سؤال لأى كهربائى قى المنتدى أرجو ارد

[ali_amr]

هما المهندسين بيصنعوا ازاى سلك التليفونات ويخلوها بتضبط التيار الكهربائي بشكل بطئ علشان الجهاز ميتحرقش
ووليه لو لمسنا سلك تليفون او شاحن موبيل مش بنحس بالكهربا اللى فيه ولو حسينا بتكون بسيطه جدا جدا

[أبوأحمد سات]

هو حضرتك عندك فكره بأى أعمال الكهرباء ؟؟؟؟؟؟؟؟
لكى يتسنى لنا القيام بالرد عليك ......

[محمدفرغلي]

هما المهندسين بيصنعوا ازاى سلك التليفونات ويخلوها بتضبط التيار الكهربائي بشكل بطئ علشان الجهاز ميتحرقش
ووليه لو لمسنا سلك تليفون او شاحن موبيل مش بنحس بالكهربا اللى فيه ولو حسينا بتكون بسيطه جدا جدا

وضح سؤالك يا غالي اكثر

[essam_ahmad]

هما المهندسين بيصنعوا ازاى سلك التليفونات ويخلوها بتضبط التيار الكهربائي بشكل بطئ علشان الجهاز ميتحرقش
ووليه لو لمسنا سلك تليفون او شاحن موبيل مش بنحس بالكهربا اللى فيه ولو حسينا بتكون بسيطه جدا جدا

يا غالي الكهرباء ليها قياسات مختلفة اهم قياس الجهد الكهربي وهو مسئول عن دفع الالكترونيات داخل السلك الكهربي . الجهد الكهربي ده نوعين جهد متردد زي اللي موجود في البريزة بتاعة البيت وقيمته 220 فولت يعني خطر يسبب الوفاة في حالة لمسه لفترة وجيزة . اما جهد شاحن الموبايل فهو لايزيد عن خمس فولتات مستمرة يعني جهد حجرين قلم الي اربعة حجارة قلم وده ملهوش تأثير علي جسم الانسان من مخاطر .بطارية السيارة مثلا قيمتها 12 فولت برضه موش ممكن تسبب الوفاة لكن لو ركبنا 10 بطاريات او اكتر هايكون مجموع الجهود حوالي 120 فولت او اكثر وكده ممكن البطاريات دي تسبب الوفاة لان جهدها عالي وتيار البطارية الواحد حوالي 70 امبير فما فوق . يا رب اكون وضحت الصورة .

[الحاج عبدالله الظريف]

هما المهندسين بيصنعوا ازاى سلك التليفونات ويخلوها بتضبط التيار الكهربائي بشكل بطئ علشان الجهاز ميتحرقش
ووليه لو لمسنا سلك تليفون او شاحن موبيل مش بنحس بالكهربا اللى فيه ولو حسينا بتكون بسيطه جدا جدا

طبعا زي ماقال الاخوة لكن بخصوص سلك التليفون ليس به جهد سوي 49 فولت وده الي بنسميه الحراره اما الاشاره داخخل سلك التليفون فهي اشارة صوتيه فقط وبالتالي سلك التليفون مش بيكهرب ولكن بيلسع خفيف

[ابوosama]

تمام اخوانى
اما بنسبه لخرج التليفون اى الشاحن
الكهربه دخله على الشاحن 220 فولت متردد
تخرج 5 فولت مستمر طبعا مش هتحس بكهربه