مشكله بخصوص تركيب طبق ، الإشاره ع السطح تمام وتحت بتقطع بعد ساعه

[mina sarwat]

طبق متر برفكس نايل سات واروبي رسيفر اتش 6 بظبط الاشارة تمام وانا فوق السطح وكمان بالدايزك وانا فوق يشتغل تمام بعد ما انزل واشغلة يشتغل اقل من ساعة وبعد كدة الاشارة تروح علي النايا سات والاوربي اطلع فوق ع السطح واخد الرسيفر معايا يشتغل تمام ارجوكم حد يعرفني العيب فين انا هتجنن

[عادل عامر]

لو بتركب سلك تست فوق السطح وبعدين تغيروتركب سلك النزلة الطويل
ممكن يكون عيب سلك

[احمـــد اليكس]

أخي الكريم جرب توصيل السلك مباشر
بدون دايزك لو اشتغل تمام يبقي العيب من الدايزك وعليك بتغيره بنوع جيد وتأكد من آلاف كنيكتور راكب كويس

[mina sarwat]

هو السلك فعلا طويل 50متر ووصلتة بالديزك فوق بعد ما سحبته من تحت بيشتغل فوق تمام بعد ما ينزل تحت يشتغل ساعة وبعد كدة الاشارات تقطع كلها وع فكرة وصلته مباشر من غير دايزك مافيش فايدة برضة

[احمـــد اليكس]

هو السلك فعلا طويل 50متر ووصلتة بالديزك فوق بعد ما سحبته من تحت بيشتغل فوق تمام بعد ما ينزل تحت يشتغل ساعة وبعد كدة الاشارات تقطع كلها وع فكرة وصلته مباشر من غير دايزك مافيش فايدة برضة
كده ياغالي حصرت المشكله
وان المشكله في السلك بما انك وصلت مباشر ونفس المشكله
بما ان السلك طويل فعليك بشراء سلك من النوع جيد مثل السويدي للكبلات أو أي نوع آخر يكون نحاس

[mina sarwat]

شكرا علي المتابعة والرد وهاجرب وارد عليكم

[عادل عامر]

كده ياغالي حصرت المشكله
وان المشكله في السلك بما انك وصلت مباشر ونفس المشكله
بما ان السلك طويل فعليك بشراء سلك من النوع جيد مثل السويدي للكبلات أو أي نوع آخر يكون نحاس

patch_lov-patch_lov-patch_lov-

[tarekelsaka78]

متابعه ممتازه احبائى الافاضل
و بالفعل السلكـ بيعمل مشاكل كتير جدااا
منهاا تشغيل قنوات و قنوات لا . يشتغل شويه و يفصل . اقمار تشتغل و اقمار متشتغلش
امور كتير و بتاثر احيانا على القطعه و تيونر الريسيفر
بالتوفيق .....