تسجيل الدخول

مشاهدة النسخة كاملة : ضبط الطبق على النايل سات مع الريسيفر

صلاح أبوزيد
2017/09/05, 11:23 AM
الاخوه الأفاضل
انا بصراحه هاوي موضوع الدش وضبط القنوات والحاجات دي
بس بصراحه مش عارف أظبط الطبق و أوجهه على النايل سات
يعني ايه 7 غرب ولو أخدت الريسيفر بتاعي فوق السطح أعمل ايه وهيطلعلي ايه
أرجوكم أفيدوني
أخوكم صلاح أبوزيد
manfaloti
2017/09/05, 11:31 AM
اعمل بحث فى الموقع عن تركيب النايل سات هتلاقى مواضيع كتير جداً تفيدك لو مبتدأ

وكل واحد ليه طريقه وانت نفسك اول لما تشوف الاطباق اللى حواليك هتعرف تركبه لانه سهل جدا
صلاح أبوزيد
2017/09/05, 12:50 PM
بحثت كثيراً بالموقع ولم أجد رد على سؤالي
عايز اعرف ازاي اظبط الطبق انا عارف اتجاهه بس ازاي أظبطه؟
هل ظبطه بالريسيفر ولا أخليه باتجاه الاطباق التانيه وخلاص؟
وهل فيه ريسيفر مخصص لضبظ الطبق ولا الريسيفر العادي ؟
وازاي أستخدم الريسيفر ؟
المهندس سـات
2017/09/05, 12:57 PM
لازم ياغالى يكون معاك رسيفر وتليفزيون أو جهاز ضبط الإشارة لكى تتمكن من ضبط إشارة الطبق علشان ضبط الطبق بيحتاج تحريك بإقل من المِلى وقطعة الـ LNB ليها ضبط معين
صلاح أبوزيد
2017/09/05, 01:11 PM
ايه جهاز ضبط الاشاره دا من فضلك يا استاذ / المهندس سـات
وهل هذا الجهاز غير الريسيفر وسعره كام؟
manfaloti
2017/09/05, 01:24 PM
ايه جهاز ضبط الاشاره دا من فضلك يا استاذ / المهندس سـات
وهل هذا الجهاز غير الريسيفر وسعره كام؟

جهاز ضبط الاشاره غالى جدا والاسعار بتبدأ من 1500 جنيه

انت محتاج تاخد التليفزيون والريسيفر وتوصلهم بالطبق وانت على السطح طبعاً بعد تثبيت الطبق تثبيت جيد بالاسمنت
وهتحرك الطبق زى الاطباق اللى هتشوفها حواليك لغايه مايلقط الاشاره معاك

وفى شروحات فيديو موجوده فى الموقع ممكن تفيدك
صلاح أبوزيد
2017/09/05, 01:33 PM
الاستاذ / manfaloti
ألف شكر لردكم الكريم
الطبق راكب وكان جايب اشاره وفجأه غابت عن قنوات كتير منها تقريبا اون سبورت ودي ام سي وكل قنوات الافلام ماعدا روتانا سينما وكانت ضعيفه
المهم طلعت الف العدسه ضاع كل القنوات وقطع
أرجو افادتي
المهندس سـات
2017/09/05, 01:34 PM
ده الجهاز يا غالى وطبعاً زى ما قال أخى manfaloti هو غالى بس بالنسبة لفنيين التركيب بيوفر كتير علشان بيشتغل بالشحن ومش محتاج توصيلات كهرباء وتليفزيون ورسيفر وبالنسبة لحضرتك مش محتاج تجيبه قبل إحتراف التركيبات
http://store1.up-00.com/2017-09/150461059175621.jpg (http://www.up-00.com/)
صلاح أبوزيد
2017/09/05, 01:35 PM
أين شروحات الفيديو ؟؟
المهندس سـات
2017/09/05, 01:37 PM
يا غالى شوف أقرب طبق ليك وشوف العدسه متركبه إزاى والميل بتاعها ولو الفبره إللى فى أمام العدسه دايبه ومكسوره إلقى نظره داخل العدسه ساعات بيبقى فيها عنكبوت وراجع سلك الدش ويجب التأكد من عدم تلامس السلك النحاس بالأسلاك الشعر
صلاح أبوزيد
2017/09/05, 01:45 PM
الأخوه الأفاضل
الاستاذ / manfaloti
الأستاذ / المهندس سـات
أشكركم على اهتمامكم

العدسه سليمه
كنت جبت فني (يبدو انه مش متمكن لأن كان فيه قنوات كتير مش جايه واشاراتها ضعيفه مع ان الطبق بتاعي 85 ونايل سات بس) وكان معاه جهاز ضبط الاشاره بس عباره عن ريسيفر ولا فيه جهاز مخصوص لضبط الاشاره
يعني ما ينفعش الريسيفر بس من غير التليفزيون أطلعه وأظبط عليه مثلاً؟
المهندس سـات
2017/09/05, 01:52 PM
ينفع بس بالنسبة ليك صعب شويه علشان هتجيب الرسيفر ويُفضل إنه يكون صينى معالج all وبعدين تضغط على زرار INFO من الريموت وتشوف شاشة الرسيفر وقوة الإشارة بتزيد وبتقل مع تحريك الطبق يمين ويسار وأعلى وأسفل ببطئ شديد وبعض الرسيفرات الأُخرى تظبط الطبق لحد اللمبة الخضراء ما تثبت
صلاح أبوزيد
2017/09/05, 02:39 PM
الأخ الفاضل / المهندس سـات
يعني ايه معالج all انا عندي 2 ريسيفر واحد صيني والتاني أسترا 8800z (مرفق صورته)
بعد اذنك اشرحلي أعمل ايه بالضبط
المهندس سـات
2017/09/05, 03:14 PM
ده شكل الأوبشن بتاع الصينى معالج all وبالنسبة للشرح أنا ذكرته فى المشاركة رقم 12
http://store4.up-00.com/2017-09/150461667190521.jpg (http://www.up-00.com/)
manfaloti
2017/09/05, 03:26 PM
ماتدخلش نفسك فى حوارات ملهاش اى لازمه ومش هتستفاد منها حاجه

الفنى المحترف او الشخص الخبره فقط هوا اللى يقدر يظبط الطبق من غير تليفزيون غير كده لازم يكون معاك شاشه او تليفزيون وتطلع بيهم امام الطبق وتوصل كل التوصيلات عادى جدا وتجيب اعلى اشاره ممكنه للتردد 11747 وبعدين تشوف اشاره ناشيونال جيوجرافيك الاتش دى على التردد
Frequency: 12.226 GHz
Polarization: Horizontal
Symbol Rate: 27500
FEC : 5/6
لو جابت معاك اشاره عاليه كده الطبق ان شاء الله مظبوط كل القنوات ومش هتلاقى اى حاجه ضعيفه

انت محتاج تتابع الشرح واحده واحده وهتفهم كل حاجه ان شاء الله