واشارة التردد ده عاليه ويكون الرسيفر hd
القمر سهل جدا بس انت فتح مخك شويه واصبر علشان الشغلانه دي عايزه الصبر
والله اعلم
kovomonmon
2017/02/25, 02:45 PM
استاذنا الغالى ابو مختار ........ ربنا يخليك ليا ومايحرمنش من ذوق حضرتك .....
kovomonmon
2017/02/25, 02:47 PM
بس هلف الطبق حوالى قد ايه كده ...........
ممكن تستحملنى شويه بس .....
ابومختار
2017/02/25, 02:50 PM
بس هلف الطبق حوالى قد ايه كده ...........
ممكن تستحملنى شويه بس .....
طيب اصبر لحظات هصور الطبق وارفعلك صوره ليه ومن جنبه النيل سات علي طبق تاني
انتظر قليلا لو تكرمت
مكتب مريم
2017/02/25, 02:51 PM
بس هلف الطبق حوالى قد ايه كده ...........
ممكن تستحملنى شويه بس .....

خلى وش طبق مكفى لالمام نايل سات 7درجات
وهسباسات 30درجه
احسبها انت بقى
ابومختار
2017/02/25, 03:10 PM
اتفضل يا سيدي دي صورة للقمر وانت امامه وكمان بجواره اتجاه النيل سات
ولاحظ العدسة كلها داخل الفلانشه ودي حاجة مهمة
انت لما هتجيب النيل سات وهتجيب بعد كده التردد 11171 في الهيسباسات علي الرسيفر هتنزل لتحت سنه سنه بالطبق وهتلفه يمين وانت خلف الطبق حوالي 8 او 10 سم وممكن اكتر او اقل علشان المسافة دي قليلة في الحسابات الجغرافية والنظرية اما في الناحية العملية عكسها
المسافة والفرق 23 درجة بس انت اظبط علي الصور وشوف الفرق عندك وهتلاقي المسافة مش بعيدة ولكن اهم شئ اتباع التعليمات صح
وبالتوفيق ان شاء الله
والله اعلم
http://store6.up-00.com/2017-02/1488027919151.jpg (http://al3aby4yy.com/car-games)[/URL]
http://store6.up-00.com/2017-02/148802783883951.jpg (http://al3aby4yy.com/)
http://store6.up-00.com/2017-02/148802772158331.jpg (http://al3aby4yy.com/)
http://store6.up-00.com/2017-02/148802759991421.jpg (http://al3aby4yy.com/)[URL="http:
/ al3aby4yy.com/"]
kovomonmon
2017/02/25, 03:20 PM
متشكر جدا جدا جدا لحضراتكم و لمساعدتكم ليا .......
انا كنت عارف ان فى مصراوى سات هلاقى كل المساعدات اللى هحتاجتها ...........
ربنا يخليكوا ليا يا رجالة
ابومختار
2017/02/25, 03:25 PM
متشكر جدا جدا جدا لحضراتكم و لمساعدتكم ليا .......
انا كنت عارف ان فى مصراوى سات هلاقى كل المساعدات اللى هحتاجتها ...........
ربنا يخليكوا ليا يا رجالة
الشكر لله وحده
كلنا هنا اخوة وبنعتمد علي الله وعلي من في المنتدي وبنكمل بعض
عاش مصراوي سات بمن فيه