/ بحبر الدم وبكلمة آه /

[خلف الفنان]

بحبر الدم وبكلمة آه وبصرخة شهيد
بحبر الدم وبكلمة آه وبصرخة شهيد
هسمع يابلادي دحكتك لو من بعيد
بفراق ابويا ودموع اختي و ام الشهيد
هكتب يا بلادي فرحتك وافضل اعيد
بحب اللي حواليا اتجمعوا في يومي السعيد
يوم العطا يوم الوفا يوم الشهيد
وحق فجرك اللي انبثق وصبح وليد
هذكر يابلادي قصتك وفى تربتي برضك هعيد
فين الظلمه
بحبر الدم وبكلمة آه وصرخة شهيد
فين اللي كانوا بيقتلوا فيكي الوليد
فين اللي كانوا بيضعفوا فيكي الشديد
فين اللي كانوا بيقلبوا معنى النشيد
فين اللي كانوا بيهتفوا لظلم العنيد
فين اللي كانوا بيحلموا نفضل عبيد
قصة وطن
بحبر الدم وبكلمة آه وصرخة شهيد
هكتب يابلادي قصتك رغم العنيد

بحبر الدم وبكلمة آه قصة وطن قصة شهيد
امن الوطن

امن الوطن بنقول عليه شيئ حميد
ونقدسه ونعظمه وداشيئ سديد
لكن لمين امن الوطن ومن الوطن مين الطريد
مين اللي نرفع في الوطن وبمين نشيد
فين المواطن ياوطن فين الرشيد
فين الغيور يابلادي فين السعيد
ولا الحكايه اصلها خطبه ونشيد
ولحد امتى ياوطن املي عنيد
بحبر الدم وبكلمة آه وصرخة شهيد

[الكومى]

تسلم اخي الكريم علي هذه الكلمات الجميله
وجزاك الله خيرا

[خلف الفنان]

اخي الكومي ، كم اسعدني ردك ، وشرفني مرورك . تقبل تحياتي.