ازاى اجيب قمر النايل سات بنفسى ؟

[mohmed3000]

السلام عليكم
انا جبت فنى دشات وجابلى اشارة 40% للاوربى والنايل سات انا عندى طبق بريفكس 100 سم حاليا كل القنوات مش شغالة وانا حركت الطبق ومعرفتش اجيب ولا قمر واحد

هل ممكن اجيب قمر نايل سات بنفسى من غير فنى ؟ وهعمل اية فى الدايزك اشيلة ولا اظبطة على قمر واحد
انا فى اسكندرية والدش فى الدور ال 13 ومفيش قدامنا اى عمارات شكرا ليكم

[choop]

اتجاه النايل سات له علاقة باتجاه قبلة الصلاة

قف في اتجاه قبلة الصلاة و لف حول نفسك 90 درجة اتجاه اليمين يكون هذا اتجاه الطبق ناحية النايل سات ( ارفع الطبق فوق و تحت شوية )

القسم هنا موجود فيه اقوى تردد لكل قمر .. اختار اقوى تردد في النايل سات و حطه قدامك و افتح الريسيفر و التليفزيون قدامك و اظبطه في الاتجاه اللي قولتلك عليه

ملحوظة / قطعة ال LNB لفها يمين و شمال وهي في مكانها للحصول على اشارة اعلى و افضل

ملحوظة 2 / للحصول على الاوربي و انت خلف الطبق لف الطبق يمين اتجاه النايل سات حوالي 20 سم

ملحوظة 3 / طالما انت مركب الدايزك يبقى تشوف قطعة ال LNB في سنتر الطبق اللي انت بتظبط كل دا الطبق بيها محطوط السلك اللي طالع منها في اي خانة في الدايزك و بناء عليه في قائمة الاقمار اختار رقم نفس الدايزك اللي طالع منه سلك للقطعة و الا لايمكن تشوف اشارة

ملحوظة 4 / حاول الاول تظبط النايل سات و تحفظ اتجاهه وبعد كدا ممكن تلف الطبق و تظبط الاوربي بنفسك و النايل سات ممكن يتحط على مسطرة ولكن الاولوية لك الان هو ضبط النايل سات