تسجيل الدخول

مشاهدة النسخة كاملة : قبلت التحدى

منتصر فتحى
2011/06/18, 08:40 PM
قبلت التحدي
******

راح أقولك إيه
غير حد مابيعرفش قيمتي
تعبتنى
سهرتني
وجرحتني
وأخرتها اصبر
ألاقيك بتحول حبنا لأصعب تحدى
احترت فيك
شغلت قلبي بالظنون
وتعبت روحي والعيون
بسال عليك منين متكون
واحترت فيك
يمكن دلع
حبه هزار
طب اعمل إيه
اضرب ودع
وأروح لكل العرافين
وأقول جدع
حب بضمير ف زمن وجع
احترت فيك
عديت جراحك فيا بالألوف
وشريط حياتي معاك كان كله خوف
وأقول بحبه هعمل إيه
يمكن ظروف
أوهم في نفسي واختلقلك ألف عذر
وأقول دا قمري وف سماى شايفه بدر
معقول يسينى وهو شايفنى غريق ف بحر
احترت فيك
قولت اسببه يومين يفكر
مع نفسه كمان ياخد ويدي
ماهو مش معقول غرامنا دا
يطلع سحابه صيف تعدى
ويفوت يومين
وكمان يومين
وللأسف مستني لوحدى
اتارينى واهم
بستني قلب ارتاح ف بعدى..
طيب ماهو اللي ابتدآ
كان فاكر إيه
ابعتله ليل نهار مراسيل
أجيله ياناس راكع ذليل
لا مش هيحصل..
مش باقيلى غير كرامتي..
مش جاى ..وقبلت التحدي..
ahmed almasrey
2011/06/18, 10:16 PM
you are so sweet
الكومى
2011/06/18, 10:32 PM
جميله جدا جدا
تسلم الايادى اخى الكريم
منتصر فتحى
2011/06/19, 12:12 AM
you are so sweet

thankssssssssssssssssssssssss
منتصر فتحى
2011/06/19, 12:13 AM
جميله جدا جدا
تسلم الايادى اخى الكريم


الاجمل مرورك اخى