مشكلة فترومان اكس الترا 150 بسبب فني عجيب ارجو المساعدة

[silentassassin]

السلام عليكم

الموضوع باختصار

جبت فني من كام شهر وكنت عاوز اركب النايل سات والهوت بيرد على طبق متر
الهم قعد 4 ساعات يحاول ومعرفش اتصل بواحد صاحبة بيفهم نص ساعة وكان مركب الاتنين وكاملين القنوات مع ان الاشارة كانت 66 ضعيفة يعني بس شغااال كلة وتمام

بعد فترة بدات الاشارة تضعف بصفة عامة والقناتين موجا كوميدي و اون تي في فصلوا خالص والباقي شغال عادي بس الاشارة فرينج 50

قولت يمكن العيب من السلك المهم رحت جايب سلك امريكي اصلي كنت جايبة معايا من برة مصر سلك عليا الطلاق يحل من على حبل المشنقة هههههههههههه

وجبت نفس الفني وقولتة ركب الاوروبي والنايل سات من اول وجديد على سلط جديد ومكان جديد عالي للطبق

قعد نفس ال 4 ساعات وفي الاخر معرفش يجيب حاجة مع الاوروبي وقرر يركب النايل سات بس قولت ماشي ومالة ركب

جاب اشارة لية 85 على السلك الجديد طبعا قولت خير
جاي بشغل موجا كوميدي واون تي في مش شغااالين !!! صفر اشارتهم والباقي من 85 الى 95 !!!

قعد يلعب شوية فالرسيفر وفي الاخر قالي العيب فالسلك؟!!!! هههههههههههههههههههههههههه كنت هديلة فوشة

واتاخنقت معاة ومشيتة المهم قولت ارجع الاعدادات الي هوا لعب فيها
رجعت اعدادات الرسيرفر الى ضبط المصنع

بس مش عارف ارجع القنوات الي كانت موجودة تاني ومفيش غير 300 قناة بس مفيهمش الي كانوا موجودين قبل كدا


فيا ريت حد يعرفني الطريقة الصحيحة لاسترجاع ضبط المصنع بالكامل
وبعدين طريقة اعداد الجهاز عشان ارجع القنوات الي كانت علية

ملحوظة مضحكة:
الفني عاوز يبيعلي lnb صيني كنت انا شاريها ب 15 جنية هوا عاوز فيها 25 جنية وكمان مصنعية على النايل سات بس الي مش كامل 25 كمان يعني توتال 50 جنية تظبيط طبق فقط بدون تركيب !!!! على الرغم من ان اتفاقنا فالمحل
35 جنية تظبيط الهوت بيرد والنايل سات معا
هههههههههههههههههههههههههه حد يقولي انا غلطان ولا لا يا ناس

[kald970]

اولا كل سنة وحضرتك طيب وبلاش عليا الطلاق دى علشان.........
ثانيا انا فنى تركيب من ايام الانالوج الطبق المتر يعمل نايل و اوربى حتى فى جنوب الصعيد اللى انا حته منه لكنه طبق خرع بمعنى لايتحمل اقل العوامل الجوية اوخبطة على الماشى اوحتى بصه مش كويسة
ثانيا امامك عدة حلول بعد تجربة الرسيفر على طبق اخر
1- تغيير الطبق الى 130سم بيرفكس
2-تبديل lnb مكان بعضهما ان كانو من انواع مختلفة (افضلهم الاريون)
3-ضع الترددات التى لا يعترف الجهاز باشارتها بقيمة اقل من قيمتها بفارق3 مثلا 11747 تكتب 11744 وذلك بعد تجربة الرسيفر على طبق اخر

[الراهب]

أخي في الله هون علي نفسك مشكلتك سهله مش محتاجه حلفان دور علي صنايعي كويس المشكله كلها مشكله سنتر في الطبق أما مشكله القنوات فأعطي الجهاز ملف قنوات حديث وملفات القنوات موجوده علي جميع المنتديات مفيش أكتر منها أما لو أنت مش فني بس 5 جنيه وتتحل المشكله ويا عم تعاللي وهركبهولك ببلاش لو 10 أقمار علي طبق متر وبالنسبه للفلو س العمليه دي تراضي وأتفاق بين الفني والزبون لا تعنينا في شيء ويا عم مشكلتك دي زي ما قولتلك سهله بس دور علي فني كويس

[zohny]

أنت مش فني بس 5 جنيه
هو لسه فى حاجه ب 5 جنيه يا راجل
دى مبقتش تجيب علبه سجاير زباله حتى

[silentassassin]

أخي في الله هون علي نفسك مشكلتك سهله مش محتاجه حلفان دور علي صنايعي كويس المشكله كلها مشكله سنتر في الطبق أما مشكله القنوات فأعطي الجهاز ملف قنوات حديث وملفات القنوات موجوده علي جميع المنتديات مفيش أكتر منها أما لو أنت مش فني بس 5 جنيه وتتحل المشكله ويا عم تعاللي وهركبهولك ببلاش لو 10 أقمار علي طبق متر وبالنسبه للفلو س العمليه دي تراضي وأتفاق بين الفني والزبون لا تعنينا في شيء ويا عم مشكلتك دي زي ما قولتلك سهله بس دور علي فني كويس
اللة يكرمك تسلم انا هدور على فني بيفهم غير الي كان عندي وربنا يسهل
شكرا على تعاونك معي يا اخي
اولا كل سنة وحضرتك طيب وبلاش عليا الطلاق دى علشان.........
ثانيا انا فنى تركيب من ايام الانالوج الطبق المتر يعمل نايل و اوربى حتى فى جنوب الصعيد اللى انا حته منه لكنه طبق خرع بمعنى لايتحمل اقل العوامل الجوية اوخبطة على الماشى اوحتى بصه مش كويسة
ثانيا امامك عدة حلول بعد تجربة الرسيفر على طبق اخر
1- تغيير الطبق الى 130سم بيرفكس
2-تبديل lnb مكان بعضهما ان كانو من انواع مختلفة (افضلهم الاريون)
3-ضع الترددات التى لا يعترف الجهاز باشارتها بقيمة اقل من قيمتها بفارق3 مثلا 11747 تكتب 11744 وذلك بعد تجربة الرسيفر على طبق اخر
كل سنة وانت طيب
انا جربت كل الي حضراك بتقول علية وكان عندي 2 lnb ترومان وبيقولي مش شغالة وهي كانت شغالة بالفعل وجربتها ومع ذلك اخذت منو الجديدة والطبق عندي متر بريفكس وانا فالقاهره واعتقد بيركب علية 5 اقمار مش 2 بس انا هجيب فني جديد وربنا يسهل شكرا اخي على النصيحة
هو لسه فى حاجه ب 5 جنيه يا راجل
دى مبقتش تجيب علبه سجاير زباله حتى

ههههههههههههههههههههههه عندك حق بس مش معقولة هدلفع لفني فتركيب طبق متر اكتر من 20 جنية

[doctor_sat]

السلام عليكم
واللة انا شايف ان الموضوع واخد كلام اكبر من حجمة بص يا سيدى باالنسبة لمشكلة الفنى وحكاية 4 ساعات دة ربنا ياخدة من على سطح 50 دور ؟ لية ؟ لان اللى زى دة هوة اللى جاب شغلنا ورا 50 سنة

ثانيا - مشكلة اشارة موجة كومدى تحديدا التردد دة بيواجة مشاكل مع بعض الزملاء ((( زى )))) مثلا تلاقى الزبون مركب فيش فى الحيطة كتير وعامل توزيعة داخل الحواءط وتحت السيراميك اسلاك الاشارة بتاعة الدش او اريال المهم والحل اولا (((( السلك يكون خارج الحواءط ---- 2-- يكون من غير لحام كتير -------- 3--- دايزك محترم -------4 |\||||| وتعمل معامل تصحيح الخطا فى الريسيفر 5\6
وتسيب التردد زى ما هوة وتاكد من ان اعددات الاقط فى الريسيفر على وضع ((( عالمى )))

ثالثا -- عملية الفلوس صدقنى وعن صدق اقل فنى شغلة كويس ولاحظ انا قولت فنى مش (( صنيعى ))) مش ها ياخد اقل من 60 جنية تركيب 2 قمر ووقت مش اكتر من نص ساعة بس ممكن اقل دة قمرين اللة يرحم لما كنا بنركب المتحرك فى اقل من ساعة ونكون نازلين للعميل على السلم للبرمجة واى واحد يقول اقل من ساعة دة كتير ؟ اقولة قول حاحا
وعلى شرط كان القوس بتاعنا من الهيسبا لهيلاس سات ومعانا استرا 1-2
بدون تكسير ولا فقد ترددات -------------

اتمنا تكون عرفت المشكلة ويا رب تكون اتحلت واى مساعدة تحت امر اى زميل فى بيتى (( مصراوى سات )))

[silentassassin]

السلام عليكم
واللة انا شايف ان الموضوع واخد كلام اكبر من حجمة بص يا سيدى باالنسبة لمشكلة الفنى وحكاية 4 ساعات دة ربنا ياخدة من على سطح 50 دور ؟ لية ؟ لان اللى زى دة هوة اللى جاب شغلنا ورا 50 سنة

ثانيا - مشكلة اشارة موجة كومدى تحديدا التردد دة بيواجة مشاكل مع بعض الزملاء ((( زى )))) مثلا تلاقى الزبون مركب فيش فى الحيطة كتير وعامل توزيعة داخل الحواءط وتحت السيراميك اسلاك الاشارة بتاعة الدش او اريال المهم والحل اولا (((( السلك يكون خارج الحواءط ---- 2-- يكون من غير لحام كتير -------- 3--- دايزك محترم -------4 |\||||| وتعمل معامل تصحيح الخطا فى الريسيفر 5\6
وتسيب التردد زى ما هوة وتاكد من ان اعددات الاقط فى الريسيفر على وضع ((( عالمى )))

ثالثا -- عملية الفلوس صدقنى وعن صدق اقل فنى شغلة كويس ولاحظ انا قولت فنى مش (( صنيعى ))) مش ها ياخد اقل من 60 جنية تركيب 2 قمر ووقت مش اكتر من نص ساعة بس ممكن اقل دة قمرين اللة يرحم لما كنا بنركب المتحرك فى اقل من ساعة ونكون نازلين للعميل على السلم للبرمجة واى واحد يقول اقل من ساعة دة كتير ؟ اقولة قول حاحا
وعلى شرط كان القوس بتاعنا من الهيسبا لهيلاس سات ومعانا استرا 1-2
بدون تكسير ولا فقد ترددات -------------

اتمنا تكون عرفت المشكلة ويا رب تكون اتحلت واى مساعدة تحت امر اى زميل فى بيتى (( مصراوى سات )))

اهلا اخوي
واللة نصائحك ممتازة وانا ملتزم بيها لعلمي بها وتاثيرها على الاشارة
وكمن اللة انا مش بتكلم ففلوس بس على قد ما بدفع للفني يديني هوا شغل مظبوط وخدمة
انا كنت بتعامل كدا لما كنت برة مصر مش عارف الناس هنا جرالها اية هههههههههههههههه
وشكرا على تجاوبك معي
طيب دلوقتي كل اشارت القنوات كويسة مش بتقل عن 70 وبتصل 95
حتى الاو تي في رجعت

الااااااااااا قنا واحدة وهي موجا كوميدي وحتى بعمل عليها سيرش فالتردد بتاعها ومش ظاهرة اصلا
حتى بعد تديل معدل تصحيح الخطا الخ

[panzer]

اخي العزيز انا فني تركيب المشكله سهله جدا بس بتقابل اغلب الفنيين اقله الخبرة اذا كانت موجه كومدي بتكسر عندك يبقي العيب سلك حتي وان كان لسا جديد تاكد من خامة السلك وان كان داخل الشقه في توزيعه يبقي المشكله من السلوك اللي بداخل الحائط وانصحك بتوصيل السلك من الطبق الي الريسيفر مباشر ان فضلت نفس المشكله عليك بتغير السلك فقط وعن تجربه

[SALAH SALEM]

مغلق لقدمه
..............