مشكلة فى صاعق حشرات 2لمبة

[صافى ميرو]

إلى عمالقة مصراوى سات أرجو المساعدة
جانى صاعق حشرات 2لمبة فيه لمبة محروقة وبالتالى اللمبة اللى سليمة مش هتشتغل لانهم موصلين على التوالى . فقمت بتغيير اللمبة المحروقة بواحدة جديدة . وعند التجربة وجدت ان لمبة واحدة تعمل وبترمش والثانية مش قايمة . غيرت عدد 2 استارتر بتوع اللمبات وبرضو نفس المشكلة . فقولت أغير الترانس بتاعهم للأسف قيمة الترانس 2×15وات . ومش متوفرة . اللى متوفر 2×10 و2×20 ركبت 2×10 ونفس المشكلة . طب لو ركبت 2×20
ممكن يحرق اللمبات ولا ايه ياريت تفيدونى بالحل افادكم الله .
وانا أسف على الاطالة . وشكراً

[صافى ميرو]

ايه ياعمالقة مصراوى هو استفسارى صعب خالص كدة -- 5ايام ومفيش ولا رد
على العموم انا بالى وااااااسع ومستنى اى رد - ياجماعة حرام كدة والله

[نادرالشبراوى]

جرب 2×20
او ركب 2 ترانز اليكترونى قيمة الواحد20 فولت بدل الترانز المذكور
وعدل فى التوصيلات
جرب ووافينا.وتحت امرك يا غالى

[صافى ميرو]

أولاً انا عاجز عن الشكر استاذ نادر الشبراوى مش بس عشان رديت على - لا ... عشان لسان حضرتك إللى زى السكر ده - والله انت راجل محترم .
ثانياً انا عندى ترانز 2×20 وانا على حد علمى ان اللمبة مكتوب عليها 15وات لو اديتها 20 وات ممكن تتحرق وبصراحة اللمبة ب30جنية ومش متوفرة كتير عشان كده انا كنت بسأل ... يعنى حضرتك اركب 2×20 وتشتغل اللمبات كويس ومفيش مشاكل ان شاء الله ؟؟؟؟
وجزاك الله عنى كل خير اخى نادر -- وأسف جداً على الاطالة .