مقارنه بين ريسيفر Qmax H7 هيرشمان 8800

[ma7mod88]

شباب انا عاوز اجيب ريسيفر ايه افضل حاجه فى الانواع دى
Qmax H7
دريك 7500
هيرشمان 8800
ترومان بريمير +1

[وليدغانم]

كيوماكس h7 وعن تجربة

[manfaloti]

h7 كله عيوب وفى حاجات ملهاش اى حلول غير ان هاردوير زباله وملهوش دعم من الوكيل

هيرشمان جميل جدا وصوره ممتازه وسيرفر ممتاز وهاردوير قوى عن تجربه
لاكن الدريك وابريمير بلص دول اجهزه جيل ثاثل لا يقارنو بالهيرشمان والكيوماكس نهائي والتعامل معاهم محتاج واحد فاهم كويس يعنى ايه اجهزه جيل ثالث بتشتغل بنظام الاسبارك والانيجما2
وطبعا افضلهم البريمير بلص دعمه فى المنتدى ممتاز من الاخوه الافاضل وشغال عليه بلجن مجانى للقنوات المشفره اكتر من رابع

[ma7mod88]

طيب حضرتك بتشكر فى هيرشمان وترومان هو هيرشمان ده جيل تانى ولا تالت ؟
وعلى حسب كلامك كده يبقى ترومان افضل حاجه فيهم

[ma7mod88]

استاذ وليد / فى ناس كتير جربوا h7 وهنا فى المنتدى وبيشكروا فيه جدا بس فى ناس كمان بتقول ان الهارد وير بتاعه وحش

[manfaloti]

هيرشمان ريسيفر hd نظام عادى مثل جميع الاجهزه الاخره رخيصه الثمن
الترومان بيشتغل بنظام الاسبارك وداه صعب شويه فى التعامل لو اول مره تشوفه
واكيد طبعاً الترومان افضل الاختيارات فى السوق المصرى حالياً عن تجربه جميع الخبراء

[هادي موسي]

على فكره انا عندى الترومان والهيرشيمان راكن الترومان فى الدرج لانه جهاز تقيل وبيموت لما توصل هارد إنما الهيرشمان جميل وخفيف وموصل عليه هارد 250 عيبه انه لا يعمل واى فاى

[ma7mod88]

طيب حضرتك انا الاقى الهيرشمان ده فين ؟

[وعد صالح]

عندى جهاز الهيرشمان والكميه اللى انت عاوزه

[ma7mod88]

بكام يا باشا ومكانك فين

[manfaloti]

الهيرشمان موجود فى التوكيل فى باب اللوق ( توكيل جينرال) مشهور جدا هناك

[ma7mod88]

ممكن رقم موبايل اتصل عليه قبل ما اروح لان انا من اسماعيليه

[ma7mod88]

طيب انا دلوقتى فى كذا واحد قالى ان الهيرشمان مشكلته فى الاشاره يعنى لو الاشاره ضعيفه شويه ممكن ما يشتغلش او هيقرفنى فى موضوع الاشاره ده

[manfaloti]

الهيرشمان جهاز محترم جدا والاشاره عليه ممتازه جدا بدون اى عيوب عن تجربه والله
حتى الاشارات الضعيفه فى الترومان بتشتغل عليه بدون تقطيع

وتقدر تجيب رقم التوكيل من صفحه الجهاز على النت اكتب بس هيرشمان 8800 وهتلاقى كل حاجه انت عايزها

[ma7mod88]

انا دلوقتى جبت h7 وشغال كويس بس لما بشغل افلام من على فلاشه الترجمه بتظهرلى حروف ورموز مش عربي مع انه بيدعم 16 لغه منهم العربي

[نرمين طلعت]

هيرشمان 8800 شغال على الوفاى فاى بتاعة كوماكس بس ليس دعم وهو جهاز لا يهنج معى بتاتاً ولله الحمد وهذا يكغى

[logicman]

انا دلوقتى جبت h7 وشغال كويس بس لما بشغل افلام من على فلاشه الترجمه بتظهرلى حروف ورموز مش عربي مع انه بيدعم 16 لغه منهم العربي
من على جهاز كمبيوتر و استخدم Media player classic و شغل الفيلم بالترجمة و بعد كدة دوس على file بعد كدة save subtitle بعد كدة حتظهرلك window حتلاقى حاجة اسمها encoding اختار UTF-8 بعد كدة اضغط Save حتلاقى ملفين موجودين عندك واحد .srt و التانى .style انت حتخلى الملف ال .srt مع الفيلم فى folder واحد على الفلاشة و ان شاء الله الترجمة تشتغل معاك ... ممكن حضرتك توضحلى هل الرسيفر كويس اشترى واحد زيه و جربت تسجل حاجة منه قبل كدة ؟؟

[م / سمير محمد]

يرجى عدم الرد على مواضيع قديمه حفاظاً على تنسيق القسم

مغلق لقدمه