مطلوب من إدارة مصراوى سات الدخول للأهمية

[المهندس سـات]

ملاحظ فى الفترة الإخيره أن بعض الأعضاء يقومون بعمل ملفات قنوات وفى نفس اليوم أو ثانى يوم بالكتير تلاقى بعض الأعضاء الأخرين يقومون برفع نفس الملفات بأسمائهم وأخذ مجهود غيرهم وتعبهم بدون وجه حق فى جميع الأقسام وبكثرة فى هذا القسم بالأخص أرجوا من الإدارة المحترمة متابعة هذه الظاهرة السيئة وإعطاء كل ذى حقٍ حقه مينفعش واحد يقعد أكثر من ساعة فى عمل ضبط مصنع وترتيب قنوات وتعريب قنوات ويجى واحد أخر بالساهل كده يأخذ الملف وينسبه لنفسه ويبدل كام قناة مكان قناة أُخرى علشان الترتيب ميكونش مطابق للملف الأصلى ويقول الملف ده بتاعى وعلشان ربنا بيظهر الحق ومبيضيعش حق حد تلاقى الواحد من دول نسى يراجع على الملف كويس علشان صاحب الملف الأصلى بيكون واضع بصمته الشخصية بإسمه على بعض القنوات فى منتصف الملف وفى أخره وعلى قنوات الراديو محتاج أعرف رأيكم إيه فى هذا الكلام

ولا أخلينى فى حالى ومتكلمش وأسكت وخلاص

[عبدالفتاح جابر]

اخي الفاضل هذه المشكله عامه
بمعني انها موجوده بكل المواقع
وللاسف تجد اداري المواقع الاخري يقوم يتحميل ملفات
وكتابه اسمه عليها ويديعي انها من عمله
للاسف
اما بخصوص منتدي
نحن نفحص الملفات بقدر المستطاع
ونعرف من عمل الملف اول مره
ومن ثم اي ملف تاني
بنلاقيه بنفس المواصفات
بنعرف صاحبه وبنزكر اسم صاحب الملف الاصلي
في التعديل
وطبعا مش حنقدر نحصر كل الملفات لان عددها كبير
كما تعلم
ولان من يعمل لوجه الله لاينتظر الجزاء من البشر
تحياتي لشخصكم الكريم
وكل عام وانتم بخير

[المهندس سـات]

أشكرك أخى عبد الفتاح على هذا الرد إللى بيعمل ملف القنوات بيعمله فعلاً لوجه الله وأيضاً بيبقى منتظر كلمة شكر أو دعوه تحسسه إن تعبه ده مكانش على الفاضى أنا عارف إن الملفات كتير وصعب إنها تتراجع بس ممكن الإدارة تقوم بالتنويه والتحذير لأى عضو يعمل كده ويبقى فيه إيقاف العضويه وإلا يبقى الأعضاء إللى بيعملوا ملفات بمجهودهم الشخصى وتعبهم يبطلوا يعملوا ملفات ونشوف الأعضاء الأخرين هيعملوا إيه