تسجيل الدخول

مشاهدة النسخة كاملة : قمر استرا 19

البلعوطي
2018/02/12, 11:55 PM
ان شاء الله انا بانتظار القطعه ستار جولد فوجي 2 مخرج الترا 4k
وعلي امل ان شاء الله انها تظبطلي الاشارات شويه
كنت حابب اعرف من الاخوه ايه اضعف تردد علي قمر استرا اللي انا لو ظبط الاشاره عليه وعليته يتظبط معايا كل القمر عموما
wael2400
2018/02/13, 02:06 PM
الف مبروك عقبالنا المهم مكانك فين لان التغطية بتفرق
على العموم جرب دول
قنوات زد ال اتش دى
11360 افقى 22000
وزد العادية
11954 افقى 27500
اظبط طبقك على
12226 افقى 27500 على اعلى شى
ARAFAH
2018/02/13, 02:49 PM
انا من راى اى عدسة عادية تتعدل زى اريون اوبريفكس او ترومان هتوفى بالغرض اما اى عدسة زى انفرتو او ستارجولد هتفرق صحيح بس طبعا ليس العدسات العامل الرئيسى للاستقبال هناك عوامل عدة تخضح للاستقبال الممتاذ على سبيل المثال الموقع الجغرافى-قطر الطبق -فنى محترف ذو خبرة وبرضوا دايما بيبقى حكمنا على ظبط الدش من خلال الترددات السوبر على استرا 19-وثور وخلافه وطبعا هذه ترددات غير مستقرة وتخضع للعوامل الجوية يعنى حتى لوجيبت افضل عدسة فى العالم برضوا هذه ترددات تتاثر بااقل شىء يعنى قمر استرا 19 قنواته واشارته تختلف من حين لاخر يعنى ممكن تشوف اشارات لاسترا 19 الصبح غير الظهيرة غير العصر غير المساء قمر متأرجح جدا واشارته غير مستقرة ومن المفارقات الغريبة انى ممكن تيجىب تردد ضعيف مثلا وقت الصباح تلاقى اشارته قوية جدا وتاتى بتجربة هذا التردد ليلا لاتجد له اشارة .ف انا من راى لاتكلف نفسك فلوس ع الفاضى وتضييع وقت زلانى انا جربت وغرمت فلوس كتير وفى الاخر حسيت انى كل دى اوهام وخسارة فلوس وضياع للوقت بلا فائدة.لانى انا مؤمن بشىء طالما القمر لاياتى باالعدسات المتاحة زى باقى الاقمار يبقى سيبك منه وكبر دماغك..وجهة نظر
wael2400
2018/02/13, 04:05 PM
انا من راى اى عدسة عادية تتعدل زى اريون اوبريفكس او ترومان هتوفى بالغرض اما اى عدسة زى انفرتو او ستارجولد هتفرق صحيح بس طبعا ليس العدسات العامل الرئيسى للاستقبال هناك عوامل عدة تخضح للاستقبال الممتاذ على سبيل المثال الموقع الجغرافى-قطر الطبق -فنى محترف ذو خبرة وبرضوا دايما بيبقى حكمنا على ظبط الدش من خلال الترددات السوبر على استرا 19-وثور وخلافه وطبعا هذه ترددات غير مستقرة وتخضع للعوامل الجوية يعنى حتى لوجيبت افضل عدسة فى العالم برضوا هذه ترددات تتاثر بااقل شىء يعنى قمر استرا 19 قنواته واشارته تختلف من حين لاخر يعنى ممكن تشوف اشارات لاسترا 19 الصبح غير الظهيرة غير العصر غير المساء قمر متأرجح جدا واشارته غير مستقرة ومن المفارقات الغريبة انى ممكن تيجىب تردد ضعيف مثلا وقت الصباح تلاقى اشارته قوية جدا وتاتى بتجربة هذا التردد ليلا لاتجد له اشارة .ف انا من راى لاتكلف نفسك فلوس ع الفاضى وتضييع وقت زلانى انا جربت وغرمت فلوس كتير وفى الاخر حسيت انى كل دى اوهام وخسارة فلوس وضياع للوقت بلا فائدة.لانى انا مؤمن بشىء طالما القمر لاياتى باالعدسات المتاحة زى باقى الاقمار يبقى سيبك منه وكبر دماغك..وجهة نظر

والله كلمك مظبوط انا جبت فوق الخمس عدسات وغيرت الطبق ل240 والمهم فعلا التغطية والضبط الجيد بس الحمد لله انا مش غاوى سوبر ولا ضعيف اهم حاجة الماتشات والفيدات عشان كدة جبت انفرتو وعدلتها لان القطع القديمة سعات لا تعمل مع بعض الفيدات خصوصا اللى بتبدء 12
احمد2011
2018/02/13, 04:15 PM
هل ممكن استقبال قمر استرا فى كوم امبو - محافظة اسوان
البلعوطي
2018/02/13, 06:59 PM
كلامك مظبوط استاذ عرفه بس انا العدسه اللي عندي قديمه بعض الشئ رغم ان متركبلها فيد فوجي والعدسه نوعها سوبر فورس قولت اواكب الجديد واجيب القطعه يمكن تفرق في حاجات بسيطه زي ما يكون عندك عربيه قديمه امكانياتها شغاله ومقبوله بس الجديده طبعا بيكون فيها امكانيات اكتر
انا كل اللي عاوزه من القمر قناتين وبس zdf Hd , Das erste Hd
انا بستقبل زد دي اف في معظم الاوقات فعلا وكنت الاول بستقبلها باشاره كويسه وفي اغلب اوقات النهار جبت فني من فتره قريبه يظبطلي حاجه الاشاره قلت وبقيت بستقبلها في اوقات معينه فاكيد كده العيب في الضبط وبرده انا مش متاكد الله اعلي واعلم
قناه das erste استقبلتها مره واحده بس واشتغلت وجابت اشاره ونزلت عالريسيفير وبعد كده مشوفتهاش تاني خالص ليها اشاره ومن شويه قولت اطلع احط زيت للطبق عشان بيعمل صوت قولت اعمل فيها فني والف القطعه سنه صغيره عشان اشوف يمكن الاشاره تعلي وتبقي جات بالبركه تقريبا بوظت الدنيا بس الحمدلله طبعا علي كل حال
انا من المحله وطبقي 240 بريفيكس مش عاوز اكتر من القناتين دول لانهم هيجيبوا كاس العالم وطبعا دول قناتين ليهم ستوديو وليهم باع مع كاس العالم يعني عارف انك ممكن تقولي في قنوات كتير هتذيع بس القناتين دول فعلا مميزين
انا برده من فتره كبيره كنت بستقبل قمر ثور وقنوات Digi sport وكل دول شوفتهم وكانوا شغالين عندي حاليا مش لاقي اشاره ليهم خالص سافرت فتره وجيت لقيت الماتور بايظ غيرته وجبت فني يظبط الطبق ومشوفتهمش تاني
معرفش المشكله في الطبق ولا في الفني بس انا عموما مش لاقي فني يظبط كل حاجه
يعني المنظومه فيها خلل وبحاول اخي مش اكتر واسف علي الاطاله بس انا حبيت ارد عليك بالتفصيل
تسلم اخي عرفه علي ذوووقك وردك وتفهمك