تسجيل الدخول

مشاهدة النسخة كاملة : *يوم الجمعه بالنهار*

خلف الفنان
2011/07/22, 06:36 AM
يوم الجمعه بالنهاريوم الجمعه بالنهارلازم تحفظوه
وفي التاريخ فعلاً تثبتوه
يوم 25يناير افتكروه
وحافظوا عليه اوعوتضيعوه
اوعوتضيعو حق الولاد
يشهد عليكم رب العباد
حق الشهيد
وام الشهيد
واخت الشهيد
مانا وانتواخواتهم
وعلى نفس خطواتهم
يبقى ليه نزعلهم
وننسى في يوم يومهم
يوم الجمعه بالنهار
لما بدا النظام ينهار
وحس بالاخطار
اطلق مليون عيار
وجابوا الطبال والزمار
اللي عامل فيها كبيروجبار
قالولو نعمل ايه فيهم
قال ولعوا فيهم
وحسروا عليهم اهليهم
ليه ياجبار اطلقت النار
ومليت الدنيا شرار
حمم ودخان وغبار
نسيت انك كنت زمار
نسيت الفول والجرجير والخيار
دا اللي ينسى ماضيه بينهار
يوم الجمعه بالنهار
عمرك ماهتنساه يازمار
حتى لوقالوخبوه
هنقول اشنقوه
هنقول بالقوه هاتوه
داقاتل لازم تحاكموه
ولوهرب مش هتلاقوه
يوم الجمعه بالنهار افتكروه
قدم فيه نفسه الشهيد
وقال للدنيا كلام من حديد
ان اليوم يوم عيد
مصر بقوه هتستعيد
كرامتها من جديد
وتقول للشديد
المغتصب العنيد
ولادي لسه بخير
وعمري ماهكون للغير
اسمحي يابلادي اودعك
آخروداع واسمعك
آخر كلام يفرحك
اخويا ورايا بيحرسك
واختي كمان في حضرتك
بتدعي ربنا يحرسك
سلامي ليكي يابلادي
ياارض حياتي وملادي
ياارض سلامتك ووفاتي
ياارض ابويا واجدادي
سلامي سلامي والف سلام
وسلامي لولادك الكرام
قوليلهم عني يابلادي
انا كنت عشانهم بنادي
احمواوحرروابلادي
انارحت لربي في معادي
يوم الجمعه بالنهار
يوم الشرف يااحرار
يوم الجمعه بالنهار لازم تحفظوه
يوم الجمه بالنهارفي التاريخ ثبتوه
الكومى
2011/07/23, 03:43 AM
كما عودنا شاعر مصراوى سات

كلمات رائعه.. من شخص اروع

كل التحيه والتقدير
خلف الفنان
2011/07/23, 02:11 PM
كما عودنا شاعر مصراوى سات

كلمات رائعه.. من شخص اروع

كل التحيه والتقدير

بارك اللهُ فيك اخي الكومي دائماً ارى منك ما يسعدني ويثلج صدري
مـنـعـم امـبـابـى
2011/07/23, 02:14 PM
والله يا اخى سلمت اناملك
خلف الفنان
2011/07/23, 03:27 PM
والله يا اخى سلمت اناملك

استاذي منعم امباي
اكرمتني بمرورك وحليتني بردك بارك اللهُ فيك
عاصم وسيم
2011/07/24, 01:49 AM
بارك الله فيك وكل عام وجميع اعضاء منتدانا بخير
- ابو عـمـر -
2011/07/24, 11:59 AM
تسلم اخى الكريم
شاعر
مصراوى سات
بارك الله فيك