المساعد الشخصي الرقمي

مشاهدة النسخة كاملة : انا لاول مرة مش عارف ابقى موفق فى ظبط مدار الدش بتاعى ولااعلم السبب ايه

الصفحات : [1] 2
ARAFAH
2018/03/05, 12:58 PM
انا قمت بفك الطبق بتاعى وعملت له صيانة وجلب جديدة ومسمار محور جديد المهم جيت اركبه وركبت العدسة باالبؤرة مظبوطة لاكن حصل معايا شىء غريب فى ظبط المدار لو قمت بتظبيط الهيسباسات واكسبريس 53 شرق الاقى استرا مالوش اشارة اضطر انى انزل الطبق علشان استرا ييجى الاقى الاقمار هسيباسات واكسبريس اشارته قلت خالص ولى جيت ظبط استرا مع الهيسبا الاقى اكسبريس اشارته قلت خالص ولو جيت ظبط استرا مع اكسبريس 53 شرق الاقى اشارة الهيسباسات راحت .عاوز اعرف ايه السبب انى استرا 19 لايتفق مع الهيسبات واكسبريس 53 شرق لدرجة انى مليت وزهقت وكل المنظومة على مايرام من طبق بريفكس 220 وعدسة انفرتو واستاند موزون على الشعرة ..ياريت حد يفيدنى بطريقة احترافية لظبط المدار زى الاول
ARAFAH
2018/03/05, 01:05 PM
الشىء الغريب لو جيت ظبط هيسباسات مع اكسبريس 53 شرق القمرين بيجيبو القمرين مع بعض بااشارات قوية جدا يعنى كدا المفروض المدار يبقى مظبوط لانى كدا اقصى الغرب واقصى الشرق امال ايه مشكلة استرا 19 مابيرضاش ييجى الا لما انزل الطبق لاسفل مما يؤثر على الاقمار الاخرى
يسرى محمد ابو الفتوح
2018/03/05, 01:23 PM
نفس مابتحكى حصل معايا بالضبط مش عارف اعمل ايه فى ناس قالو لى الاستاند مش مضبوط وفعلا عندى ميل شويه وحتى الان لايس
يسرى محمد ابو الفتوح
2018/03/05, 01:25 PM
ياريت حد يجيب علينا له الشكر الطبق 160
مصطفى الامين
2018/03/05, 02:23 PM
الشىء الغريب لو جيت ظبط هيسباسات مع اكسبريس 53 شرق القمرين بيجيبو القمرين مع بعض بااشارات قوية جدا يعنى كدا المفروض المدار يبقى مظبوط لانى كدا اقصى الغرب واقصى الشرق امال ايه مشكلة استرا 19 مابيرضاش ييجى الا لما انزل الطبق لاسفل مما يؤثر على الاقمار الاخرى

1- اتاكد ان الستاند مضبوط بميزان ميه

2- لماتجيب اكسبريس وتعلى الاشارة والهيسبا ... تعالى على استرا 19 وحرك الطبق فوق وتحت من مسمار الميزان

3- لا بد من تركيب عدسه قويه ذى كيوماكس 5007 .او اى عدسه اى كانت قويه

4- خلى بالك انا كنت ابيض فى موضوع الظبط والتركيب ولكن بحمد الله تعالى وبمساعدة الخبراء بمصراوى سات ... قدرت انى اظبط طبقى وهو 180 ecc
ARAFAH
2018/03/05, 03:00 PM
1- اتاكد ان الستاند مضبوط بميزان ميه

2- لماتجيب اكسبريس وتعلى الاشارة والهيسبا ... تعالى على استرا 19 وحرك الطبق فوق وتحت من مسمار الميزان

3- لا بد من تركيب عدسه قويه ذى كيوماكس 5007 .او اى عدسه اى كانت قويه

4- خلى بالك انا كنت ابيض فى موضوع الظبط والتركيب ولكن بحمد الله تعالى وبمساعدة الخبراء بمصراوى سات ... قدرت انى اظبط طبقى وهو 180 ecc

بقولك مركب انفرتو تقولى ركب عدسة قوية
ARAFAH
2018/03/05, 03:01 PM
نفس مابتحكى حصل معايا بالضبط مش عارف اعمل ايه فى ناس قالو لى الاستاند مش مضبوط وفعلا عندى ميل شويه وحتى الان لايس

الاستاند موزون بميزان مية باالميلى
حجاج تى فى
2018/03/05, 04:10 PM
اضبط ارتفاع الطبق على قمر عرب سات 30 شرق وبعد كده ظبط الاقمار العرب سات 26 والاوربى والنايل بنفس القوس وهيشتغل الطبق تمام
جوهركامل
2018/03/05, 04:20 PM
طالماعندك مدارباشاره كويسه من الغرب للشرق وتعثرت فى استرا19
طبعاغلط تنزل ولاتطلع بميزان
جرب تعلى اوتخفض العدسه وانت على استراوشوف هتعلى الاشاره معاك على اى وضع

وخليك حنين اليومين دووول مع استرا لانه كده كده انخفضت اشارته
بسبب الموجه الحاره وعلشان الشتاءبيودع استرا تعيش انت فى القاهره
الايام بتجرى اخى عرفه والواحدمبئاش عارف صيفه من شتائه
شكلهاكده الفتره الجايه الشتاءهيبقى شهرفقط فى السنه وباقى السنه صيف
وبالاخران شاءالله هتوصل اخى عرفه
جوهركامل
2018/03/05, 04:21 PM
اضبط ارتفاع الطبق على قمر عرب سات 30 شرق وبعد كده ظبط الاقمار العرب سات 26 والاوربى والنايل بنفس القوس وهيشتغل الطبق تمام
حبيبى استاذ حجاج
فرق توقيت والله ولم ارى مشاركتك
patch_lov-patch_lov-
ARAFAH
2018/03/05, 06:12 PM
طالماعندك مدارباشاره كويسه من الغرب للشرق وتعثرت فى استرا19
طبعاغلط تنزل ولاتطلع بميزان
جرب تعلى اوتخفض العدسه وانت على استراوشوف هتعلى الاشاره معاك على اى وضع

وخليك حنين اليومين دووول مع استرا لانه كده كده انخفضت اشارته
بسبب الموجه الحاره وعلشان الشتاءبيودع استرا تعيش انت فى القاهره
الايام بتجرى اخى عرفه والواحدمبئاش عارف صيفه من شتائه
شكلهاكده الفتره الجايه الشتاءهيبقى شهرفقط فى السنه وباقى السنه صيف
وبالاخران شاءالله هتوصل اخى عرفه

شكرا اخى وحبيبى استاذ جوهر لاكن هى مش الفكرة انى بدور على فمر استرا 19 اد مابدور انى يبقى عندى مدار مظبوط وكويس ومعلش انا مختلف معاك فى حكاية انى استرا 19 مبيجيش يبقى الموضوع فى العدسة لسبب بسيط جدا انى اصل هو مبيجيش مع المدار الا لما اخفض الطبق لاسفل ايوة العدسة طبعا عليها دور بس امتا لما يكون استرا باالفعل مظبوط مع المدار وانتا عاوز تظبط الترددات الضعيفة او مابسمى باالسوبر..وفى النهاية تحياتى وشكرى لشخصك الكريم
chemical79
2018/03/05, 07:24 PM
فى إعتقادى المشكله تكمن فى زاوية الميل للطبق طالما قمر من الوسط شذ عن المدار مع الأخذ فى الإعتبار بإن بقية الأقمار تأتى بإشارة قويه ..الحل وضع ورده أو إثنين فوق حرف اليو من الناحية العلويه(الخلفيه) وذلك حسب درجة الخفض والله أعلى وأعلم
جوهركامل
2018/03/06, 12:40 AM
شكرا اخى وحبيبى استاذ جوهر لاكن هى مش الفكرة انى بدور على فمر استرا 19 اد مابدور انى يبقى عندى مدار مظبوط وكويس ومعلش انا مختلف معاك فى حكاية انى استرا 19 مبيجيش يبقى الموضوع فى العدسة لسبب بسيط جدا انى اصل هو مبيجيش مع المدار الا لما اخفض الطبق لاسفل ايوة العدسة طبعا عليها دور بس امتا لما يكون استرا باالفعل مظبوط مع المدار وانتا عاوز تظبط الترددات الضعيفة او مابسمى باالسوبر..وفى النهاية تحياتى وشكرى لشخصك الكريم
ربنايوفقك اخى عرفه وتوصل لهدفك باى طريقه
اى رد لى اولغيرى باجابه بيبقى سبب اواحتمال لانى مش امام طبقك
لذلك اخى مفيش مشكله عندى فى الاختلاف المهم تحل مشكلتك
فى إعتقادى المشكله تكمن فى زاوية الميل للطبق طالما قمر من الوسط شذ عن المدار مع الأخذ فى الإعتبار بإن بقية الأقمار تأتى بإشارة قويه ..الحل وضع ورده أو إثنين فوق حرف اليو من الناحية العلويه(الخلفيه) وذلك حسب درجة الخفض والله أعلى وأعلم
ده كمان من ضمن الحلول مشكوراخىchemical79
وحمدالله على سلامتك
عزت عبدالحميد
2018/03/06, 12:42 AM
اعتقدان الجلب والمسمارمش مظبوطين اوفيهم بوش خفيف
حجاج تى فى
2018/03/06, 12:53 PM
حبيبى استاذ حجاج
فرق توقيت والله ولم ارى مشاركتك
patch_lov-patch_lov-

ولا يهمك حبيبي انت استاذ كبير وعلى علم
وفقك الله دائما
م /احمد جمال
2018/03/06, 02:34 PM
السلام عليكم
قاعده مضبوطه علي ميزان مياه وبولار مائل يبقي انتا معاملتش،حاجه دي نقطه
زاويه تصحيح. ليها عامل كبير في اكتمال قوس الاقمار بأشاره عاليه
رومانى كمال
2018/03/06, 03:34 PM
كانت عندى نفس المشكلة دى غيرت الجلب النحاس وعملت زيها وظبط بورة الطبق والبولار كل الاقمار ظبطت معايا الحمدللة من الاسبانى لحد 75 شرق
saied omar
2018/03/06, 04:38 PM
اخى المشكلة دى تكمن فى انة يوجد بوش فى الطبق او اتعب نفسك وفك الطبق وضعة على ارض مستوى بالقلوب وشاهد دوران الطبق هل هو مظبوط اولاواذا لم يكن مظبوط قم بالمشى على حروف الطبق حتى يستوى ثم قم بظبط القوس من الهاسبا 30غرب حتى اكسبريس53 شرقا وهات اعلى اشارة وتعالى على استرا ولف العدسة قليلا حتى ترتفع اشارتة معك لان اشارتة كدة كدة بتبقى ضعيفة والله الموفق
جوهركامل
2018/03/06, 07:23 PM
تحياتى لجميع الاخوه المشاركين بالموضوع

جميع الردود تحترم وهى تعدمجرد احتمالات صحيحه لحل المشكله فالجميع مشكور

كان ممكن اقول للاخ عرفه عندك بوش من عندمسمارالمحوروالجلب النحاس
وهذا اقرب الحلول بالفعل ولكن الاخ عرفه بيقول بالمشاركه الاولى
(انا قمت بفك الطبق بتاعى وعملت له صيانة وجلب جديدة ومسمار محور جديد)
لذلك لم اتكلم عن مشكلة البوش

وبالنسبه لزاويةالميل ولازاويةالتصحيح ولاديكلانكشن
اناعن نفسى لااتكلم عن شئ لم اجربه حتى وان كان شئ صحيح
ولايوجد شيخ ولاكبيرللمهنه فالجميع يعانى الى الان والخبرات تحترم ولاشك فى ذلك

اماعن اضافةجلب ولا ورد باى مكان بالطبق حتى وزن البولارلوالاستاندمائل
معروفه من زماااان وليست اختراع اليومين دووول
وكان ممكن نستخدم بدل الوردقشرة خشب بجانبين البولاراوبجانب واحد
والسبب كمان لان قطرالاستاند اقل من قطرالبولار
والله المستعان
جوهركامل
2018/03/06, 07:37 PM
ولا يهمك حبيبي انت استاذ كبير وعلى علم
وفقك الله دائما
العفواستاذناالمحترم ابوحجاج
ثق تماما بانك على المستوى الشخصى لك احترامك عندى
سيان بالمهنه اوغيرذلك
الخامه النظيفه كالرائحه النفاذه تتحدث عن نفسها
لك تحياتى ولك احترامى